Бізбен байланыс
kum2017@yandex.ru
WhatsApp: +7 705 241 87 47



Қарттарын қадірлеген ел ардақты

23 қыркүйек 2023, Сенбі
Категориясы: Тәрбие сағаты
Қарттарын қадірлеген ел ардақты
1 - қазан Қарттар күніне арналған концерттік бағдарламаның сценарийі
Жүргізушілер: Ақбас Ж. С. – мұғалім
Қуантаева Қ. Т. – 9 сынып оқушысы
(Фанфар. Жүргізушілер ортада)
1 - жүргізуші: Армысыз ауылымның асылдары,
Жайналсын көңілдердің жасыл бағы.
Сіздер үшін ән мен күй, өлең мен би,
Сіздер үшін мереке шашулары.
2 - жүргізуші: Қош келдіңіз ақ жаулықты аналар,
Ақыл кенін арқалаған аталар.
Алдарыңда жауқазындай құлпырған,
Біз алаңсыз балғын шақты балалар.
1 - жүргізуші: Қымбатты ақылдың кенін арқалаған айбынды аталар! Ақ жаулықты аналар! Шынайы да ізгі сезімдерді, білімнің алтын діңгегін сыйлаушы ұстаздар қауымы! Барлықтарыңызды қазан айының алғашқы мерекелері қарттар, ұстаздар мерекесі тоғысқан күнімен құттықтаймыз!
2 - жүргізуші: Аппақ шашың күн сайын қылаңдаған,
Зейнет емес бейнеттен арылмаған.
Тәңірімдей табынып өтем мәңгі,
Қариялар өзіңді ел сыйлаған.
1 - жүргізуші: Ел мүддесін бәрінен биік қоятын, өзінен кейінгі ізіне ерген інілеріне ізеттігін аямайтын, ізінен ерген ұрпағына ұлылығын ұялатып, бір қауымға бас - көз бола білген ауыл қарттарының орны ерекше.
2 - жүргізуші: Олай болса, әр халықтың бойында ықылам заманнан бері қалыптасып оны өзгелерден даралап тұратын, тек өзіне ғана тән қасиеттері болады. Біздің халқымыздың сондай ерешеліктерінің бірі – үлкенді сыйлау, оның сөзіне құлақ асу.
1 - жүргізуші: Қазақ қарты жасына лайық ауызы дуалы, сөзі берекелі, ісі тыңғылықты, ойы терең, ақылы тілегей теңіз болып келеді. Міне, осындай теңеуге лайық қарияларды жылына бір рет келетін 1 - қазан Қарттар күнімен құттықтай отырып «Қарттарын қадірлеген ел ардақты» атты кешімізге қош келдіңіздер дегім келеді. (пауза). Кешімізді бастамас бұрын сөз кезегін мектеп директорының міндетін уақытша атқарушы Кәмшат Аманжолқызына береміз.
2 - жүргізуші: Алдында ақыл берер қария ғой,
Жақсылар жақсылыққа жария ғой.
Жастарға ол парасатты кеңес берер,
Сөзге бай ағып тұрған дария ғой.
Ауылымыздың ардагері ______________________________________ сөз кезегін береміз.
Ән: «Асыл әжем». Орындайтын: Кеңесова Аяжан, Оразаева Ақнұр, Қуантаева Назгүл
1 - жүргізуші: Халқымыздың тәлім - тәрбиесі ананың ақ сүтімен, әже өнегесімен, аталар ақылымен берісіп, өзіндік қасиетімізді қалыптастыру көзделген. Ендеше «Мен атам мен әжемнің жалғасымын» бөліміне құлақ түрелік. (бастауыш монологы)
1 - жүргізуші: Той деп бүгін шашу шашады
Той деп бүгін әлем сырын ашады
Қарттар күні мейрамына арналған
Бишілер өнерлерін шашады.
Мектебіміздің биші қыздарын сіздердің қошеметтеріңізбен ортамызға шақырайық!
(«Қазақ биі». 8 сынып оқушылары)
2 - жүргізуші: Асқар тауым, ақылгөйім, ғұлама,
Аспанымдай мәңгі жаса, құлама
Ер жетсем де еркелігім қалмайды,
Көз алдымда сен тұрғанда ұлы Ана!
1 - жүргізуші: Ата ардақты тұлға. «Әкеден ұл тусайшы, ата жолын қусайшы» деп халық ұрпаққа атаның мұрасын жалғастыруды уағыздайды. Ата ұрпағының қайырымды, мейірімді, ақылды, іскер болуын тілеп сол үшін қамқорлық іс - әрекеттерін жерге жеткенше дамыта береді, өнеге көрсетеді, өсиет айтады.
«Ата – әже» әні. Орындайтын: 6 сынып оқушылары
1 - жүргізуші: Тұра - тұршы есейгенде ұл - қызың,
Жүре тұршы жалғанғанда үзігің.
Маған бақыт неге керек, ақ әже - ау?!
Өзің бірге көре алмасаң қызығын.
Сіздердің құрметтеріңізге 5 сынып оқушыларының орындауындағы «Асыл әжем» әнін қабыл алыңыздар!
1 - жүргізуші: Қарттарды құрметтейтін, олардың алдындағы перзенттік парызын үлкен ынтамен орындайтын, әдептілік, кішіпейілділік, сергек сезімталдық көрсету сынды қасиеттер қанына сіңіп, жүрегіне ұяламаған ұрпақтан не опа, не қайыр?!
2 - жүргізуші: Адамның өмірінің мәні мен сұлулығы, адамның келешегіне сенімділігі – ол баланың ата - анасын ардақ тұтып, өзінің перзенттік қарызын бір сәтке де есінен шығармауында. Қарт кісіні құт - береке деп танысақ – ол ұрпақ көрегендігі.
1 - жүргізуші: Ұрпағы құрметтеген ата - ана әр кезде де бақытты.
(5 - 6 сынып оқушылары. Көркем сөз)
1 - жүргізуші: Үлкенді сыйлау, оларға құрмет көрсету – ата - бабадан келе жатырған салтымыз. Сіздердің өмірлік тәжірибелеріңіз бен ақыл - кеңестеріңіз, тәлім - тағылымдарыңыздың біз үшін орны бөлек. Талай жасты тәрбиелеп, ізбасарларыңызды өсірдіңіздер.
2 - жүргізуші: Сіздерсіздер бүгінгі ұлықпандар,
Мың жасаған ұрпақпен ұлық жандар.
Қарттар тарих, қазына, ел қазығы,
Ей, адамзат, осыны ұмытпаңдар!
8 сынып оқушысы Үсенова Айымның орындауындағы «Қос бәйтерегім: Әкешім - Анашым» әні
1 - жүргізуші: Абырой амандығың арта берсін,
Бақ дәулет қызығымен қатар берсін.
Ұрпағың жақсы көрген жиі келіп,
Таусылмас дәм - тұзыңды тата берсін.

2 - жүргізуші: Тыныштық елімізге бере берсін,
Молшылық жерімізге ене берсін.
Соғыстан ел жұртымыз аман болып,
Қызығын бейбіт өмір көре берсін.
1 - жүргізуші: Алатаудай кейпі биік қашанда,
Таң сызылып, күлер нұр шашарда
Бата бер деп бар адамдар жаяр қол,
Бір биіктен бір биікке асарда.
Сіздерден бата берулеріңізді сұраймыз! (Бата).
1 - жүргізуші: Бүгінгі «Қарттарын қадірлеген ел ардақты» атты кешіміз осымен аяқталды.
2 - жүргізуші: Келіп тамашалағандарыңыз үшін көп - көп рақмет!

Толық нұсқасын жүктеу
5 941
0
  • 0
0 дауыс

Жаңалықтар
Қарттарын қадірлеген - ел ардақты
Қарттарын қадірлеген - ел ардақты
Құрметті қонақтар асыл қазына қарияларымыз бүгінгі өткізгелі отырған «Қарттарын қадірлеген - ел ардақты» атты шағын концертімізге хош келдіңіздер!
1 - қазан Қарттар күніне арналған тәрбие сағаты: Қарттарым асыл қазынам
1 - қазан Қарттар күніне арналған тәрбие сағаты: Қарттарым асыл қазынам
Қош келдіңіз ақ жаулықты аналар, Ақыл кенін арқалаған аталар. Алдарыңда жауқазындай құлпырған, Біз алаңсыз балғын шақты балалар. Аппақ шашың күн сайын қылаңдаған, Зейнет емес бейнеттен арылмаған. Тәңірімдей табынып өтем мәңгі, Қариялар өзіңді ел
Ардақтайық, құрметтейік қарттарды!
Ардақтайық, құрметтейік қарттарды!
Хош келіпсіз ақ жаулықты аналар, Ақыл кенін арқалаған аталар. Алдарыңда жауқазындай құлпырған, Біз алаңсыз балғын шақты ұландар
Қарттарым - асыл қазынам
Қарттарым - асыл қазынам
Ел мүддесін бәрінен биік қоятын, өзінен кейінгі ізіне ерген інілеріне ізеттігін аямайтын, ізінен ерген ұрпағына ұлылығын ұялатып, бір қауымға бас - көз бола білген ауыл қарттарының орны ерекше, олай болса әр халықтың бойында ықылым заманнан бері
1 қазан Қарттар мерекесіне арналған «Қарттарын қадірлеген ел ардақты» атты кеш сценарий
1 қазан Қарттар мерекесіне арналған «Қарттарын қадірлеген ел ардақты» атты кеш сценарий
Халқымыздың асыл қасиеттерін сіңіру, үлкенді сыйлау, өз ата – бабасын ұмытпай сақтау үшін және салт – дәстүрден нәр алып өсуіне, инабаттылыққа, жақсы мен жаманды ажырата білуге аталы сөзден ғибрат алуға тәрбиелеу.
Пікірлер (0)
Ақпарат
Қонақтар,тобындағы қолданушылар пікірін білдіре алмайды.
×