Ана - өмір себуші

Тақырыбы: Ана - өмір себуші

Мақсаты: Аналармен жақынырақ танысу. Аналарға тапсырма беру арқылы оқушыларға ұмыт болып бара жатқан қазақтың дәстүрлерін үйрету. Аналардың өлшеусіз еңбегін бағалай білуге баулу, анасын сүю арқылы еліне деген сүйіспеншілігін арттыру.

Көрнекілігі: Интерактивті тақта, көп балалы аналардың суреттерінен жасалған слайд, ана туралы айтылған қанатты сөздер:
Ана - сарқылмайтын бұлақ,
Бала - бауырындағы құрақ.

Ана жүзі - күлімдеген күн көзі.

Алақаныңа қуырдақ қуырып берсең де, ана борышын өтей алмайсың т. с. с.

Барысы: Құрметті қонақтар, ұстаздар, ата - аналар, оқушылар!
Бүгін сіздер 2 «А» сынып оқушыларының аналарымен бірігіп өткізгелі отырған ашық тәрбие сағатымызды тамашалағалы отырсыздар.

Адамзат ең алдымен ана алдында парыздар. Ана парызы алтынға бөлеуді, ақ орда салуды қаламайды. Ана баласының ер жетіп, адам болуын қалайды.
Анаға осыдан артық тарту - таралғының керегі жоқ.
Хор: Құттықтаймын мама, салтанатыңмен!
Енді бағдарламамен таныстырып өтейін.
1. Балалар өз ата - аналарымен таныстырады.
2. Аналар өзін - өзі таныстырады.
3. Сұрақтарға жауап беру.
4. Қамыр жаю.
5. Өз өнерін көрсету.
6. Қазақтың ұлттық дәстүрінің бірін көрсету.

Сайысымызды бастамас бұрын қазылар алқасын сайлап алайық.

Әлпештеген баласын,
Ана - бақыт, ана - күн.
Әркім сүйіп, өзінің
Мақтан етер анасын - демекші, қазір балалар өз аналарын таныстырады.

Әсет:
Еркелетіп, әлпештеген біздерді,
Анамменен таныстырам сіздерді.
Екі бала өсірген Назым анам,
Ол үшін тең келмеген ешбір адам.

Алмат:
Анам менің Гүлжахан - ұстаз өзі,
Біз үшін үлгі істері, әрбір сөзі.
Тілейміз оған бақыт, зор денсаулық,
Шәкірттерде болмасын керенаулық.

Салтанат:
Толған арман, мақсат тұр алдымызда,
Бақыттымыз анамыз жүр жанымызда.
Өсірген үш баланы, мақтан еткен.
Менің анам Ақжамал алдыңызда.