Бірінші байлық – денсаулық

Қызылорда облысы, Қазалы ауданы
Жалаңтөс батыр ауылы, Қ.Пірімов атындағы № 103 орта мектептің
бастауыш сынып мұғалімі Карабекова Лаура Бибитовна

Бірінші байлық –денсаулық

Сабақтың мақсаты: Бірінші байлық-денсаулық сақтаумен шынықтырып, нығайту. Табиғаттың тіршілік көзі екенін, табиғи заңдылықтарды қатаң сақтау керектегін түсіндіру, салауытты өмір салтын қалыптастыру.

Сабақтың барысы:
Бекнұр зақым алған кісіге және өзіне алғашқы дәрігерлік жәрдем көрсетуге тиіс.
Қаршыға әлеуметтік денсаулығы бар тұлғаны қалыптастыруда өзіндік бағалау, оны жүзеге асыру және тәрбиелеуді жоғарылатуы керек.
Толқынай: Салауатты өмір салтымен жүреміз.

Мұғалім: 2030 жылғы салауатты өмір салты –тұлғаның гармониядағы даму мен тәрбиесінде маңызды роль атқара келіп, қалыпты өмір салтының басты құрамдасы бөлігі болып табылады.
(Балалардың барлығы кіріп бір қатарға тұрады). Әнұран орынлдалады.

Мұғалім: Бірінші байлық-денсаулық Құдіретті табиғатта 9 емші бар екен. Осы тоғыз емшімен танысыңыздар.
Бастаушы:
Шат көңіл адамдар,
Ақ көңіл адамдар!
Денсаулық- зор байлық,
Жансаулық-мол байлық.
Амандық үшін де,
Адамдық ісінде
Қолданып ел сынар,
Табиғат-емші бар.

1.КҮН. Ерқанат
Нұр сәуле –шуақты,
Беретін қуатты.
Ұлы емші анамыз,
Күннен күш аламыз.
Жылытып, қыздырып
Нұрына жүздіріп,
Күн ана шуағы
Сырқатты қуады.

2. АУА. Мерей:
Жер шары-«дәу » әлем,
Қоршаған ауамен.
Ауадан тыныс ап,
Өсті өмір, ырыс, бақ.
Денсаулық-дауа да,
Дәмге күш-ауада

3. СУ. Нұғыман:
Сусын да әрі дем,
Су-емші бәрінен.
Сусынан берді жер,
Жуынсаң сергітер.
Денсаулық тірегі.

4. Бойды тік ұстау. Айгүл:
Тік ұстап денеңді,
Сапқа тұр сен енді.
Жанға сеп шынығу,
Жаттығып тынығу.
Сымбатты болуда,
Өзіңнің қолыңда.

5. Дене жаттығулары. Қасымхан:
Спорттық ойында,
Күш берер бойына.
Спортта ем болар,
Жаттықсаң ем қонар.

6. АШЫҒУ. Назерке:
Ас же, іш сіміріп,
Асқазан сіңіріп.
Жақсартып қаныңды,
Жасартар жаныңды.
Асқазан жұмысын
Аяла, бұл үшін
Ас ішсең аптықпа,
Кейде көн аштыққа.
Талға да бір сәтті,
Тазала құрсақты.
Ас ішсең толасың,
Аман сау боларсың.

7. ТАБИҒИ ТАЛҒАМ. Мәдина:
Жеміс пен көкөніс,
Нан, сүт берер күш.
Витамин –тағам-нәр,
Ас адамның арқауы.
Тағам іш жағымды.
Дертіңді қуатты,
Денеңнен қуады.

8. ДЕМАЛЫС. Мағжан:
Еңбекпен шынықтық,
Енді сәл тынықтық.
Серги біл құр жатпа,
Сейілде гүл бақта.
Ұйқыны қоя тұр,
Көр кино, театр.
Жиналдық аманда,
Күш бере адамға.

9. АҚЫЛ-ОЙ. Асылзат
Ой салып ақылға,
Он істі мақұлда.
Табиғат әрқашан,
Емдерін пайдалан.
Талпынсаң құрыспай,
Денсаулық құрыштай.
Боласың көңілді,
Қуантып еліңді.
Ие боп жақсы атаққа,
Жетесің мақсатқа.
Мұғалім: Адам ұзақ өмір сүремін десе, «Ауырып ем іздегенше, ауырмайтын жол іздеу керек. Деніңіз сау болсын десеңіз ».

Асылан:
1-ерте тұру,
2- орта тазалығын ұстау;
3-дене шынықтыру,
4-үнемі денені таза ұстау,
5-үнемі сергек жүру,
6-артық тамақ ішпеу,
7-ұйықтап, жалқау болмау.

Бекнұр: Жүгірудің пайдасы: бұлшық ет ширығады, таза ауа өкпедегі тыныс жолдарын ашады. Адам сергиді, ұйқыдан тез оянады.
Көптеген ауруларға ем болады.
Мұғалім: Әбу-Насар Әл Фараби былай деген екен.
«Егер тән ауырса , көңілдің күрт түсуі-табиғи құбылыс. Сондықтан алдымен сазды әуеннің әсерімен көңілді сергітеді. Осының арқасында дене біртіндеп сауыға бастайды».
ӘН: «Әрқашан күн сөнбесін!»