Жарық сүйгіш және көлеңкеге төзімді өсімдіктер

Тақырыбы: Жарық сүйгіш және көлеңкеге төзімді өсімдіктер
1. Білімділік: Өсімдіктердің алуан түрлі орта мен ондағы тіршілік жағдайларына бейімдігі туралы оқушылардың білімін, өсімдіктің сыртқы құрылысындағы ерекшеліктерді ажырата білу біліктерін кеңейту, тереңдету.
2. Дамытушылық: Оқушы танымын кеңейтіп, қызығушылығын ояту. Дүниетанымын кеңейту, сөздік қорын молайту, тіл байлығын арттыру.
3. Тәрбиелік: Қоршаған ортаны қорғауға үйрету арқылы экологиялық тәрбие беру.

Кезеңдері
Өту барысы
Ұйымдастыру
Психологиялық дайындық
- Сәлеметсіңдер ме, балалар.
- Көңіл - күйлерін қалай?
- Мен сендерге өлең жолдарын оқып беремін сендер менің соңымнан қайталайсыңдар.
Жер байлығы көп екен
Меңгеруді қалайды
Осының бәрін білдірген
Дүние тану сабағы.
– Жарайсыңдар, отырыңдар.
Ауа райын бақылау

Үй тапсырмасын тексеру
– Балалар бүгін ауа райы қандай екен, кім бақылап келді?
- жылдың қандай мезгілі?
- Қандай ай?
- Қар жауып тұр ма?
- Күн жылы ма, салқын ба?
- Неше градус екен?
– Иә, балалар, дұрыс айтасыңдар.
- Өткен сабақта қандай тақырып өттіңдер?
- Сабақты оқып келдіңдер ме?
- Кім сабақ айтады?
- Өте жақсы, балалар. Үй тапсырмасын оқып келген екенсіңдер.

Кіріспе әңгіме
Жаңа сабақ
- Ендеше, бүгінгі біздің өтетін тақырыбымыз жарық сүйгіш, көлеңкеге төзімді өсімдіктер.
- Балалар, неге жарық сүйгіш және көлеңкеге төзімді өсімдіктер бөлеміз?
- Дұрыс айтасыңдар.
- Жарық сүйгіш өсімдіктер деп атау себебі олар жарықты жақсы көреді. Егер күннің көзі шығып тұрса, ол одан әрі жақсы өсіп, жемісін береді. Ал, егер жарық болмаса жапырақтарына жарық түспесе оған қоректік заттар түзілмейді. Және жапырақтары қурап түсіп қалады. Жүгері, мақта, қызанақ, күнбағыс өсімдіктері күннің көзін көп қажет етеді. Және жарық көзі мол болса, олар көп өнім береді. Көптеген өсімдіктер жарықты жақсы көреді, себебі жарық болмаса топырақта қоректік зат түзілмейді, өсімдік қурап қалады. Мұндай өсімдіктерге мақта, жүгері, жолжелкен, өгейшөп, қоңыраубас жатады.