Есе артық, есе кем

Математика 2 сынып
Сабақтың тақырыбы: Есе артық, есе кем
Сабақтың мақсаты: Оқушылардың ой - өрісін дамыту, есептеу машықтарын жетілдіру. Есе артық, есе кем тақырыбын түсіндіре отырып, оқушылардың ойлау логикасын қалыптастыру. Табиғат ананың балаларын баптап, сақтауға үйрету. Отанын қастерлеуге баулу.
Сабақтың әдісі: Ертегі бөлшектерін қолданылған саяхат сабақ.
Қажетті көрнекілік:
1) құстар, аңдар суреті;
2) театр қуыршағы;
3) плакаттар;
4) музыкалық телефон;
5) глобус.

Сабақтың жоспары:
1. Ұйымдастыру кезеңі.
2. Үй тапсырмасын сұрау.
3. Ребус шешу.
4. Жаңа тақырып түсіндіру.
5. Жаттығу жұмысы.
6. Сергіту сәті.
7. Сабақты қорытындылау ( ертегі арқылы).
8. Үй тапсырмасын беру.
9. Балалардың білімін бағалау.

Ұйымдастыру кезеңі: Оқушылардың назарын сабаққа аудару.
Үй тапсырмасын тексеру тестік әдіс арқылы өтеді.
Сұрақтары:
1. Математика пәнінде неше амал бар?
2. Көбейту компоненттерін атаңдар.
3. Бөлу компоненттерін атаңдар.
4. Қосу компоненттерін атаңдар.
5. Азайту компоненттерін атаңдар.
6. Көбейту мен бөлудегі 1 - дің қасиеті.
7. Көбейтудің ауыстырымдылық қасиеті.
Балалар, бүгін біздің сабағымызға қонаққа тышқан келіпті, ол тышқан өте қу хайуанат, біз оның қулығын қай ертегіден білеміз?
Жыл басына таласқан хайуанаттар ертегісінен білеміз.
Ол өзімен бірге қоржын ала келіпті. Қоржынында не бар екен, қарайықшы. Қоржынында сендерге арналған тапсырма бар екен.
Ол - ребус шешу.
Осы тапсырмада біздің бүгінгі жаңа тақырыбымыздың аты жасырынған. Егер біз ребусты дұрыс шешсек, тышқан бізді бастап хайуанаттар паркіне саяхатқа апарады.
16 8 2 4 3 8 12 0, 4 10 0 6 0 0.
Тапсырма: Көрсетілген сандардың орнына, көбейтіндісі осы санға тең болатын сандар орналасқан, бағана мен жолдың қиылысуында тұрған әріпті жазу керек. Мысалы; 16 дегеніміз 4 пен 4 - тің көбейтіндісі. Осы 4 пен 4 - тің қиылысқан жерінде «е» әріпі тұр. Тапсырманы осы үлгіде орындаймыз. Тақырыбымыз: «Есе артық, есе кем»