Дыбыс және оның түрлері 7 - 9 жаттығулар

Қазақ тілі
Сабақтың тақырыбы: Дыбыс және оның түрлері 7 - 9 жаттығулар.

Сабақтың мақсаты:
Білімділік: Оқушылардың дауысты және дауыссыз дыбыс және дыбыс әріптерін меңгеру барысын пысықтау, 1 - сыныпта өткенді еске түсіру.
Дамытушылық: Дұрыс дыбыстау, сауатты оқу мен көркем жазу дағдыларын дамыту.
Тәрбиелік: Адамгершілікке, білімділікке тәрбиелеу. Еңбекке баулу.
Сабақтың типі: Аралас сабақ.
Әдіс - тәсілдері: СТО технологиясының тәсілдері, түсіндіру, сұрақ - жауап,
көрнекілік көрсету арқылы түсіндіру, жарыс, ойын.
Көрнекілік: Дыбыстар кестесі, алфавит, суреттер, қима қағаздар.

Сабақтың барысы:
Ұйымдастыру кезеңі: а) Сәлемдесу, оқушыларды түгендеу.
ә) Сабаққа әзірлігін тексеру, оқу құралдарын дайындау.
Үй тапсырмасымен жұмыс: Дыбыс пен әріп. 5 - жаттығу, 2 - жаттығу (жаттау)
Білімді жан - жақты тексеру кезеңі. «Кім білгір?» ойын ұйымдастыру немесе қатар аралық жарыс.
1 сыныпта өткенді еске түсіру.
- Дыбыс деген не?
- Дыбыс түрлерін ата.
- Дауысты дыбыс түрлері.(жуан, жіңішке)
- Дауыссыз дыбыс түрлері.(қатаң, ұяң, үнді)
- Дыбыс пен әріптің ерекшелігі т. б.
Оқушылардың білімді белсенді меңгеруге дайындау кезеңі.

Жаңа сабақ.
Сабақ тақырыбы мен мақсатымен таныстыру.
Дәптермен жұмыс. Көркем жазу сәті
--------------------------------------------------------------------
(Қаламсапты дұрыс ұстау мен дұрыс отыру ескертіледі).

Пысықтау жұмысы.
Қазақ тілінде
37 дыбыс, 42 әріп бар.
Дыбыстар: а, ә, б, в, г, ғ, д, е, ж, з, и, й, к, қ, л, м, н, ң, о, ө, п, р, с, т, у, ұ, ү, ф, х, һ, ц, ч, ш, щ,
ы, і, э.
Әріптер: а, ә, б, в, г, ғ, д, е, е, ж, з, и, й, к, қ, л, м, н, ң, о, ө, п, р, с, т, у, ұ, ү, ф, х, һ, ц, ч, ш, щ,
ь, ы, і, ъ, э, ю, я.
Дыбыстау мүшелері арқылы жасалып, естілетін физикалық құбылыс дыбыс деп аталады.

Ойынды тағы жалғастыру: «Аквариумге балық салу»(балықтардың артына дыбыс әріптері жазылған. Оқушы балықты алады. Егер дауысты дыбыс болса қызыл аквариумге, дауыссыз болса, көк аквариумге салады).
Дыбыс және оның түрлері 7 - 9 жаттығулар жүктеу