Конус, конустың жазықтықпен қимасы. Конустың жазбасы және бетінің ауданы

М. Арын атындағы
Қарғалы қазақ орта мектебінің
математика пәнінің мұғалімі
Шәмішева Назгүл Қаршығақызы

Сабақтың тақырыбы: Конус, конустың жазықтықпен қимасы. Конустың жазбасы және бетінің ауданы.
Сабақтың мақсаты: Конус туралы білімдерін кеңейту;
1) Конус, конустың жазықтықпен қималары, конустың жазбасы және бетінің ауданы туралы меңгерту;
2) Конустың бетінің аудандарын табу формуласын есеп шығаруда қолдана білуге дағдыландыру;
3) Нақтылыққа, дәлдікке тәрбиелеу;
Түрі: Жаңа сабақ
Типі: Жаңа сабақты меңгерту;
Әдісі: Ақпараттық, түсіндірмелі, ой - қозғау, есептер шығару т. б.

Сабақтың барысы: І. Ұйымдастыру

ІІ. Үй жұмысын тексеру. №34
1. Тік төртбұрышты оның бір қабырғасынан айналдырғанда қандай фигура шығады? Цилиндр
2. Тік бұрышты үшбұрышты бір катетінен айналдырғанда қандай фигура шығады? Конус. Иә, демек конус та айналу денесі.
ІІІ. Жаңа сабақты түсіндіру. Электронды оқулықты пайдаланып жаңа сабақты түсіндіру.

Конустың жасаушысы арқылы өтетін, конуспен басқа ортақ нүктелері жоқ жазықтық конусқа жанама жазықтық деп аталады.
Табаны дөңгелек болып келетін және оның биіктігінің табаны дөңгелектің центріне дәл түсетін конусты тік дөңгелек конус деп аталады.

Бекіту сұрақтары:
1. Конустың жасаушысы конустың биіктігіне тең болуы мүмкін бе? жоқ
2. Конустың жасаушысы табан шеңберінің радиусына тең болуы мүмкін бе? жоқ
Егер жазықтығы конустың осі арқылы өтсе, онда қимада пайда болған үшбұрыш конустың осьтік қимасы деп аталады.
1. Конустың осьтік қимасы тең бүйірлі үшбұрыш болуы мүмкін бе? Иә
2. Конустың осьтік қимасы тікбұрышты үшбұрыш болуы мүмкін бе? Иә
3. Конустың қимасында тең қабырғалы үшбұрыш шығуы мүмкін бе? Иә
4. Конустың жазықтықпен қимасында осьтік қимадан басқа тең бүйірлі үшбұрыш шығуы мүмкін бе? Иә
5. Конустың қимасында дөңгелек, эллипспен шектелген фигура шығуы үшін қиюшы жазықтықты қалай жүргізу керек?

Толық нұсқасын жүктеу