Тіл ұлттың тірегі

Тақырыбы: Тіл - ұлттың тірегі.
Мақсаты: Мемлекеттік тілді насихаттай отырып, өзге ұлт тәрбиеленушілерін мемлекеттік тілде жан - жақты тәрбие беру.
Балалардың тілге деген сүйіспеншілігін, қызығушылығын, шешендік өнерін, дамыту.
Тіл мәдениетінде, достық қарым - қатынасқа ой ұшқырлығы мен тапқырлыққа өз ұлтын сүюге, өзге ұлт мәдениетін құрметтеуге тәрбиелеу.
Көрнекілігі: слайд, тіл жайында, айтқан зиялылар сөздері.
Барысы:
Жүргізуші: Құрметті тәрбиешілер, балалар бүгінгі өзге ұлт балалар арасында мемлекеттік тілде ұйымдастырылып отырған білімпаздар сайысына қош келдіңіздер!
Қыран құсым көк аспанда самғасын,
Желбіреген көк байрағым сан ғасыр,
Жас ұландар берік ұста туыңды,
Жарқыратып туған елдің жанбаласын.
Біздің отанымыз байтақ та бай ел. Елімізде көптеген ұлт өкілдері тұрады. Әр халықтың өз ана тілі бар. Ұланғайыр ата-мекеніміз қандай кең болса, пейіліміз де керемет бай.
Біздің тіліміз - кешегі өткен дана Абайдың, жыр семсер Махамбеттің шындықтың дәл өзіндей Бауыржанның ұлы Мұхтардың тілі. Қазір қазақ тілі мемлекеттік мәртебе алады. Қазақстанда тұратын өзге ұлт өкілдерінің де тілі болып отыр. Осы мақсатпен ұйымдастырған өнер сағатымызды қазақ тілінде тамашалайсыздар.
Ал келіңдер, келіндер,
Бәріңе - бірің еріңдер
Біліміңді тексеріп
Ойынға қатысып көріңдер - деп ортаға өзге ұлт балаларынан құралған ойынға қатысушы сайыскерлерді шақырамыз.
1. Бірлік тобы 2. Жұлдыз тобы (әр топта 5 оқушыдан)
Жүргізуші: Сайысымыз 7 кезеңнен тұрады.
1 - кезең Топтың аты, ұраны топ мүшелерімен таныстыру.
2 - кезең «Өлең сөздің патшасы»(мәнерлеп оқу сайысы.)
3 - кезең Мақал - мәтел сайысы.
4 - кезең Сұрақ - жауап сайысы.
5 - кезең Күлкілі көрініс, жарнама көрсету.
6 - кезең Жұмбақ жасыру.
7 - кезең Сөз жұмбақ.

Сайысты бақ сыналар, бар сыналар
Бас жүлдені, өнерлі тапқыр олар
Кім өнерлі! кім тапқыр шешу қиын,
Қазылар алқасы болмаса нақ сын олар.
Кез келген сайыс бағалануы тиіс. Осының ара жігін ажырататын қазылар алқасы деген болады. Бұл жарыстың ажырамас бір бөлігі, дәстүрлі үрдісі біз де сол үрдіс бойынша әділдігін айтып тура шешімін шығарып, қазылар алқасын сайлап алсақ.
Әділ қазылар алқасы деп жазылған, әрбіреуінің алдында конкурс бағдарламасы және балл қоятын қағаздар, қалам. Балаларға арналған мақтау қағаздар және сыйлықтар.

Жүргізуші: Армысың, айналайын дана халқым,
Сақтаған ұлтымыздың берік салтын.
Тіл ұлына оралар кездескенде,
«Сәлем - сөздің анасы» деген нақыл.
Топ алдына шыққанда басын иіп,
Сәлемдесу - парызы әрбір жастық
Өнерлерін паш етер жігіттермен,
Сәтте келіп қалғандай танысатын деп ойыншыларымыздан өздерін таныстыруын сұраймыз.

2 - кезең
Жүргізуші: Міне, екі топпен таныстық,
Өлең сөздің патшасы, сөз сарасы.
Қиыннан қиыстырып ел данасы
Тілге жеңіл, жүрекке жылы тиіп,
Жұп - жұмыр, тегіс келсін айналасы, деп Абай атамыз жырлағандай келесі сайыс мәнерлеп оқу сайысы. Әр топтан екі тәрбиеленушілерден шығып екі өлең оқиды.