Мен сенің өміріңнің жалғасымын

Сабақтың тақырыбы: «Мен сенің өміріңнің жалғасымын»
Cабақтың мақсаты:
Әке мен баланың арасындағы сыйластықты көрсету. Өнерге, сұлулыққа, жинақтылыққа, ұқыптылыққа ата - анамен байланысты қамту. Отанды қорғау отбасынан басталатындығын мақтанышпен қарауға тәрбиелеу. Әкені құрметтеуге, тілді сүюге деген шәкірт ынтасын ояту.

Өту барысы:
Ұйымдастыру кезеңі: топқа бөлу
1 - кезең «Сөзжұмбақ шешу»

2 – кезең «Сөз атасы мақал». Бұл кезеңде берілген мақалдың сыңарын табу керек.
1. Әдепті бала – ата - анасын мақтатар,
Әдепсіз бала – ата - анасын қақсатар.
2. Ана сүтін ақтамағанды,
Ешкім мақтамайды
3. Үйінде ұл – қызы бардың,
Көгінде сөнбес жұлдызы бар.
4. Шамның жарығы түбіне түспес,
Жақсының қадірі жақынына білінбес.
5. Жаманнан жақсы туады, адам айтса нанғысыз.
Жақсыдан жаман туады, бір аяқ асқа алғысыз.
6. Ағайынның қадірін жалалы болғанда білерсің,
Ата – ананың қадірін балалы болғанда білерсің.

3 - кезең «Сұрақтарға жауап». Жеке жұмыс
1. Анаңның сүйіп жасайтын жұмысы не?
2. Анаңның туған күні қашан?
3. Үйдегі адам саны қанша?
4. Бауырың неше жаста?
5. Үйде ыдысты кім жуады?
6. Үйді кім жинастырады?
7. Таңертең сені кім оятады?
8. Әкеңнің туған күні қашан?

4 - кезең «Менің отбасым». Топтық жұмыс.

5 - кезең « Сен білесің бе?»
1. Оның ағасы маған жезде, мен оған кім боламын? (құда бала)
2. Екі қыздың балалары бір – біріне кім болады? (бөлелер)
3. Жеті атаны ата: (Ата, Әке, Бала, немере, шөбере, шөпшек, немене)
4. Анаңның туыстары саған кім болады? (нағашы)
5. Ағамның әйелі маған..... (жеңге)
6. Үйленген апамның баласы маған...., мен оған.... (жиен, нағашы)

6 – кезең « Жұмбақтарды шешу»
Әлпештеп өзіңдей өсірген
Нағашы әжеңнің баласы
Төрінде жалпиып көсілген
Бұл күнде жиеннің анасы Ол кім?

Айтары мол ғұлама
Көп жасаған бұл адам
Әкесі ол әкеңнің
Білер оны сұраған Ол кім?

Аймалайды күнім деп
Мейірімді жүзі күлімдеп
Тәтті - ақ дейді немере
Бал шырындай үнің деп Ол кім?

Атаңның баласы
Кей кезде таласып
Қаласың әжеге
Білгенің асады кәдеге Ол кім?

4. Қорытынды. Бүгін мен қандаймын?