Сүт тағамдарын дайындау, оның қасиеті мен маңызы

Сыныбы: 6 сынып
Тақырыбы: Сүт тағамдарын дайындау, оның қасиеті мен маңызы
Сабақтың мақсаты:
Білімділігі: Төрт түлік малдан өндірілетін сүт өнімдері, сүттен жасалатын тағамдардың жасалу әдісін үйрету.
Дамытушылығы: теориялық және практикада алған білімдерін күнделікті тіршілікте пайдалана білуге, адам ағзасы үшін пайдасын тани білуінен мәлімет беру, сүт тағамдарын дайындай білуге үйрету.
Тәрбиелік: тағам жасаудың тәсілдерін үйрету тазалыққа, ұқыптылықпен үнемділікке тәрбиелеу.
Сабақтың түрі: аралас
Сабақтың әдісі: көрнекілікпен түсіндіру, сарамандық жұмыста алған білімдерін бекіту.
Керекті құрал жабдықтар: төрт түлік мал туралы сөздер, сүттен даярланған тағам түрлері, сөзжұмбақ

1. Ой шақыру
Малдың қадірін біліп, қасиетін бағалаған бабаларымыз адам есіміне мал атауларын қоюға әдетке айналдырған.
Қошқарбай
Қозы Көрпеш
Нартай
Ботагөз
Құнанбек
Қойшығұл

Төрт түлік
Жылқы
Сиыр
Түйе
Қой
Ешкі Ақ

Сүт өнімі
Қымыз
Сүт
Шұбат
Қоймалжың

Төрт түлік малдың пайдасына тоқталатын болсақ: мінсе көлігі, ішсе сусыны, жисе тамағы, кисе киімі, тұтынса бұйымы, байлығы мақтанышы осы мал болған.

2. Мағынаны ашу
Мал өсіруге қолайлы ел – Қазақстан. Қай халыққа болмасын өте ерте заманнан бері мәлім жұғымды тағамның бірі – сүт. Сүттің алатын орны ерекше. Барша жұрт сүтті ең жеңіл тағам ретінде бағалайды. Пайдасы: асқазаны бұзылған, сондай - ақ басқа да ауыр науқастарға жүрегі, бүйрегі, бауыры ауыратын адамдарға пайдалы. Әсіресе ешкі сүті ағзаға жұғымды. Ешкі сүті ана сүтімен тең. Әлсіреген адамға немесе көк жөтелмен ауыратын балаға беріледі. Бүгінгі сабағымызда сүттен дайындалатын ірімшік тағамын жасап үйренеміз. Ірімшік құнарлы азықтың бірі. Оның құрамында 22 - 30% белок, 15 - 30 % май бар.
Ірімшік – қатты, жұмсақ, тұзды және тұзсыз ірімшіктер болып бөлінеді. Көбінесе аспаздық пісірілген тағамдарда – пирог, құймақ, жұмсақ нан орталарына пайдаланады.
Жасау жолы: Ірімшік сүттен жасалады. 3 литр сүтті қайнатып жылы жерге ішіне айран құйып 20гр іріткі қосып ірітеді немесе ұйытады. Аз уақыт отқа қойып бетіне көк суы шыққасын сүзіп алады. Дайын болған соң секер салып немесе салмай да пайдалануға болады.

Бекіту
1. Төрт түлік малдың пайдасын қалай бағалаған?
2. Сүт өнімдерінің ағза үшін маңызы қандай?
3. Ірімшік тағамының дайындалу жолдарын еске түсір?

Практикалық жұмысқа дайындық
Тазалық талап ережесімен танысайық
1. Сүт тағамдарын дайындау алдында қолыңды жақсылап жуу керек
2. Сүт тағамдарын салқын жерде сақтайды
3. Сүтке керегінше секер салып, ұзақ қайнатып тәтті сүт дайындауға болады ол ұзақ сақталады.
Жұмбақ
Мал төлдеп, әр ауыл пісіреді ақ бауыр
(уыз)
Уыз – жаңа туған сиырдан алынады.
Сабақтың теориялық және практикалық бөліміне баса назар аударыла отырып оқушылардың білімін бағалау.
Үйге тапсырма: Ірімшік қосып пирог дайындап келу