My family

Білім саласы: Қатынас
Білім бөлімі: Ағылшын тілі
Тақырыбы: My family
Мақсаты: балаларға отбасы туралы түсінік беру, өз жанұясы туралы әңгімелеуге үйрету. Ойын арқылы есте сақтау қабілетін, қарым қатынас дағдыларын дамыту. Отбасына деген сүйіспеншілікке тәрбиелеу Балалардың патриоттық сезімдерін ояту, отбасы туралы түсініктерін кеңейту. Отбасы мүшелерін дұрыс атап, тақырыпқа байланысты жаңа сөздер, фразалармен таныстыру, сөздік қорларын, ой - өрісін дамытып, дұрыс сөйлеуге жаттықтыру.
Билингвалдық компоненттері: family - отбасы, mother - ана, father - әке, grandmother - әже, grandfather - ата, brother - аға, sister - әпке, baby - бөбек
Көрнекіліктері: слайд, плакаттар, отбасы мүшелері бейнеленген плакат, карточкалар
Мотивациялық - қозғаушы кезең:
- Good morning children!
- Good morning teacher!
- Балалар бәріміз ортаға шығып, шаттық шеңберін құрайық. Бәріміз бір – біріміздің қолымыздан ұстап алақан жылуларын сезінейік. Қандай тамаша?!
Шаттық шеңбері:
Good morning teacher!
Good morning
Good morning to you
Good morning dear teacher
I am glad to see you
Ұйымдастырушы - ізденуші кезең:
- Балалар, Бүгінгі біздің тақырыбымыз өз отбасымыз туралы болмақ.
“Менің отбасым.” Ағылшын тілінде менің отбасым қалай болады?
- My family
- Ол үйлерде кімдер тұрады деп ойлайсыңдар?
- Отбасы
- Иә, балалар, барлық үйдің өз отбасы болады олар бір - бірімен тату - тәтті тұрады.
Біздің әрқайсымыздың өз отбасымыз бар. Отбасы мүшелеріне кімдер жатады? (Балаларжауабы)
- Отбасы ол – атам, әжем, анам, әкем, ағам, әпкем және мен
- Балалар, отбасымыздағы басшы кім? (әке)
- Ал, сендерді өмірге әкелген адам? (ана)
- Ал ата мен әжеге сендер кім болып келесіңдер? (немере)
- Ал, аға - апа, іні - қарындас ол, сендердің туған бауырларың.
- Отбасындағы адамдар бір - бірімен қандай болуы керек?
- Адал, мейірімді, қайырымды болуы керек.
- Балалар, біз отбасындағы тәрбиені бірінші кімнен аламыз? (әке мен анадан)
- Олай болса бәріміз тақтаға назар аударайықшы.
Бұл суретте кімдердің суретін көріп тұрсыңдар? (отбасының)
- - Иә, бұл суретте сүйіспеншілігі мол, бір - біріне ыстық ықыласпен, аялы сезіммен қарап отырған отбасы мүшелері. Қане, отбасы мүшелерін ағылшын тілінде атап көрейікші.
Ойын: «Аудармашы»
Мұғалім допты лақтырып қазақ тілінде бір сөз айтады, ал оқушы допты қағып аладыда, мұғалім айтқан сөздің ағылшын тілінде аудармасын айтып, допты мұғалімге кері лақтырады.
Сергіту сәті:
Аяқпенен топ - топ,
Ал қолменен хоп - хоп
Бір оңға, бір солға
Айналайық, кел мұнда.
Қолымызды бір сілтеп,
Басымызды шайқайық.
Бір оңға, бір солға
Кел ойнайық, кел мұнда.
Секіреміз жоғары,
Қиын емес секіру.
Бір оңға, бір солға
Секірейік, кел мұнда.
Ойын: «Полиглот»
Мұғалім жұмбақ жасырады, оқушы жұмбақтың шешуін тауып үш тілде атайды. (қазақ, орыс, ағылшын тілдерінде)

Рефлексиялық түзетушілік
Педагог оқу іс - әрекетін қортындылайды. Отбасы мүшелерінің атауларын ағылшын тілінде сұрайды. Оқу қызметінде ойналған ойындарды талқылайды.

Күтілетін нәтижелер:
Орындайды: жаңа лексикалық бірліктерді family - отбасы, mother - ана, father - әке, grandmother - әже, grandfather - ата, brother - аға, sister - әпке, baby - бөбек сөзін;
Түсінеді: мәтінді тыңдау арқылы қабылдауды, шағын әңгіме құруды.
Қолданады: отбасы мүшелерін атап үйренуді, өз жанұясы туралы шағын әңгіме құруды.

Маңғыстау облысы, Қарақия ауданы,
Мұнайшы селосы, "Балауса" балабақшасы
Ағылшын тілі пәнінің оқытушысы Түешиева Меруерт