Азаматтық қорғаныс – жалпы мемлекеттік қорғану іс - шаралары

1. Сабақтың тақырыбы: Азаматтық қорғаныс – жалпы мемлекеттік қорғану іс - шаралары және оның міндеттерінің жүйесіндегі құрам - бөлік, шаруашылық нысандарын (оқу орындары) азаматтық қорғаудың ұйымдастыру құрылымы, әскери емес азаматтық қорғаныс, олардың атқаратын қызметі және жабдықталуы
2. Сабақтың мақсаты: Оқушыларға азаматтық қорғаныстың негізгі міндеттері мен мақсаттарын ұғындыру.
3. Уақыты: 45 мин.
4. Өткізілетін орны: 11 сынып, БӘД бөлмесі.
5. Көрнекілік құралдар: АӘД оқулығы, АҚ журналдары.
6. Сабақтың барысы:
а) Ұйымдастыру кезеңі – 3 мин.
Взвод командирі оқушыларды сапқа тұрғызады, оқытушыға рапорт береді, амандасу, түгендеу, оқушылардың сырт көрінісін тексеру.
ә) Өтілген тақырыпты сұрау кезеңі – 10 мин.
- Жазық тік бұрышты координаталар дегеніміз не?
- Тікбұрышты (шақырымдық) координалық тор дегеніміз не?
- Картада шаршы бойынша пункттің орны қалай көрсетіледі?
- Берілген мысалдар бойынша картадағы нүкте координаталарын анықтаңдар.
б) Негізгі бөлім – 22 мин.
Шаруашылық объектілерінің азаматтық қорғанысы. Азаматтық қорғаныстың негізгі міндеттері мен мақсаттарын

Азаматтық қорғаныс – жалпы мемлекеттік қорғану шаралар жүйесінің құрамдас бөлігі. Ол дұшпанның түрлі қаруларының, техногендік және табиғи апаттың негізгі факторларының халыққа әсерін әлсірету үшін құралған.
АҚ - тың негізгі міндеттері:
1). Дұшпанның бастырмалатқан соққыларының тұтқиылдығы мен қауіпті факторлардың әсерін болдырмау.
2). Бастырмалатқан соққылардың нәтижелігін бәсеңдету мен қауіпті факторлардың әсерін әлсірету.
3). Жою құралдарының әсері мен қауіпті факторлардың зардаптарын анықтау.
4). Дұшпанның бастырмалатқан соққыларының зардаптары мен қауіпті факторлардың әсерін жою.
Бірінші міндеттің шешілуі мына жолдармен жүргізіледі:
- дұшпанның жаппай жою қаруын, аса қуатты қаруды және басқа да қару түрлерін қолдануға дайындалуын дер кезінде анықтау.
- техногендік және табиғи сипаты бар қауіпті факторлар әсерінің қауіп - қатерін болжау;
- халықты жаппай жою қаруының, техногендік және табиғи сипаты бар қауіпті факторлардың әсерінің қауіпі жайында ескерту;
- халыққа радиоактивті, химиялық, биологиялық зақымдану мен қауіпті факторлар жайында хабарлау.
Екінші міндеттің орындалуы былайша жүзеге асырылады:
- халықты қорғану құралдарымен және оларды дер кезінде қолданумен қамтамасыз ету;
- түрлі фортификациялық құрылымдарды (баспаналық тез құрылатын қорғаныс құрылымдарын, радиацияға қарсы баспаналарды) қолдану арқылы;