А дыбысы мен әрпі

Сабақтың тақырыбы: А дыбысы мен әрпі
Сабақтың мақсаты: 1) «А» дыбысымен таныстыру. А дыбысының сөздегі орнын айыра білуге (басында, ортасында, аяғында), әріп, дыбыс туралы білімдерін толықтыру.
2) Оқушылардың тіл байлығын дамыту, жылдам ойлау қабілеттерін қалыптастыру.
3) Оқушыларға «А» дыбысы бар сөз ойлап табуына назар аудара отырып, сөздік қорларын байыту, байланыстыра сөйлеуге тәрбиелеу.
Сабақтың типі: жаңа сабақ
Әдісі: сұрақ - жауап, әңгімелеу, түсіндіру
Пәнаралық байланыс:
Көрнекіліктер: А дыбысына байланысты суреттер, ребус, дидактикалық материал

Сабақ барысы:
І. Ұйымдастыру:
• Оқушыларды тыныштандыру.
• Әнұран орындау.
• Балалар, «Әдептілік белгісі – иіліп сәлем бергенің» дегендей бір - бірімізбен амандасып, сәттілік тілейік.
Мұғалім: Сәлеметсіңдер ме, балалар?
Оқушылар: Сәлеметсіз бе, мұғалім?
Сәлеметсің бе, құрдасым?
Сәтті болсын бұл күнің,
Бестік болсын алғаның.
• Өте жақсы, орындарыңа отырыңдар.
(Бүгінгі күнді анықтау, - аптаның қай күні, қалай аталады?)

ІІ. Өткенді еске түсіру
• Балалар, біз сауат ашу сабағында өткен дыбыс туралы не білетіндерімізді еске түсіріп көрейікші.
- Дыбыс дегеніміз не?
- Дыбыстар нешеге бөлінеді?
- Сөз неден құралады?
- Сөйлем неден құралады?

ІІІ. Жаңа сабаққа дайындық
• Ал, балалар, қазір мен сендерге жұмбақ жасырамын.
Мен үшін ол жақсы адам
Артық көрем басқадан.
Апа, ата сөздерін
Қайсы әріптен бастаған. (А)

ІV. Жаңа сабақ
• Балалар біз, бүгін «А» дыбысымен және әрпімен танысамыз.
• «А» дыбысын айтып көрейікші, қалай айтылады?
• Созылып, еш кедергісіз айтылса, ол дауысты дыбыс.
• Дауысты дыбыстар алфавитте қызыл түспен белгіленеді.
• Тақтадағы алхоры, алмұрт, апельсин, аю, арыстан суреттерін көрсету арқылы «А» дыбысының сөз басында кездесетінін түсіндіру.
• Алма, айна, алқа, апа, ата суреттерін көрсету арқылы сөз аяғында кездесетінін түсіндіру.
• Қарбыз, қауын, қалам, балапан, банан суреттерін көрсету арқылы сөз ортасында кездесетінін түсіндіру.

Сергіту сәті
Оңға, оңға түзу тұр,
Солға, солға түзу тұр.
Алға қарай бір адым,
Артқа қарай бір адым.
Жоғары - төмен қарайық,
Орнымызды табайық.

Оқулықпен жұмыс.
Сурет бойынша оқушыларға сөйлем құрату. «А» дыбысы бар сөздерді атап, сөздің қай жерінде кездесетінін айтқызу.
• Алма сөзіне дыбыстық талдау жасау
• Жеміс - жидектер мен көкөністердің атауларын буынға бөлу
• Неше буын болса бұл сөзде, сонша дауысты дыбыс бар.
• Ойын «Кім көп сөз айтады?»
А дыбысы мен әрпі жүктеу
А дыбысы мен әрпі слайд жүктеу