Өсімдіктер дүниесін қорытындылау

Тақырыбы: Өсімдіктер дүниесін қорытындылау
Мақсаты:
Білімділік: Өсімдіктер дүниесі бөлімі бойынша алған білімдерін жүйелеу, жинақтап қорыту, пәнге қызығушылығын арттыру.
Дамытушылық: Оқушылардың логикалық ойлау, сөйлеу қабілеттерін, шапшаңдығын дамыту.
Тәрбиелік: Оқушыларды достыққа, топпен жұмыс істей білуге, ұйымшылдықпен жұмыс жасай білуге тәрбиелеу.
Сабақтың әдісі: ойын сабақ
Сабақтың көрнекілігі: интерактивті тақта
Сабақтың жүрісі: 1. Ұйымдастыру кезеңі

Үйі де жоқ,
Күйі де жоқ,
Бірақ жауыннан да, дауылдан да
Қымсынбайды.
Ыстыққа да шын шыдайды
Шешуін айта ғой
Балалар білсін жайды ӨСІМДІК

2. Сабақтың барысы
1. Зымыран сұрақтар
2. Ғажайып төрттік
3. Қате сызбанұсқа
4. Биологиялық пошта
5. Ол кім? Бұл не?
6. Сәйкестігін тап
Өсімдік — өмір сәні, өмір нәрі
Зымыран сұрақтар
1 - топ
1. Ұлпалары мен мүшелері жақсы жетілген өсімдіктер қай сатыға жатқызылады?
2. Тұқымы бар жемісі жоқ өсімдіктер қалай аталады?
3. Ашық тұқымдылардың тұқымдары дамитын орын
4. Сексеуіл қай тұқымдасқа жатады?
5. Жабық тұқымды өсімдіктердің тұқымы жетілетін орын қалай аталады?
6. Раушангүл тұқымдасының жабайы өсетін түрі
7. Картоптың тұқымдасы
8. Жапырақ тақтасы қауырсын тәрізді бірнеше қайтара тілімделген споралы өсімдік
9. Қарағай неше үйлі өсімдік?
10. Қызылша тамырының атауы
2 - топ
1. Мүктерді зерттейтін ғылым
2. Шымтезек мүгінің екінші аты
3. Сабағы көп буын және буынаралықтан тұратын споралы өсімдік
4. Бұта болып өсетін ашық тұқымды өсімдік
5. Көкнәр жемісі қалай аталады?
6. Тұқымында екі тұқымжарнағы болса қалай аталады?
7. Бұршақ тұқымдасындағы біріккен күлте қалай аталады?
8. Жеміс дамитын мүше
9. Жапырақтары жылда түсетін ашық тұқымды
10. Қырықбуынның масақтары бар өркені қалай аталады?
3 - топ
1. Жақын түрлер қандай топқа біріктіріледі?
2. Мақтаның тұқымдасы
3. Мүктерде тамыр қызметін атқаратын мүше
4. Плаунның споралары жетілетін бөлігі
5. Бұршақ тұқымдасындағы аталықтар саны
6. Арпаның тұқымдасы
7. Балдырдың суға бөліп шығаратын газы?
8. Қызғалдақ қай тұқымдасқа жатады?
9. Қиярдың тұқымдасы
10. Балдыр жасушасындағы хлоропластар

Ғажайып төрттік

1 - топ
1. Бұл ең өнімді балдыр. Оның жасушалары фотосинтез процесінде 7 - 12% күн энергиясын пайдаланады
2. Тағамға көп пайдаланудың нәтижесінде адамдардың тырнақтары көгеріп, қанталап, мазасызданған
3. Біржасушалы балдыр
4. Алғаш ғарышқа ұшқан өсімдік хлорелла

2 - топ
1. Швейцариялық ботаник Бохен бұл өсімдікке 1596 ж “соланум туберозум “ деген ғылыми атау берген.
2. Алқа тұқымдасындағы мәдени, техникалық дақыл.
3. Еуропаның көптеген елдері егін шықпай аштыққа ұшырағанда оны пайдаланған
4. «Екінші нан» деген атауы бар картоп
3 - топ
1. Бұл өсімдіктің жапырағы болмайды, оның ролін түрін өзгерткен жас өркендер атқарады
2. Бұл өсімдіктен тұратын тоғай көлеңке бермейді.
3. Өсімдік таскөмірмен бірдей бағаланатын жақсы отын болып есептеледі.
4. Бұл өсімдікті «дала патшасы» деп атайды сексеуіл

Қате сызбанұсқа
Дүние - Бөлім – Класс - Тұқымдас - Туыс - Түр
1 - топ
Өсімдіктер
Жабықтұқымды
Қосжарнақты
Алабота
Қызылша
Кәдімгі қызылша

2 - топ
Өсімдіктер
Жабықтұқымды
Қосжарнақты
Алқа
Меңдуана
Қара меңдуана

3 - топ
Өсімдіктер
Жабықтұқымды
Даражарнақты
Астық
Бидайық
Жатаған бидайы

Биологиялық пошта
Қырықжапырақ тәріздестер
1. Жоғары сатыдағы споралы өсімдіктер
2. Тропикте ағаш, лиана түрінде де өседі.
3. Қазақстанда тек ботаникалық бақтарда ғана өседі.
4. Жапырақтары 2 түрлі қызмет атқарады.
5. Тамырсабағы қысқарған сабақ
6. Мыңжылқы қырықжапырағы және шолпаншаш сүмбілі Қазақстанның қызыл кітабына енген.

Ашықтұқымды өсімдіктер
1. Жоғары сатыдағы тұқымды өсімдіктер
2. Шөптекті түрі болмайды, көпшілігі мәңгі жасыл өсімдіктер
3. Қылқан жапырақты, ине тәрізді жіңішке, үшкір жапырағы бар.
4. Гүлі жоқ, жеміс түзбейді.
5. Тұқымдары қорғанышсыз, қабыршақта, бүр ішінде орналасады
6. Шырша, қарағай, арша т. б өсімдіктер жатады.

Жабықтұқымды өсімдіктер
1. Гүл көбею мүшесі.
2. Тұқымы жемістің ішінде болады.
3. Гүлді өсімдіктерге тән қасиет қосарлы ұрықтану.
4. Ағаш, бұта, шөптекті түрлері де бар.
5. Даражарнақты, қосжарнақты деп бөлінеді.
6. Жусан, қызылша, арпа, бидай, раушан гүлді өсімдіктер.

Ол кім? Бұл не?
1 - топ
Қазақтың тұңғыш биолог – докторы, ғалым - селекционер. Ол кім? (К. Мыңбаев)
Таңертең де, түсте де, күнге бетін бұрады.
Тостағанын кішкене, тосады да тұрады.
Бұл не? (Күнбағыс)

2 - топ
Ол әр гектардан 174 центнер өнім алып, дүниежүзілік рекорд жасады. Ол кім? (Ы. Жақаев)
Тау - тау үйілген ақ алтын,
Табады оның кім атын.
Бұл не? (Мақта)

3 - топ
Ол мәдени өсімдіктердің алуан түрлілігін және шығу орталықтарын зерттеді. Ол кім? (Н. И Вавилов)
Қатпаршақты сақтадым,
Қатпарлап ішін ақтардым
Қарыннан май таппадым.
Бұл не? (Орамжапырақ)

Сәйкестігін тап
1 - топ
орамжапырақ - шаршыгүлділер тұқымдасы
жоңышқа - бұршақ тұқымдасы
алма - раушангүлділер тұқымдасы
картоп - алқа тұқымдасы
арпа - астық тұқымдасы
қызғалдақ - лалагүлділер тұқымдасы

2 - топ
баклажан - алқа тұқымдасы
қарбыз - асқабақ тұқымдасы
асбұршақ - бұршақ тұқымдасы
бақбақ - күрделігүлділер тұқымдасы
пияз - лалагүлділер тұқымдасы
жүгері - астық тұқымдасы

3 - топ
сексеуіл - алабота тұқымдасы
қытай раушаны - құлқайыргүлділер тұқымдасы
шие - раушангүлділер тұқымдасы
күріш - астық тұқымдасы
қызынақ - алқа тұқымдасы
чайот - асқабақ тұқымдасы

Қорытындылау
топтастыру
жеңімпаздарды анықтау
Оқушыларды бағалау
Үйге тапсырма беру