Dosbolike акциясына орай өткізілген эстафеталық жарыс

Сабақ тақырыбы:«Досболайық» эстафеталық жарыс.
Мақсаты: Оқушыларды спорттық ойындарға бейімдеу, денсаулықтарын жақсарту, қызығушылықтарын арттыру. Оқушылардың адамгершілік, күш, ерік - жігер қасиеттерін және психологиялық процестер мен адамдық қасиеттерді дамыту. Дене шынықтыру жаттығулармен өз бетінше шұғылдануға, этикалық және эстетикалық тәрбие беру. Біріккен жұмысты қалыптастыра отырып, командалық жұмысты қалыптастыру.
Көрнекілігі: Доп, кедергілер, шар, секірме, таяқша
«Досболайық» эстафеталық жарысқа қош келдіңіздер!
Денсаулық - баға жетпейтін жалғыз ғана асыл дүние. Денсаулық адам өміріндегі ең жоғары бағалы дүние болғандықтан, әр адам баласы өз денсаулығына көңіл бөле қарау қажет.. Бүгінгі өткізгелі отырған «Көңілді старт» сайысымызды бастауға рұқсат етіңіздер.
Ал құрметті халайық,
Жарысты енді көріңдер.
Әділ қазы алқасы,
Әділ баға беріңдер.
Жарысымызды бастамас бұрын әділ қазылар алқасымен таныс болайық.
1. ________________________________________
2._________________________________________
3._________________________________________
4._________________________________________
Қош келдіңіз қонақтарым төрлеңіз,
Әзірледік сізге орынды төрден біз.
Ұландардың ең құрметті қонағы,
Жанкүйерде төреші де өзіңіз.

Спорттық сайысымыз 5 балдық жүйемен бағаланады.
Таза ауа, спорт болсын дәріміз,
Еңбек етіп келгенінше әліміз.
«Алға» — деген бір – ақ мақсат ұстанып,
Сайысқа аттанайық бәріміз!

Шарттары:
1. Таныстыру кезеңі. (топтың атын таныстыру керек) (5 ұпаймен бағаланады)
Жалын» тобы
Топтың ұраны: Жалындаймыз, жанамыз,
Біз спортшы боламыз!

«Шымыр» тобы
Топтың ұраны: Біз шымыр, сергек денеміз,
Спорт сүйер өренбіз!
Жарыс алдындағы дене қыздыру жаттығуы 2 команда флешмоб билейді. «Қара жорға биі»
2.«Мәреге кім бұрын?»
Ойынның шарты: Мұғалімнің белгісі бойынша секіртпемен секіріп шығып, белгіні айналып секіріп келу керек. Секіріп келген ойыншы секіртпені келесі ойыншыға ұсынып саптың артына тұра береді. Ойынды қай команда бұрын бітірсе, сол жеңіске жетеді. ( Скакалкамен секіру).
3. «Кім жылдам»
Төрешінің белгісі бойынша белгіленген жерге допты кедергілерден өту арқылы ұрып барып, қайтарында жүгіріп келеді. Допты келесі ойыншыға береді. Ойын осылай жалғасып, бірінші келген команда жеңімпаз болады.
4.«Қаппен жүгіру»
Төрешінің белгісі арқылы қапты киіп алып, белгіленген жерге секіріп барып, кейін қайтады. Қапты шешіп келесі ойыншыға береді. Бірінші аяқтаған топ жеңімпаз болады.
5. Тепе - теңдікті сақтау.
Қалың кітапты басымызға қойып тікемізден тік жүріп, белгіленген жалаушаға дейін барып келеміз. Келесі ойыншыға қол беру арқылы ойынды жалғастырамыз. Қай команда тез келеді, сол командаға(5ұпай), екінші командаға (3ұпай) беріледі.
6. «Арқан тартыс». Команда болып арқан тартысады.
7«Капитандар сайысы». 2 команданың капитандары ортаға аяқтарына шар байлап шығады, қарсыластың аяғындағы шарын жарып тастау керек.
Қорытынды сөз. Марапаттау рәсімі.
Сөз кезегін оқушыларымызды жан жақты тәрбиемен сусындатып салауатты өмір салтын баулуда қолдан қамқорлықты аямай өзінің мол тәжірибесімен, іскерлігімен ұжымымызды шыңдап келе жатқан. сөз береміз.
Жүлделеріңіз құтты болсын! Ізгі ниет, жақсы өнеге тозбасын