Табиғат кешені

Тақырыбы: Табиғат кешені
Сабақтың мақсаттары:
1. Білімділік Оқушыларды табиғат кешендерімен таныстыру; табиғаттағы болатын құбылыстардың ерекшеліктері мен маңызына тоқталу.
2. Дамытушылық: Оқушылардың ойлау қабілеттерін дамыту. Картамен жұмысты жүргізуге дағдыландыру.
3. Тәрбиелік: Табиғаттағы болатын құбылыстарды танып білуге тәрбиелеу және бірін - бірі сыйлауға ұжымдылыққа тәрбиелеу.
Сабақтың түрі Аралас сабақ

Сабақтың әдісі: Сұрақ - жауап, баяндау, өзбеттік тапсырмалар орындау
Сабақтың көрнекілігі: Атлас, Д/ж - ң картасы, интерактивті тақта, суреттер, трек - сызбалар

Сабақтың жүру барысы: І ұйымдастыру
А) Оқушылардың қатысын тексеру\Зейінін сабаққа аудару
Б) Оқушыларды топтарға бөлу

ІІ Білімін тексеру
«Ыстық орындық» әдісі арқылы
1. Жер бедерін өзгеріске ұшырататын қандай күштер?
2. Төтенше жағдай дегеніміз не?
3. Қандай төтенше жағдайларды білесіңдер?
4. Зілзала дегеніміз не?
5. Сел қалай пайда болады?
6. Опырмалар дегеніміз не?
7. Жер сілкінісі не себепті болады?
8. Қар көшкіні, қар басу, сырғыма сөздерін сипатта
9. Тау тастарының құлауына қандай үрдістер әсер етеді?
10. Дауылдар, табиғи өрттер қалай пайда болады?

ІІІ Жаңа сабақты меңгерту
1. Табиғат кешені
2. Географиялық қабық
3. Географиялық қабықтың заңдылықтары
4. Негізгі ұғымдар
Табиғат дыбыстарын беретін музыка қойылады, Табиғат көрінісінің суреті интерактивті тақтада көрсетіледі
Оқушылар суретті сипаттайды

Табиғат – ол су нәрлі, «Су тіршіліктің көзі» деп бекер айтпаған
Су деген тіршіліктің қаны емес пе,
Су деген табиғаттың жаны емес пе?
Су жоқ жерде өмір жоқ, ол, ақиқат,
Күміс су, қара жердің сәні емес пе?
Табиғат — ол Топырақ. Жер бетіндегі тіршілік атаулы қоректік нәрді топырақтан алады.
Топырақтан өмір иісі шығады
Оны денең тиіп кетсе ұғады.
Еңбегіңді есесіне беретін,
Жақсылық та топырақтан шығады.

Табиғат — ол өсімдік. Өсімдік — бұл жасыл желек, көк майса құрақ, қызыл - жасыл гүлдер. Өсімдік ашыққанда — тамақ, шөлдегенде — сусын, ыстықта — көлеңке сая, суықта - пана, ауырғанда — дәрі, ренжігенде — қуантатын табиғаттың сұлу көркі — гүл. Өсімдік таза ауа, еліміздің дәулеті — жасыл желек, орман.
Табиғат — ол Жануарлар әлемі. Жүгірген, аң, ұшқан құс, дала ажары - ақбөкен, әні мен сәні — бұлбұл, су аруы — аққу табиғатымыздың сәні емес пе?

Бекіту
Негізгі ұғымдар мен жұмыс
1) Географиялық қабықтың тұтастығы ------
2) Зат және энергия айналымы ---------
3) Тәуліктік ырғақтылық -------------
4) Жыл ішіндегі ырғақтылық --------------
5) Аумақтық табиғат кешендері ----------------
6) Антропогендік табиғат кешендері -------------

Постер қорғау
1. Дүниежүзілік су айналымы. Суды қорғау
2. Жер қыртысындағы заттар айналымы. Топырақты құнарту.
3. Табиғат кешендерінің сызбасын түсіндіру. Табиғатты қорғау

Қорыту
Географиялық жұмбақтар
«Тез жауап»
Оқушылар иә немесе жоқ арқылы жауап береді.
1. Табиғат кешендерін мүлде тиіспей, алғашқы қалпында сақтауға бола ма?
2. Планета халқының 1/3 бөлігіне су жетіспейді ме?
3. Табиғат кешендерінің өзгерісі адам әрекетінен болды ма?
4. Табиғатты қорғау – күнделікті жай проблемаға жатады ма?
5. Қоршаған ортаны қорғау біздің заңымызда қаралған ба?
6. Бүкіл дүниежүзілік табиғат қорғау ұйымы Гринпис «жасыл әлем» деп аталады.

«Экологиялық есеп» сайысы
1. Тауық өсіретін кешендерден тәулігіне 350метр куб лас заттар өзенге құйылады. Жылына қанша мөлшерде өзендерге лас зат құйылады?
Шешуі: 365*350=? м(куб)2. Бір автомобиль тәулігіне 20кг газ бөліп шығарса, 6 автомобиль 1айда қанша газ бөліп шығарады?
Шешуі: 6*20=?; 120*?=3 600(кг)
3. Әр адам 1жылда 3 ағаштан жасалған қағазды пайдаланады. 1жылда 5 адамнан тұратын отбасына қанша қағаз керек?
Шешуі:?*5=15(ағаш)

Үйге тапсырма
11 - тақырып оқу, түсінік айту
Табиғатты қорғау ұйымдары туралы хабарлама дайындау
Бағалау.
Бағалау парақшалары арқылы оқушылар өздерін өзі бағалайды Әрбір дұрыс жауап 1 балл. Қорытынды бағаны мұғалім қояды, оқушылардың белсенділігін, жылдамдығын, дұрыстығын ескере отырып