Еліктеу сөздер туралы түсінік

Қазақ тілі 6 - сынып
Тақырыбы: Еліктеу сөздер туралы түсінік
Мақсаты: 1. Еліктеу сөздер туралы түсініктерін қалыптастыру
2. Сөз таптары бойынша меңгерген білімдеріне сүйене отырып, еліктеу сөз туралы түсініктерін дамыту, оқушылардың ойлау қабілеттерін, сөздік қорларын, сауатты жазу, талдау, оқу дағдыларын жетілдіру, оқушылардың белсенді ойлау қызметтерін жандандыру;
3. Қазақ тілінің морфологиялық заңдылықтарын түсіндіре отырып, тілдік - эстетикалық сезімдерін тәрбиелеу, адамгершілік қасиеттерін дамыту.

Сабақтың түрі: Жаңа материалды игеру сабағы

Сабақтың әдісі: Түсіндіру, ішінара ізденіс, сұрақ - жауап, талдау, жеке, топпен жұмыс, слайд, тест жұмысы, жаттығу, салыстыру.
Көрнекіліктер: Кесте - таблица, тақта, бор, оқулық, интерактивті тақта, перфокарта

Сабақтың барысы:
І. Ұйымдастыру
Оқушылырды түгендеп, жаңа сабақтың мақсатын таныстырамын.

ІІ. Үй тапсырмасын тексеру
Өткен тақырыптар бойынша сұрақтар қоямын.
1. Морфология нені зерттейді?
2. Сөз таптары дегеніміз не?
3. Сөздер нешеге бөлінеді?
4. Зат есімге сипаттама
5. Сын есімге сипаттама
6. Сан есімге сипаттама
7. Есімдік сипаттама
8. Етістік сипаттама
9. Үстеу сипаттама

ІІІ. Жаңа сабаққа кіріспе
Айналамыздағы бізді қоршаған ортада түрлі дыбыстарды білдіретін сөздер кездеседі. Мына сөздердің алдына зат есім ойлап табыңдар.
Не? арсылдайды
Не? шәуілдейді
Не? қорсылдайды
Не? пырылдайды
Не? ызыңдайды
Не? қыт - қыттайды
Айналадағы әр түрлі құбылыстардың дыбыстарына, қимыл - әрекеттеріне еліктеумен немесе олардың бейнелерімен байланысты туған сөздер еліктеу сөздер деп аталады.