Матамен жұмыс істеу. Әр түрлі талшықты маталармен жұмыс істеу. Маталардың жіктелуі

Технология 8 сынып
Сабақтың тақырыбы: Матамен жұмыс істеу. Әр түрлі талшықты маталармен жұмыс істеу. Маталардың жіктелуі.
Сабақтың мақсаты: - оқушыларға әр түрлі талшықты маталар, маталардың жіктелуі туралы мағлұмат беру, матаның қоғамдағы маңызы мен рөлі туралы түсініктерін кеңейту.
- теориялық білімдерін іс жүзінде шығармашылықпен дамыту, матамен жұмыс істеу барысында, алған білімдерін, дағдыларын нығайту;
- шеберлікке, ұқыптылыққа, талғампаздыққа тәрбиелеу.
Сабақтың көрнекілігі: - маталар түрлері, сызғыш, қайшы, жіп, ине;
- сөзжұмбақ,
- құрақ көрпелер,
-«маталардың жіктелуі» - сызбанұсқа
- Қауіпсіздік ережелері
-«мата бетінің құрылысы» сызбанұсқа
Сабақтың түрі: Аралас сабақ
Сабақтың әдісі: - Түсіндіру
- Сызба сызу, көрсету
- Сұрақ – жауап

Сабақтың жүру барысы:
I. Ұйымдастыру бөлімі.
II. Өткен сабақты қайталау.
1. Бұйымды дымқыл – жылулық өңдеу дегеніміз не?
2. Бұйымды дымқыл – жылулық өңдеуге қанша уақыт кетеді?
3. Дымқыл – жылулық өңдеу қандай мақсатта жүргізіледі?
4. Мақта – мата матасы қандай температурада үтіктеледі?
5. Вискоз бен капрон талшықтары қандай температурада үтіктеледі?
6. Үтіктің түрлерін атаңдар. Үтікпен жұмыс тәртібі.
7. Қорытындылау.

III. Жаңа сабақ бөлімі.
1. Мақта – мата маталары.
2. Зығыр маталар.
3. Жүн, жартылай жүн және аралас маталар.
4. Табиғи жібек маталар.

Баяндау.
Маталардың ассортименті дүниежүзілік рынокта химиялық талшықтардың, текстуралық материалдардың, фасондық және үлкен көлемдік иірілген жіптердің қолданылуына, сән үрдісіне байланысты жыл сайын жаңарып тұрады. Маталар талшық құрамына байланысты мақта - мата, зығырлы, жүн, жібек болып бөлінеді;

Нұсқауды орындауға қойылатын талаптар.
Матаның бетінің құрылысы.
Мақта – мата маталары: 100% матадан жасалған маталар өте аз шығарылады. Мақта - мата талшықтары көбінесе жасанды жібек және синтетикамен араластырылады.
Төсектік маталар. Жастық тысына, көрпе тыстарға, жаймаларға пайдаланылады.
Поплин жұқа, тығыз мата полотнолық әдіспен өріледі. Көйлектік маталар жіптері әр түрлі өріледі және өңделеді.
Гипюр шілтелерге ұқсас эффектілігімен және өрімдерінің әр түрлілігімен ерекшеленеді.
Гофриленген маталар - өте сәнді, әртүрлі киімдер жасау үшін қолданылады.
Фантазиялық өрілген, кестені еске түсіретін маталарды модификацияланған вискоздық талшықтан жасайды.
Спорттық және сырт киімдер тігуге арналған маталар мақтаның элан қосылған қоспасынан жасалады.
Ши барқыттар әйел мен бала киімдерін, сондай - ақ ерлердің жұмыс көйлегі мен костюмын тігуге пайдаланылады.
Зығыр маталар. Зығыр маталардың беттік тығыздығы үлкен әрі қалың, қатты, берік және созылғыштығы төмен болады.
Асхана бұйымдарына арналған маталар (дастархан, қол сүрткіш) ақ сұр, айшықты, жаккардты болуы мүмкін.