З және С дыбыстары

Қарағанды облысы, Шет Ауданы, Ақшатау кенті
Балабақша тәрбиешісі Станова Айнур Сыбанкуловна

«Қатынас» білім беру саласы.
Бөлімі: тіл дамыту
Тақырыбы: «З» және «С» дыбыстары»
Тілдің дыбысталу мәдениеті.
Мақсаты:
Білімділік: балаларға «З» және «С» дыбыстарының артикуляциясын көрсету және түсіндіру сөздерде барлық дауысты және дауыссыз дыбыстарды ұғымды түрде айту білігін бекіту.
Дамытушылық: сөйлеу тынысын дамыту және дыбыстардың таза айтылуын дамытуға ықпал ету, ой - өрісін дамыту. Дыбыстық және дыбыс шығару аппаратын дамыту. Фонематикалық түйсікті (белгіленген дыбысты сөзде есту және оның айтылуын атап көрсету білігі) дамыту.
Тәрбиешілік: зейінді және ұқыпты болуға, тыңдай білуге тәрбиелеу.
Алдын - ала жұмыс: д/ойын: «Сөз ұйқасын тап»
Құралдар: демонстрациялық: әріп таңбасының үлгісі; үлестірмелі: заттық қиылған cуреттер.
Қостілділік компонент: қаз - гусь, жұлдыз - звезда, зымыран - ракета; сағат - часы, саусақ - палец.

Мотивациялық - қозғаушылық
Бәріміз бірге айтамыз:
Сағат сырт - сырт санап тұр:
«Уақыт өтіп барады!»
Деп ол сынай қарап тұр
Салғырт, жалқау баланы!

Ұйымдастыру - іздестіру

1. Ұйымдастырылған оқу іс - әрекетінің барысы:

Сурет бойынша әңгіме.
- Балалар, суретке назар аударыңдаршы, суретте не бейнеленген?
-«Сағат» деген сөзде бірінші қай дыбыс естіліп тұр?
- Дауысты дыбыс па, дауыссыз дыбыс па?
- Дауыссыз дыбыс екенін қайдан білдіңдер?
- Қане, енді барлығымыз бірге дауыстап айтайықшы. «С»
И. Демьяновтың әдісі бойынша әріп таңбасын тақтаға жазып көрсету.
- Балалар, енді «з» әріп таңбасын қарастырайық.
-«Зымыран» деген сөзді алайық. «Зымыран» сөзінде бірінші қандай дыбыс естіліп тұр?
- Дауысты дыбыс па, дауыссыз дыбыс па?
- Неліктен дауыссыз дыбыс?
- Қане барлығымыз бірге дауыстап айтайықшы. «З»
Әріп таңбасын тақтаға жазу

Толық нұсқасын жүктеу