«Тіл тірегіміз соғып тұрған жүрегіміз!» балабақша ертеңгілік

Тақырыбы: «Тіл тірегіміз соғып тұрған жүрегіміз!»
Мақсаты: балалардың өз балабақшасы туралы туралы түсініктерін қалыптастыра отырып тілін дамыту, әңгімелесу, тақпақтар айту арқылы ана тіліне деген сүйіспеншілігін арттыру.
Қолданылатын көрнекіліктер: суреттер, көрнекііліктер, ойыншықтар музыка
Әдістемелік әдістер: түсіндіру, көрсету, сұрақ - жауап
Тәрбиеші сөзі: Сәлеметсіздер ме, құрметті қонақтар және балалар! Біздің тобымыздың «Тіл тірегіміз соғып тұрған жүрегіміз!» атты ертеңгілігіне қош келдіңіздер! Бүгін біз Қазақстанымыздың тіл мерекесін тойлағалы отырмыз. Бәрімізге мейрам құтты болсын! Ендеше бүгінгі мерекені бастау үшін «Балапан» тобының кішкене бүлдіршіндерін ортаға шақырайық.
Балалар ән ырғағымен залға кіреді.
Балалар, бүгін бізге көптеген қонақтар келіп отыр, олармен салемдесіп алайықшы.
Арайлап таң атты,
Алтын сәуле таратты.
Жарқырайды күніміз,
Жарқырайды бақшамыз.
Қайырлы таң, қонақтар,
Қайырлы таң, достарым!
Балалар, сендер білесіңдер ме біз қандай мемлекетте тұрамыз?
Біз қандай ұлтқа жатамыз?
Біздің елбасымыз кім екен кім айтат білесіңдер ме?
Біз қай тілде сөйлейміз?
Біздің Қазақстанда тұратын қандай ұлттарды білеміз?
Балалар, бүгін біз тіл мерекесін тойлағалы жатырмыз солай ма, ендеше тіл бізге не үшін керек?
Сөйлеу үшін, қарым - қатынас жасау үшін, бір - бірімізбен сөйлесу үшін керек екен. Бүгінгі мерекеге басқада ұлт өкілдері келу керек еді олар неге кешігіп жатыр екен?
Кенет ұшақтың дыбысы естіледі.
Музыка әуенімен өзге ұлт өкілдері кіреді.
Тәрбиеші: Сәлеметсіздер ме, қонақтар! Сіздер неге кешігіп келе жатырсыздар?
Қонақтар: Сәлеметсіздер ме, ренжімеңіздер біз Қазақстанның әсем қалаларын аралап келе жатырмыз.
Тәрбиеші: Қанеки келген қонақтардан қай ұлттың өкілдері екен өздеріннен сұрап көрейікші.
Орыс ұлт өкілі: біз орыс еліннен келдік.
Ұйғыр: ал біз ұйғырмыз.
Қазақ: ал біз қазақ кыздарымыз, сендердің бауырларыңбыз.
Тәрбиеші: Қане ендеше келген қонақтарды да бүгінгі мерекені бізбен бірге тойлау үшін ортамызға отырғызайық.
Тәрбиеші: балалар. мына суретке назар аударайықшы.
Суретпен жұмыс.
Билингвалды компанент: Елтаңба - Герб, Отан - Родина, тіл - язык,
Тәрбиеші: Бізге келген қонақтар біздің елдің рәміздерімен, қалаларымен танысты енді олармен бірге Әнұранымызды орындайық!
«Әнұран» орындалады.
Тәрбиеші: Балалар, бізге келген қонақтар біздің тіл мерекемізді тойлап жатқанымызды білу үшін оларға әдемі жыр шумақтарымызды айтып береміз бе?
Медина:
Тілім барда мақтанам
Тілім менің аппақ ән
Бірлігімді бүгінгі
Ана тілім сақтаған
Айша
Ана тілім - менің
Әлдилеген әнім
Ана тілім - демім
Ана тілім - жаным.
Алисұлтан:
Ана тілің арың бұл
Ұятың боп тұр бетте
Өзге тілдің бәрін біл
Өз тіліңді құрметте!
Әмір:
Бейбітшілік ұраны
Жарқыраған алтын күн
Ән қанаты қыраны
Еркіндігі халқымның.
Тәрбиеші: Жарайсыңдар балалар, ал енді бізеге келген қонақтар да мерекеге арнап қандай сый әкелді екен?
Ұлт өкілдері сөйлейді: Бізде мерекеге бос келген жоқпыз. Өз ұлттарымыздың биін ала келдік және жыр шумақтарымызда бар.
Нармина:
Дoстық шырағымыз
Достық ұранымыз
Дoстық туымыз
Достық әніміз
Мариям:
Ана тілім елдігім
Ана тілім ерлігім
Тілді бүгін құрметпен
Тойлап жатыр ел бүгін
Нұрислам:
Сүйесің өз тіліңді
Боласың білімді
Өз тілің үйретер
Өнерді ғылымды
Ардақты тіліңді
Көркем:
Ана тілім тірегім
Ана тілім жүрегім
Қасиетті елімнің
Теңі өзің деп білемін
Іңкәр:
Жаныма қымбат
Ана тілім маған
Ана сөзден тыңдап
Үлгі өнеге алам
Ал енді, биімізді де тамашалаңыздар?
Би: «грузин биі», «ұйғыр биі»
Тәрбиеші: Міне керемет, ендеше бізде қалыспай өзіміздің ұлттық ойынымыз «Арқан тарту» ойынын ойнайық.
Тәрбиеші: Жарайсыңдар, сендерге ойын ұнады ма?
Құрметті қонақтар, сіздерді тағыда тіл мерекесімен құттықтай отырып ертеңгілігімізді
«Дос болайық бәріміз» әнімен қорытындылаймыз!
Сау саламатта болыңыздар!

​Алматы облысы, Еңбекшіқазақ ауданы, Ават ауылы,
«Alpamys»  бөбекжай балабақшасының
әдіскері Мукан Ақерке Жомартқызы