Құтықтау жазып үйренеміз

Астана қаласы, № 64 мектеп - лицей
Бастауыш сынып мұғалімі
Бекжанова Бахтигул Нурмухамбетовна

Сабақтың тақырыбы: Құтықтау жазып үйренеміз
Сабақтың мақсаты: Оқушылардың сөйлеу мәдениеті мен сөздік қорын кеңейту, сауатты жазуды пысықтау.
Дамытушылық: Оқушылардың тез ойланып, тиянақты жауап беру, сыпайы сөйлеу қабілеттерін дамыту.
Тәрбиелік мәні: Ұқыптылыққа, мәдениеттілікке, сыпайылыққа тәрбиелеу.
Сабақтың әдіс - тәсілдері: сұрақ – жауап,
Пән аралық байланыс: әдебиеттік оқу, еңбек, музыка.
Көрнекілік: құттықтау хаттар, почта құтысы.
Сабақтың типі: бекіту.
Қолданылатын технология:

Сабақтың барысы
Ұйымдастыру кезеңі
а) Үлкенге де сіз,
Кішіге де сіз.
Баршаңызды құрметтеп,
Бас иеміз біз!

ә) Қолымызды күнге қарай созып,
Күннен жылу, шуақты нұр аламыз.
Бірінші өз жүрегімізге береміз,
Қайтадан қолымызды күнге созып.
Қайта күш қуат алып бір - бірімзге сыйлаймыз!

Енді осы жылы лебімізді бір - бірімізге хат арқылы жолдаймыз!

- Ал, хат жазу үшін өте білімді сауатты болу керек.
- Біз енді білімімізді шыңдап алайық.

(музыка)

Бұл хат тасушы Печкин. Өз тапсырмасын хат арқылы жолдапты. Ол сендерге бірнеше тапсырма дайындапты.
1 - хат
- Берілген сөз тіркесінен сөйлем құрап жазу.
- Сөйлемдегі сөздердің байланысын сызба арқылы көрсет.
- Жайылма сөйлемді жалаң сөйлемге айналдыр
- Берілген сөйлемді сұраулы, лепті, хабарлы сөйлемге айналдырып жазып, соңына тиісті тыныс белгісін қой.
- Тасымал (5 буынды сөз)

2 - Хат
Хат тасушы Печкин бізге тағы бір тапсырма беріпті.
1. Балалар қазір қолдарыңдағы құралдармен ашық хат жасап, құттықтау
жасаңдар! Ол үшін сендерге ашық хат жасауға технология пәнінің мұғалімі ГауҺар Ақпазиевна көмектеседі.

Қазақстан халықтарының бірлігі күніне арнап құттықтау хат жазамыз.

Сергіту сәті

2 жаттығу
Мәтінді бөлім бойынша оқыту, сұрақтар қою
1. Мәтін кім туралы айтылған?
2. Нұрбол қандай үйірмеге қатысатын?
3. Нұрбол қандай жүлдеге ие болды?
4. Нұрболды кім құттықтады?
5. Нұрболды қалай құттықтағанын мәтіннен кім тауып оқып береді?
6. Содан бері айдын қандай үйірмеге баратын болды?
7. Айдынның басты арманы қандай?

Енді дәптерге Айдынның Нұрболға арнаған құттықтау сөзін жазамыз

3 жаттығу
Мәтінді оқыту.

1. Алмастың мектебінде қандай мереке болды?
2. Ол мерекеде оқушылар не істеді?
3. Үйге келгеннен кейін Алмастың есіне кім түсті?
4. Андрей қайда тұрады?
5. Алмас Андреймен қашан танысқан?
6. Алмастың ойына не келеді?
7. Ол кіммен ақылдасты?
8. Анасы қандай ақыл айттты?

Сонымен балалар Алмас, Андрейге қандай хаттың түрін жазды?
Ал, жедел хатпен ашық хаттың айырмашылығы қандай?

Жедел хат бір хабарды шұғыл түрде қашықта тұратын біреуге тез жеткізу үшін жазылады. Жедел хат мәтінінде сөйлем және сөздер қоры аз, әрі нақты болады.
Жедел хат қысқа әрі нұсқа түрде жазылады.
«Хат» ақпарат тасымалдаудың бір түрі.
«Хат» ақпарат көзі.
«Хат» жазба түрінде сақталатын тарихи мұрағат болып қалады.

Қазір ақпаратты технологиялардың даму заманында хабарды тез жеткізудің басқа бір түрлері бар. Солар жайлы білеміз бе? Атап шығайық.

Қорытынды: Демек балалар, хат жазар алдында ойымызды жинақтап, мазмұнын талқылап, іштей ойланып, жазу ережелерін еске түсіріп барып хат жазуға кірісу керек екен.
Әр хаттың өз ерекшелігі бар екенін білдіңдер.

Үйге тапсырма: Міне балалар, үйде мына Печкиннің электронды почтасына жедел хат жазып жіберулеріңе болады. Әрине ата-анамыздың көмегі қажет.

Мұғалім:
Балалар хатты, құттықтауды, ашық хаттарды тағы өлең жолдарымен де жеткізуге болады. Қазір осындай құттықтау өлеңді бәріміз бірге шырқайық. Ол үшін оқулықтағы 5 - жаттығуға назар салып, іштей оқып шығыңдар.