Отбасы шағын қоғам. Қоғамдық топтар

Батыс Қазақстан обылысы,
Казталов ауданы,
Ғ. Молдашев атындағы ОЖББМ
бастауыш сынып мұғалімі
Мустанова Айжан Темирболатовна

Пән: Дүниетану. 4 - сынып. Ашық сабақ.
Сабақтың тақырыбы: Отбасы шағын қоғам. Қоғамдық топтар.
Сабақтың мақсаты: 1. Оқушыларға отбасы ұғымын тереңірек түсіндіру арқылы әке - шеше, бауырларының қадірін білгізу.
2. Жаңа мағынаны танып білуімен қатар «Отбасы» тақырыбының мағынасын өздері ашу, ойларын жеткізе білу қабілетін дамыту.
3. Оқушыларды үлкенге ізет, кішіге қамқор болуға, отбасының татулығын, ынтымағын сақтауға тәрбиелеу.
Көрнекілігі: сызбалар, суреттер, интербелсенді тақта.
Әдісі: сұрақ - жауап, ойтолғау, ой шақыру, ашық пікір.
Сабақтың барысы: I. Ұйымдастыру кезеңі.
II. Үй тапсырмасын тексеру (слайд).
Сызба - сурет арқылы әңгімелету. Мақал - мәтелдер айту.
Ортақ сұрақ: Отбасы мүшелерін қандай мақсат біріктіреді?
Отбасы өз мүшелерінің тең құқықтары мен өзара құрмет сезіміне негізделеді.
III. Жаңа сабақ. Психологиялық дайындық. Ой толғау. Сөзжұмбақ «Ойлан, тап».
1.... – отбасынан басталады.
2. Әке - асқар....
3. Су анасы -....
4.... тілің – арың бұл.
5. 60 минут - 1…
6. Ырыс алды -...
Байқадыңдар ма, балалар, сары жолақта қандай сөз шықты? (Отбасы).
Ендеше, бүгінгі сабағымыздың тақырыбы қалай аталады екен? (слайд).
Оқушыларды 3 топқа бөлу.
IV. Оқулықпен жұмыс.
Мәтінді оқу (іштей, жұпта, талдау, топтан бір жауап).
Мәтіннің мазмұнын ашу (әр топқа сұрақтар таратылады).
1 - топ. Отбасы мүшелері бақытты болу үшін не қажет?
2 - топ. Отбасын неге «шағын қоғам» дейміз?
3 - топ. Отбасының қорғаны, жанашыры кім?
Оқып үйренейік.
Отбасының құқықтары мен міндеттері Қазақстан Республикасының Ата Заңының
27 - бабында белгіленген (слайд).
V. Дәптермен жұмыс.
Отбасы дегеніміз - бұл жанұядағы адамдар туыстық қатынаста болып, бір - біріне қамқорлық көрсетіп, бастарын біріктіретін шағын қоғам.
Қоғам дегеніміз - бұл жалпыға бірдей мақсат - міндеттері бар, өмір жағдайлары мен қарым - қатынастары біріктірілген адамдар тобы.
Сызба бойынша отбасылық міндеттерге талдау жүргізу(слайд).
VI. Суретті тапсырма. «Отбасы - шағын қоғам».
1 - топ. Отбасын кімдер құрайды? ( Ата, апа, ана, әке, аға, қарындас, әпке, сіңлі, іні.)
2 - топ. Ұл мен қызды жасына қарай қалай атайды? ( қарындас, әпке, сіңлі, аға, іні)
3 - топ. Отбасында қандай дәстүрлер бар?
VII. Сергіту сәті.
Бір, екі, үш,
Қанат байлап ұш.
Достарыңды көргенде,
Қолын алып қыс.
VIII. Пікірлесу (слайд).
1 - топ. Отбасының берекесі.
2 - топ. Отбасына қамқорлық.
3 - топ. Отбасы мен қоғамның байланысы.
IX. Тақтамен жұмыс (слайд).
X. Шығармашылық жұмыс. Эссе жазу. «Менің отбасым» (оқыту, талдау).
Молдағалиева Нұржауған
Менің өз отбасымда бес адам бар. Ата - анам еңбекқор, әрі ақылды жандар. Бәріміз мейрамдарды үйде жақсылап өткіземіз. Біз тату отбасымыз, бір - бірімізге жанашыр, қамқормыз. Отбасындағы адамдар қиыншылықта бірге болуы тиіс. Ал ұрыс - керіссіз бақытты болғанын қаласа, бір - бірінің көңіліне қарап жүруі керек.
Мұханбетқали Айсезім
Менің отбасым өте керемет! Мен оларды сыйлап, жақсы көремін. Олар да мені жақсы көреді. Кейде мен оларға ренжіп қаламын. Мені анам дүниеге әкелгендіктен, анамды қатты жақсы көремін. Әкем, анам, көкем, тәтем, кенже ағам және сіңлім - осы менің отбасым!
XI. Сабақты бекіту. Қанатты сөз (слайд).
Ағадан - ақыл,
Атадан – нақыл.
Отбасы – алтын ұяң.
Ата - ананың тілегі адам болып өскенің,
Адамдықтың тірегі адал болып өскенің.
XII. Үй жұмысы.
Мәтінді оқу, түсінігін айту.
«Біздің жанұя» тақырыбына сурет салып келу.
XIII. Қорытынды. Бағалау (слайд).

Толық нқсқасын жүктеу
Презентациясын жүктеу