Тәуелсіздік - ел бақыты

Сабақтың тақырыбы: «Тәуелсіздік - ел бақыты»
Сабақтың мақсаты: Оқушылардың бойында еліне, жеріне, ұлтына деген
патриоттық сезімін қалыптастыру.
Міндеттері: топ жұмыстарына белсене араласу тапсырмаларын бұлжытпай
орындау
топтық жұмыс бір - бірімен пікірлесе отырып, ортақ қорытынды
шығарады.
Сабақтың көрнекілігі: 1) интерактивті тақта, цитата жазылған плакаттар,
шарлар, гүлдер.
Сабақтың барысы:
І Ұйымдастыру бөлімі.
( Сәлемдесу, оқушыларды түгендеу, класс тазалығын тексеру, оқушылардың
назарын сабаққа аударту).
Сыныпты үш топқа бөлу:
1 - топ - «Елтаңба»
2 - топ - «Ата Заң»
3 - топ - «Ту»

Құрметті Ұстаздар, қымбатты оқушылар! Қазақстан Республикасының Тәуелсіздігінің 20 жылдығына арналған «Тәуелсіздік – ел бақыты» атты тәрбие сағатымызға қош келдіңіздер.
Атыңнан айналайын, егеменді ел,
Тәуелсіз күнің туды кенеле бер.
Мерейің құтты болсын, Тәуелсіздік,
Ғасырдың туы болшы келе берер! - деп, барлығыңызды Тәуелсіздік мерекесімен құттықтай отырып, сіздерге ашық аспан, жүздеріңізге күлкі, құшақтарыңызға зор қуаныш, еңбектеріңізге мол табыс тілейміз.
Бақыт, тірлік – күн талабы,
Тоқтамайды шаттық әні.
Мәңгі бақи шырқалады,
Республикам Әнұраным
Хор: Әнұран.
Яғни, бүгін біз тәрбие сағатымызды жарыс түрінде өткіземіз. Алдымен оқушыларды 3 топқа бөлеміз:
1 - топ - «Елтаңба»
2 - топ - «Ата Заң»
3 - топ - «Ту»
Енді жарыс болғаннан кейін жеңімпаздар анықталуы керек. Әділқазылық жасау үшін ұстаздарымызды ортаға шақырамыз. Олай болса, әділқазы мүшелерін таныстырып өтейін:
1. Смағұлова Рая апай
2. Омарова Жібек апай
3. Құрманова Гүлмира апай

Жалпы біздің кешіміз 4 кезеңнен тұрады.
1) Таныстыру.
2) 2) Сұрақ – жауап
3) Өз өнерін көрсету.
4) 4) «Жалғасын тап...» ойыны.

Көк байрақ иілмесін, жығылмасын,
Көзге жас, кеудеге өксік тығылмасын.
Тұрғанда көкшіл туың көкті тіреп,
Қазағым сен қашан да тұғырдасың - деп кезекті сайыскерлерге береміз.
Топ басшылары:
«Елтаңба» тобы – Амангелдиева Еркежан.
«Ата Заң» тобы – Ғабдолла әсем.
«Ту» тобы – Әбдірахманова Бейбінұр
Олар өз эмблемаларын таныстырып шығады.

ІІ кезең. «Сұрақ – жауап»
Әр топқа 5 сұрақтан қойылады.
«Елтаңба» тобы: 1. Отаның қалай аталады? (Қазақстан)
2. Ата заңдарың бар ма? Ол қашан қабылданды? (1995 жылы 30 тамызда)
3. Мемлекетіңнің астанасы қалай аталады? (Астана)
4. Тудың авторы кім? (Ш. Ниязбеков)
5. Ұлттық валютамыз қалай аталады? (Теңге)

«Ата Заң» тобы: 1. Қ. Р. Тұңғыш ғарышкері кім? (Т. Әубәкіров)
2. Ол қай жылы ғарышқа ұшты? (1991 жылы 2 қазанда)
3. Қ. Р Мемлекеттік рәміздерін ата: (Ту, Елтаңба, Әнұран)
4. Мемлекетіңнің президенті кім? (Н. Назарбаев)
5. Отан қорғаушылар күні: (7 мамыр)

«Ту» тобы: 1. Бәйтерек мұнарасы қай қалада орналасқан? (Астана)
2. Әнұранның музыкасын және сөзін жазған кім? (Ш. Қалдаяқов, Ж. Нәжімеденов Н. Назарбаев)
3. Қазақстандағы ең үлкен мұз айдыны қалай аталады? (Медеу мұз айдыны)
4. Сен тұратын облыс қалай аталады? (Ақтөбе)
5. Қ. Р. Мемлекеттік рәміздер күні: (4 маусым)

Ән: «Туған жер». Орындайтындар: Қожелі Қ, Батырбаев Қ, Тарған Д, Имашева А, Амангелдиева Е, Оспанов А.
Ендігі кезекті оқушылардың тақпақтарына берейік:
1 - оқушы: Әлім Абатай
2 - оқушы: Арман Ақсамал
....
ІІІ кезең. «Өз өнерін көрсету»
«Елтаңба» тобы – би
«Ата Заң» тобы – би
«Ту» тобы – ән

Топырағыммен тамырласып кіндігім,
Қуаныштан жүрек толқып тұр бүгін.
Нығайтамын елдігімнің тұғырын,
Берік ұстап Тәуелсіздік тізгінін, - дей келе

ІV кезең «Жалғасын тап...» ойынына береміз.

Ендігі кезекті әділқазы мүшелеріне береміз. (Шығып сөйлеп, жеңімпаз анықталады).
Төле би өз сөзінде былай деген екен:
Уа, халқым, сөз қадірін білесің.
Жаңбыр жаумаса жер жетім, басшысы болмаса ел жетім
Көсіле шабар жерің бар.
Ту көтерген елің бар,
Қол бастайтын ерің бар
Атадан қалған сара жолың бар.
Құрметті Ұстаздар, оқушылар. Осы Тәуелсіз еліміздің намысын қорғайтын, бүгінімізді ертеңімізге жалғайтын, қазақ елінің ертеңі, болашағы үшін жауап беретін ұрпақ екенімізді сезінеміз.
Хор: «Қазақстан»
Сабақ аяқталды, сау болыңыздар!