Биологиядан коучинг сабақ жоспарлары

Биологиядан коучинг сабақ тақырыптарының тізімі
1) Ауыл шаруашылық жануарлары. Жылқы шаруашылығы және оның негізгі салалары
2) Сабақта ақпараттық-коммуникациялық технологияларды пайдаланудың тиімділігі.
3) Сүтқоректілер немесе аңдар класы. Ұрпағын сүтімен асырайтын жануарлар.
4) Теңіз ішекқуыстылары. Олардың көптүрлілігі және маңызы.
5) Жабық тұқымды (Гүлді) өсімдіктер бөлімі
6) Шұбалшаңның асқорытуы, қан айналымы, зәр шығаруы, тыныс алуы, оның көбеюі және дамуы

Биология 7 сынып
Сабақтың тақырыбы: Ауыл шаруашылық жануарлары. Жылқы шаруашылығы және оның негізгі салалары.
Жалпы мақсаты:
Жылқы шаруашылығының мал шаруашылығының бір саласы екендігімен, оның адам өміріндегі маңызымен, елімізде таралған тұқымдарымен таныстыру. Дәстүрлі ата кәсібімізге сүйіспеншілікті тәрбиелеу, кәсіптік бағдар беру.
Оқушылар үшін оқу нәтижелері:
Алғашқы қолға үйретілген жануарлар және олардың қолға үйретілу мақсатымен, жабайы жануарлардың қолға үйретілу орталықтары туралы Н. И. Вавиловтың еңбектерімен таныстыру. Жылқының тегін, жылқының тұқымдастарын және жылқының қасиеттерін білу. Қазақстандағы жылқы шаруашылығының маңызын, жылқының қолтұқымдарының ерекшеліктерін білу. Жылқыдан алынатын өнімдердің құрамын, құндылығын, сапасын білу. Асыл қолтұқымдарды көбейтудің маңыздылығын түсіну.
Негізгі идеялар:
Жылқының касиеттерін дәріптеу, Қазақстанда жылқының асыл қолтұқымдарын көбейту, жылқы шаруашылығын дамыту.
Тапсырмалар:
Сұрақтарға жауап беру, жазып келген эсселерін оқу, контур картаға қорықтарды, ұлттық табиғи саябақтарды белгілеу, Қызыл кітап жануарларының рөліне ену, сөзжұмбақ шешу.
Жылқының шығу тарихын, Жылқының қолтұқымдарын, Жылқы өнімдерінің пайдасын, Жылқының спорттағы маңызын(атбегілік) сипаттау.
Жылқының қасиеттерін түсіндіру, Жылқыны жасына қарай атау, Жылқы туралы мақал - мәтелдер, нақыл сөздер, Жылқы туралы өлең шығару.
Жылқының ер - тұрманына постер құрастыру, Жылқы өнімдерін жарнама жасау.
«Жылқы шаруашылығы» сөзін ассосациялау