Жердің халқы, саны, тығыздығы, демографиялық саясат

География 6 сынып
Сабақтың тақырыбы: Жердің халқы, саны, тығыздығы, демографиялық саясат
Сабақтың мақсаты: Жер бетіндегі халық, олардың таралу аймақтары, тығыздығы мен демография туралы түсінік беру. «Халық» сөзі жайында білім қалыптастыру. Білім беру мен білім алудағы жаңа тәсілдер. Саяси картамен жұмыс жасай білу икемділік дамыту. Халықтар жайында мәлімет бере отырып, оқушының қызығушылығын арттыру.
Көрнекілік: 6 сынып география оқулығы, әдістемелік құрал, слайд, тапсырма жазылған кеспе қағаздар, бағалау бетшелері.
Оқыту нәтижелері: Бірлесіп жұмыс істеу нәтижесінде оқушылар шағын топтағы жұмыс өнімін көрсете алады, жеке ұсыныстар мен олардың негізінде пайда болған ортақ пікірлерді ортаға салып, түйін жасай алады. Қажеттілікті жүзеге асырады. Сыныптастарын шыдамдылықпен тыңдайды.

Сабақтың барысы: Ұйымдастыру.
1. Қызығушылықты ояту. Оқушыларды топқа бөлу.
2. Ой шақыру. Сұрақ қою арқылы білгендерін естеріне түсіру.
1) Жер шарында неше климаттық белдеу бар?
2) Қоңыржай белдеуде қандай зоналар таралған?
3) Мұзды шөл зонасы қай климаттық белдеуде жатыр?
4 ) Қазақстан қандай географиялық белдеуде және зоналарда жатыр?
5) Экология ғылымы нені зерттейді?
6) Біздің елімізде табиғат қорғау мақсатында қандай заңдар қабылданған?

3. «Адамзат» сөзіне ассоциация.
4. Мағынаны ажырату.
1 - топ Жер бетіндегі халықтың саны және өсуі.
2 - топ Халықтың тығыздығы.
3 - топ Демографиялық саясат.
5. Тапсырма

1 - топ Халық санына әсер еткен
Қолайлы жағдай Қолайсыз жағдай
2 - топ Халықтың тығыздығына есеп шығарыңдар
Тығыздық = (халык саны)/(жер көлем)
Дүниежүзі халық - 7 млрд. адам, жер көлемі - 149млн. км
Қазақстан халқы - 17млн. адам, жер көлемі – 2, 7млн. км
3 - топ Дүниежүзінің картасынан халықтың тығыз қоныстанған жерлерін көрсетіңдер. Жер шарында халық үздіксіз өсе бере ала ма, ол адамзат үшін қауіпті болмай ма?

Сергіту сәті: Уық, кереге, шаңырақ.
6. Талдау сұрақтары:
1) Демографиялық саясат не үшін жүргізіледі?
2) Қай материкте тұрақты халық жоқ?
3) Адамдардың қоныстануы қай материктен басталған?
7. 5 жол өлең стратегиясы.
Мысалы: 1. Халық
2. Көпұлтты, бірұлтты
3. Өседі, көбейеді, көшеді
4. Халқы көп ел – Қытай.
5. Ел.
8. Бүгінгі сабақта негізгі деп санайтын 10 сөз айтыңдар.
9. Рефлексия. Оқушылар мұғалімнің сұрақтары негізінде сабақты қорытындылап, сызба құрайды.
ХАЛЫҚ
халық саны, халық тығыздығы, демография

Үйге тапсырма беру: 51. «Жер – халық мекені» эссе жазып келу.
Бағалау. Оқыту үшін бағалау және оқуды бағалау