Ұлыбритания

Тақырыбы: Ұлыбритания.
География 11 сынып
Мақсаты. Білімділік: Ұлыбританияның экономикалық - географиялық сипаты, табиғат жағдайлары мен ресурстары, халқы туралы білім беру. Ұлыбританияның ЭГЖ - ң басты ерекшеліктері, геосаяси жағдайының қолайлығы, табиғат ресурстарының түрлері, табиғи ортаны қорғау шаралары туралы білік - дағдыны қалыптастыру. Ұлыбританияның ірі қалаларымен, «ағылшындық салт - дәстүрлердің» ерекшеліктерімен, спорттық ойындардың түрлерімен танысу.
Дамытушылық: Оқулық материалдары мен тақырыптық карталардың көмегімен елдің ЭГЖ - ң басты ерекшеліктеріне, Ұлыбританияның тарихи - географиялық аймақтарының құрамына, мемлекеттік құрылысына, табиғат ресурстарының байлығына, табиғат қорғау шараларына, геосаяси жағдайына, табиғат жағдайының шаруашылықты дамытудағы әсеріне, халықтың ұлттық құрамына баға беруді үйрету.
Тәрбиелік: Экологиялық тәрбие беру, еңбек тәрбиесін, патриоттық тәрбиесін беру, оқушылардың өз ойларын жеткізе білу, қарым - қатынас жасауды үйрету. Оқушыларды ұйымшылдыққа тәрбиелеу, адамгершілік қасиеті мен географиялық мәдениетін қалыптастыру.
Көрнекілігі: Д. ж. саяси картасы, электронды оқулық,
Сабақ түрі: Аралас сабақ
Оқыту әдістері: Топтық жұмыс
Сабақтың жүру барысы: Ұйымдастыру.
Үй тапсырмасын сұрау. «Өрмекші торы» Оқушылар ортаға шығып бір - біріне сұрақ қояды.

Жаңа сабақ
Жоспары:
1. Ұлыбританияның экономикалық жағдайы. Мемлекеттік құрылымы.
2. Табиғаты және табиғат ресурстары.
3. Халқы
4. Қорытынды.
Оқулықпен жұмыс
«Бірін - бірі оқыту» топтық жұмыс
Топқа тақырыпты бөліп беру арқылы бірін - бірі оқыту.
Шарты:
І топқа. Ұлыбританияның географиялық орны және құрамы.
ІІ топқа. Табиғаты және табиғат ресурстары.
ІІІ топқа. Халқы.

Оқушылар жаңа тақырыпты бастамас бұрын қағазға жазылған тапсырманы алып, 3 топқа бөлінеді.
Тақырыпты түсіндіру. Ұлыбритания еліне жалпы шолудан басталады. Атластарын пайдаланып, Ұлыбританияға сипаттама береді.
Мұғалім оқушыларды 3 топқа бөліп, осы мәселелер бойынша оқулық мәтіні мен атластарын пайдаланып, өз беттерінше талқылаңдар деп тапсырма береді.(Постер қорғау).

1 - топ. Елдің басты ерекшеліктері. Мемлекеттік құрылымы мен ЭГЖ туралы: - ресми атауы; орналасқан жері; - тарихи аталуы; мемлекеттік шекаралары; елдің ЭГЖ - ң ерекшеліктері; қолайлығы; - елдің геосаяси жағдайы; - мемлекеттік құрылымы, басқару формасы; - тарихи провинциялары; елдің басты саяси күштері; - елдің саяси және экономикалық ұйымдары; елдің халықаралық ұйымдарға кіруі.

2 - топ. Елдің табиғаты мен табиғат ресурстарына сипаттама беру жоспары: жер бедерінің басты ерекшелігі; географиялық орнының ерекшелігі; климаттық жағдайының басты ерекшелігі; ішкі сулары – өзендері мен көлдері; орман ресурстары; табиғат ресурстары, оның түрлері мен қорлары, орталықтары; табиғат жағдайының шаруашылықты дамытуға қолайлығы.

3 - топ. Халқы туралы: Британ аралдарының байырғы тұрғындарының тарихи қалыптасуы; ағылшын ұлтының қалыптасуындағы тарихи оқиғалар; халық саны, орташа тығыздығы, ең тығыз қоныстанған ауданы, оның себебі; ірі қалалары; ауыл халқы; ел халқының қазіргі ұлттық құрамы; ағылшын ұлтының өзіндік салт - дәстүрлерінің ерекшеліктері; тілдік ерекшеліктері, діни бағыттары; еңбек ресурстары; елдің спорттық ойындарының түрлері, нақты мәліметтер, мысалдар келтіру.