Тамақ өнеркәсібі

Тақырыбы: Тамақ өнеркәсібі.

Мақсаты: Білімділік, Оқушыларға тамақ өнеркәсібінің құрылымы, сапасы, таралу аймақтары жөнінде білім беру.
Дамытушылық: Ізденіс, шығармашылық тұрғыда жұмыс істеуге қалыптастыру. Кесте, картамен жұмыс жүргізу дағдысын жетілдіріп дамыту.
Тәрбиелік: ысырапқа жол бермеу, үнемдеу, ұқыптылыққа тәрбиелеу.
Көрнекілігі: Қазақстан экономикалық картасы, интерактивті тақта, жетондар, балға, тағам түрлері, таратпа материал.
Сабақ типі: жаңа білім беру.
Сабақ түрі: Аукцион сабақ.
Презентация

І. Ұйымдастыру: Еліміздегі әлеуметтік - экономикалық өзгерістерге байланысты экономикалық білімге бет бұрыс байқалып отырған кезде сіздер экономикалық білім алу үшін, экономикалық ой - өрістерің даму үшін сабақты аукцион түрінде өткіземіз. Ойын барысында «банк», «капитал», «кредит» ұғымдарымен танысасыздар.
Сынып 4 топқа бөлінеді. Топ жетекшісі тағайындалады. 4 топ та аукцион алдында банктен 30%- тік жылдық қарыз ақша (кредит) алады. Алғашқы капиталы 1000 теңге. Олар ойын аяғында банкке 1300 теңге берулері қажет. Топ жетекшісі «Кредит берілді» деген кітапшаға қол қояды және аукционға қатысушының нөмірін алады. Тек нөмірі болған жағдайда ғана сұрақты сатып ала алады.

Аукцион оқыта үйрету ойын сабағы болғандықтан - экономикалық ұғымдарға байланысты сұрақтарға жауап берейік.
1. Тауар құнының теңгемен белгіленуі?
2. Халықаралық валюта.
3. Бағалы қағаздармен ақшаның құндылық бағамы.
4. Елге әкелінетін және сыртқа шығарылатын тауарларды реттеп отыратын қызмет орны.
5. Қазақстан валютасының ең жоғарғы номиналы.
І Ашық лот (слайд)
Әр лоттың алғашқы бағасы 1000 теңге, ал сату қадамы 100 теңге. Мысалы, бір команда аукционист ұсынған сұраққа 200 теңге берсе, басқа команда 300 теңге немесе 400 теңге, т. т. ұсынуға болады. Өз бағасын айта отырып, нөмірін көтеріп отыруы қажет. Жауап беруіне қарай 500 теңгеден 1500 теңгеге дейін сыйлық ақша алады.