Лабиринт, виртуалды лабиринттен шығатын жолды табу

Ұзақ мерзімді жоспардың тарауы: 5. 3А Біздің өміріміздегі алгоритмдер 
Мектеп: №249 мектеп - лицей
Мұғалімнің аты - жөні: Айтқалиева Бақыт
Сынып: 5 «А» 
Сабақтың тақырыбы: Лабиринт, виртуалды лабиринттен шығатын жолды табу
Осы сабақта қол жеткізілетін оқу мақсаттары (оқу бағдарламасына сілтеме)
5. 3. 2. 3 - орындаушыларға және олардың командалар жүйесіне мысал келтіру
5. 3. 2. 2 - алгоритмді сөз түрінде ұсыну
Сабақтың
мақсаты Барлық оқушылар:
• лабиринт ұғымын біледі, анықтамасын айтады;
• лабиринттен шығатын жолды табу үшін қажетті алға, оңға, солға командаларын қолданады.
Оқушылардың басым бөлігі:
• әртүрлі лабиринттен шығатын жолды табатын алгоритм құрастырады;
• әрекет ету алгоритмін сөз түрінде ұсынады.
Кейбір оқушылар:
• өз бетінше лабиринт құрастырады.
Бағалау критерийі • лабиринттен шығу үшін алға, оңға, солға командаларының қызметін қолдана алады;
• лабиринттен шығатын жолды табуға қажетті алгоритмді құратын командалар жүйесін құра алады.
Тілдік мақсаттар
Пәнге қатысты лексика мен терминологиясы
Оқушылар:
- алгоритм ұғымын түсіндіре алады;
- командалар орындаушысын анықтай алады;
- командалар жиынтығы не екенін түсіндіре алады.
Диалогқа/жазылымға қажетті тіркестер
Алгоритм, командалар орындаушылары, командалар жиынтығы
Қолданылатын сөйлемдер
Алгоритм – …
Алгоритмдерді келесі түрлерде …ұсынуға болады
..... командалар орындаушысы деп атайды
Командалар жиынтығы …..
Құндылықтарға
баулу
Шығармашылық және сын тұрғысынан ойлау, білімді шығармашылық тұрғыда қолдана білу, өзгелердің мәдениетіне және көзқарастарына құрметпен қарау, бір - бірімен қарым - қатынас жасау, жұппен және жеке жұмыс істей білу.
Пәнаралық
байланыс Бейнелеу өнері (сызбасы, бейнеленуі), тарих (шығу тарихы), математика (алгоритм ретін жазу)
Алдыңғы білім • 5. 3. 2. 1 алгоритм анықтамасын тұжырымдау
Сабақ барысы
Кезең Сабақтағы жоспарланған жаттығу түрлері
Ресурстар
Ұйымдастыру
Оқушылармен сәлемдесу, түгендеу, сабаққа назарын аудару.
Үй тапсырмасын тексеру
Өткен тақырып бойынша сұрақтар беріледі. Сұрақтарға дұрыс жауап берген оқушы жұлдызшаға ие болады.
«Ашық сұрақтар» әдісі
1. Алгоритм дегеніміз не?
2. Алгоритм атауы кімнің атымен байланысты аталған?
3. Алгоритмнің неше түрі бар?
4. Сызықтық алгоритм дегеніміз не?
5. Тармақталған алгоритм дегеніміз не?
6. Циклдік алгоритм дегеніміз не?
7. Алгоритм ұсынудың жалпы түрлерін ата?
8. Алгоритмнің графиктік түрде кескінделуі қалай аталады?
9. Блок – схемада бір – бірімен қосатын сызықтарды қалай атаймыз?
10. Сөздік алгоритм қандай тілде жазылады?
Бағалау: Мадақтама
Стикер
Интербелсенді тақта
Дағды: оқушылардың зейінін сабаққа шоғырландыру, қызықтыру, білімді шығармашылық тұрғыдан қолдану дағдыларын дамыту мақсатында келесі тапсырма беріледі
Қызығушылығын ояту, мәселе қою («Миға шабуыл» әдісі)
Ертедегі Грекия мен Египет заманына кірген адам шыға алмайтындай етіп жасалған шытырман дәлізді үй болған. Бұл үйлер қалай аталған?
Жауабы: лабиринт. Бағалау: «Қол шапалақтау» әдісі.
Сабақтың тақырыбын, оқыту мақсатын хабарлау
Бөлім: Біздің өміріміздегі алгоритмдер
Тақырып: Лабиринт, виртуалды лабиринттен шығатын жолды табу
Мақсат: лабиринт ұғымы, лабиринттен шығу жолдары, виртуалды лабиринттен шығу алгоритмін құра білу
(сыныпқа жаңа тақырып пен мақсатын хабарлаймын)
Бейнеролик көрсетіледі
Бізге лабиринт атауы ежелгі Грекия мен Египет заманынан кірген адам шыға алмайтындай етіп жасалған шытырман дәлізді үй ретінде таныс. Лабиринттен жол табудың мүмкін әдістерінің бірі – тұйыққа тірелгенге дейін әр жол торабынан бір бағытқа бұрыла беру. Сендер саябақта орналасқан ойын алаңдарында, компьютерлік ойындар барысында түрлі өткелдерден өтіп, таңғажайып оқиғаларға кездесіп жүрсіңдер. Мұндай өткелдерден өту сендерге қаншалықты қиын болса да, жол тауып шығу – дұрыс мақсатқа жетудің дәлелі. Ол үшін дұрыс алгоритм құра білу керек. Бұндай түрлі жолдар мен өткелдерді лабиринт деп атауға болады.
Лабиринттің күрделілігіне байланысты шығудың бір немесе бірнеше жолы болуы мүмкін. Бірнеше жолы болған жағдайда ең тиімді тәсілді дұрыс таңдаған жөн. Лабиринт көбінесе математикалық есептер мен логикалық тапсырмаларды орындау барысында қолданылады.
Виртуалды лабиринт - желі арқылы түрлі өткелдер мен қиылыстарды, кедергілерді
өту бойынша берілетін ойындар топтамасында, балалар ойындарында көптеп кездеседі. Қазіргі кезде 3Д форматында да шығарылып жатыр.
Термин сөздермен жұмыс:
Алгоритм - algorithm
Лабиринт – Labyrinth
Виртуалды лабиринт – Virtual labyrinth
Блок - сызба - Block diagram
Алгоритм орындаушысы - The algorithm performer
Басы - Beginning
Соңы - Ending
Оңға - right
Жоғары - Up
Төмен – Down
Солға - Left
Сары конверт:
Жеке жұмыс: Оқушылар келген «жедел хатты» таңдау арқылы берілген тапсырманы орындайды
Робот орындайтын команданың қадамдарын жазады (Алға, Артқа, Оңға, Солға).
Жасыл конверт:
Сары конверт бойынша әрбір оқушы берілген суретке қарап жеке жұмыс жасау арқылы өз ойын қорытып, пікірлерімен бөліседі;
Қызыл конверт:
Жұптық жұмыс. Қызыл конверт бойынша әрбір жұп берілген суретке қарап жеке жұмыс жасау арқылы өз ойын қорытып, жұп болып пікірлерімен бөліседі;
Дескриптор:
Оқушылар лабиринт ұғымын біледі, анықтамасын айтады;
- лабиринттен шығатын жолды табу үшін қажетті алға, оңға, солға командаларын қолданады.

​Сабақтың толық нұсқасын жүктеу​​​