Зат есім

Сабақтың тақырыбы: Зат есім
Сабақтың мақсаты –
Білімділік: зат есімнің жасалу жолы, зат есім жасайтын жұрнақтар жайлы мәлімет беру, басқа сөз таптарынан ажырата алуға, сұрақ қоя білуге үйрету;
Дамытушылық: шығармашылық, ойлау, таным қабілеттерін дамыту, сөйлеу мәдениетін, өз ойын еркін жеткізе білуге дағдыландыру;
Тәрбиелік: ұқыптылыққа, ұжымдық ынтымақты берік ұстануға, қазақ тілінің мәртебесін арттыруға үлес қосуға тәрбиелеу;
Сабақтың түрі: жаңа білімді меңгерту.
Көрнекі құралдар: тірек - сызбалар, тақырыптық бүктемелер;
Сабақтың әдіс - тәсілдері: түсіндіру, топтық, көрнекілік, сұрақ - жауап, іздендіру,

Ұйымдастыру:
1) Психологиялық дайындық:
Жарқырап күн де ашылды,
Айналаға нұр шашылды.
Қайырлы күн! Біз көңілді баламыз,
Қайырлы күн! Сәлемдесіп аламыз.
Мақсатымыз - білім алу,
Міндетіміз - еңбектену
Еңбектену арқылы
“5 “- ке қолды жеткізу
Жаңа сабақты түсіндіру
Зат есім: заттың, құбылыстың, ұғымның атын білдіріп кім?, не? деген сұраққа жауап беретін сөздер
Мысалы: бала, оқушы, кітап, білім.

2 - тапсырма
Мақалдың жалғасын тап. көп нүктенің орнына зат есімдерді жаз. Зат есімдерге сұрақ қой.
1)......... елдің анасы, Ел ердің анасы.
2)........... оттан да ыстық,
жалыны бар шоқтан да ыстық.

3)........... соққан пышағынан танисың.
............ ептілікті сүйеді.
4)........... мыңды жығады,
білекті бірді жығады.

3 - тапсырма Жұмбақтардың шешуін тап. Зат есімдерді құрамына қарай талда.

От ішінде үш таяқ,
Үшеуі де күшті аяқ.
Ортасында ілгегі.
Ілгегінде ілгені. (таға)

Қолы жоқ сурет салады,
Тісі жоқ тістеп алады. (аяз)

Таңмен көзін ашады,
Әлемге нұрын шашады. (күн)

Дауысы бар, жаны жоқ,
Шертсең күйі, әні көп.
Құлағын он бұра.
Ол не?.... (домбыра)

Сабақты қорытындылау: тестік жұмысты орындау
Дара зат есімді көрсетіңіз.
1. А) тұрған
В) қиял
С) күшті
2. Күрделі зат есімді табыңыз.
А) зейін
В) білгіш
С) әдеп - ғұрып
3. Деректі зат есімді көрсет
А) адам
в) дін
С) күшті
4) Зат есімнің сұрақтары:
А) кім?, не?
В) қалай?
С) не себепті?
5) Жалқы есімдерді көрсет
А) бала
В) қала
С) Қазақстан
6) Жалпы есімді көрсет
А) орындық
В) Сарыарқа
С) Қарағанды

ҮІ. Сабақтың қорытындысы:
1. Сұрақ қою арқылы жаңа сабақты қорытындылаймын.
2. Оқушылардың берген жауаптарына қарай білімдерін бағалаймын.
ҮІІ. Үйге тапсырма: өзіндік жұмыс. Жалпы есімдер мен жалқы есімдерді қатыстырып
«Ауылым — алтын бесігім» тақырыбында шағын шығарма жазып келу.

Қыдырқанова Әлия Қыдырқанқыз