Қазақ әдебиеті пәнінен 5 - сыныпқа арналған тоқсандық жиынтық бағалау тапсырмалары

Қазақ әдебиеті пәнінен 5 - сыныпқа арналған тоқсандық жиынтық бағалау тапсырмалары
Жаңартылған білім беру мазмұнының ерекшелігіне сай әр тоқсан бойынша білім алушылардың меңгерген білім, білік, дағдыларын тексеру мақсатында «Қазақ әдебиеті» пәні бойынша тоқсандық жиынтық бағалау тапсырмаларының жинағы құрастырылды.
Жиынтық бағалау тапсырмалары негізгі мектептің (5 - 9 - сыныптары) «Қазақ әдебиеті» пәні бойынша оқу бағдарламасы (орта білім беру мазмұнын жаңарту аясындағы) мен оқу жоспарының негізінде дайындалған. 5 - сыныптың «Қазақ әдебиеті» пәні бойынша 1 - тоқсандық жиынтық бағалау тапсырмалары ұсынылған. Тоқсандық жиынтық бағалау оқу бағдарламасы мен оқу жоспарының мазмұнына сәйкес, білім алушылардың тоқсан барысында меңгерген білім, білік және дағдыларын анықтауға бағытталған.
Тоқсандық жиынтық бағалау оқу жоспарындағы тоқсан ішінде меңгеруге тиісті оқу мақсаттарына жету деңгейін тексереді.
Оқу мақсаттары:
5. 1. 1. 1. Әдеби шығарманың жанрына қарай фабуласы мен сюжеттік дамуын
сипаттау;
5. 1. 2. 1. Әдеби шығарманың тақырыбы мен идеясын анықтау;
5. 1. 3. 1. Көркем шығармадағы кейіпкерлер портреті мен іс - әрекеті арқылы образын ашу
5. 2. 2. 1. Эпикалық шығармадағы автор бейнесін анықтау;
5. 2. 3. 1. Шығармадағы тілдік бейнелеу, суреттеу құралдарының (теңеу, эпитет, ауыспалы мағынадағы сөздер, қайталау, өлең құрылысы) мағынасын анықтау;
5. 3. 1. 1. Шығармадағы эпизодтар арқылы тарихи құндылығын бағалау;
«Қазақ әдебиеті» пәнінен 1 - тоқсан бойынша жиынтық бағалау тапсырмалары
1. «Керқұла атты Кендебай» ертегінің қай түріне жатады?
А. Әдеби ертегі
В. Шыншыл ертегі
С. Жан - жануарлар туралы ертегі
Д. Қиял - ғажайып ертегі
[1]
2. «Қобыланды батыр» жырының тақырыбын анықтаңыз.
А. Ерлік және елді сыртқы жаулардан қорғау
В. Екі жастың махаббаты
С. Бір перзентке зар болу
Д. Тайбуыл атты баптау
[1]
3. «... Сұлтаныма сәлем де,
Тілімді алса, бармасын.
Біз байлаған Бурылда,
Қырық үш күндік емдік бар»,- деген қай кейіпкердің сөзі?
А. Қарлыға
В. Қараман
С. Құртқа
Д. Қобыланды
[1]
4. «Керқұла атты Кендебай» ертегісіндегі шығарманың басталуына сай атауды анықтаңыз.
А. Қазанғап кедей
В. Кендебайдың ерлігі
С. Хан мен балалары
Д. Малшы Кендебай
[1]
5. Ертегідегі Кендебайдың іс - әрекетін анықтаңыз.
А. Жорыққа шығады, алып ұйқылы батыр болады
В. Алысқанын алып ұрыпты, арыстанның азуын қағып алады
С. Қозы бағады, жылап жүрген балаға жәрдемдеседі
Д. Хан балаларымен бірге құлынды күзетеді
[1]
6. Асанқайғының желмая мініп желдіртіп, Сарыарқаны аралау себебін түсіндіріңіз. Аңыздағы автор бейнесін анықтаңыз.
[2]
7. Алты қабат орынан,
Жетінші қабат қалаға,
Қояндай ырғып жөнеді.
Арыстан туған Қобыланды,
Көп әскерге келді кез,
Қара қасқа ат мінген,
Алдынан шықты ер Қазан. Үзіндіде берілген тілдік бейнелеу, суреттеу құралдарын тауып жазыңыз.
[2]
8. Ертегідегі Кендебай батыр мен Керқұла аттың достығы туралы өз ойыңызды 2 - 4 сөйлеммен білдіріңіз.
[2]
9. Асанқайғы халқына жайлы қоныс болатын жерді тапты ма? Қалай ойлайсыз? Ойыңызды 2 - 4 сөйлеммен білдіріңіз.
[2]
10. «Керқұла атты Кендебай» ертегісіндегі қиял - ғажайып ертегіге тән оқиғаларды санамалап жазыңыз.
[2]
11. Дала философына айналған ойшыл, ел қамын жеп, қайғы - қасірет кешкен Асан атына кейін «қайғы» сөзі қосылып, аңызға айналған.
Аңыздың тарихи құндылығын бағалап, жазба жұмысын орындаңыз.
[5]
Балл қою кестесі


Павлодар облысы, Баянауыл ауданы, Майқайың кенті,
М. Әуезов атындағы ЖОББМ
Қазақ тілі мен әдебиеті пәнінің мұғалімі
А. А. Шокаева

Тапсырманың толық нұсқасын жүктеу