Зат есімнің көптелуі

Қымбатты, сайт қолданушылары сайтқа өзімнің сабақтарымды жариялағым келеді. Биылғы жылы 3 деңгейлік оқуға 3 айлық барып, сертификат алып келдім. Сол тәжірибе ретінде өткізген сабақтарыммен сіздермен бөліскім келеді.

Сабақтың тақырыбы: Зат есімнің көптелуі
Жалпы мақсаты:
Түрлі мәтіндерден көптік жалғауының семантикалық сипатын анықтай отырып, түрлі сөздерге жалғауларды жалғап үйрену.

Оқу нәтижесі:
Көптік жалғауларының семантикалық сипатын анықтайды, арнайы тапсырмалар нәтижесінде сөздерге жалғауларды дұрыс жалғайды.

Міндеттер: Алған білімін өмірде пайдалану, өздігінен шешім қабылдай отырып жұмыс істеуге, тапсырманы ұқыпты орындай білу: өз бетінше іздене білу.
Модуль: Білім беруде АКТ - ны пайдалану, « Білім берудегі басқару және көшбасшылық», «Оқыту үшін бағалау және оқуды бағалау», « Сыни тұрғыдан ойлауға үйрету», «Талантты және дарынды балаларды оқыту».
Қолданылатын әдіс – тәсілдер мен стратегиялар: Сергіту сәті, «Миға шабуыл» стратегиясы, «Ала доп» әдісі, «Ойлан, Бірік, Бөліс» стратегиясы, Семантикалық карта, Кубизм әдісі, Рефлексия: Өзін - өзі бағалау,«Торкөзді талқылау»тәсілі
Сабақ бойынша мұғалімнің жазбалары:
І. Кіріспе бөлім. 5 минут Көңіл күй ахуалы «“Алыптар мен ергежейлілер”әдісі» сергіту сәтін өткізу: Жүргізуші біресе қолдарын жоғары көтеріп, біресе төмен түсіріп, алыптар мен ергежейлілерді бейнелейді және «алып», «ергежейлі» деп айтып тұрады. Жүргізуші кейде айтқан сөзі мен қимылын керісінше етіп, қатысушыларды жаңылыстыруға тырысады. Кім қателессе, орнына отырады. Соңында қалған үш адам жеңімпаз деп танылады.

ІІ. Апта күндері бойынша топқа бөлу: Буынның түрлері бойынша (Ашық буын, Тұйық буын, Бітеу буын болып) топқа бөлінді.

ІІІ. Өткен сабақты қайталау. 7 минут «Ала доп» әдісі бойынща үй тапсырмасын қайталау.
1. Қазақ тілінде неше сөз табы бар?
2. Жұрнақ пен жалғаудың түрлері мен қызметтері қандай?
3. Көптік жалғауының қосымшаларын ата? Жалғану ерекшелігін айтып бер.
4. Қазақ тілі мен орыс тіліндегі зат есімдердің қандай басты айырмашылығы бар?
5. Үй тапсырмасын тексеру.