Квадраттық функцияның графигін салу есептері

Қарағанды облысы, Сәтбаев қаласы,
"№3 жалпы орта білім беретін мектебі" КММ - нің
математика пәні мұғалімі Естаева Айтжан Естаевна

Тақырыбы: Квадраттық функцияның графигін салу есептері
Мақсаты:
Білімділігі: Квадраттық функцияның дербес түрлерін қайталау және белгілі графиктердің көмегімен квадраттық фукцияның графиктерін салудағы оқушылардың білімдерін бекіту;
Дамытушылығы: Квадраттық функцияның графигін салу дағдыларын дамыту, дербес жағдайдағы квадраттық функциялардың графиктерін түрлендірулер арқылы салу;
Тәрбиелігі: Графиктерді түрлендіру арқылы өздігінен тапсырма орындауға, қатемен жұмыс жасауға, сараптама жасауға тәрбиелеу.
Сабақтың түрі: қайталау
Әдіс - тәсілдері:
Көрнекілігі: мм - лік қағаз, түрлі – түсті қарындаштар, интерактивті тақта, электрондық оқулық.
Бөлімдері: (Ассамблеяның негізгі міндеттерін сабақтың бөлімдері ретінде пайдаланамын)

І. Ұйымдастыру.(қоғамда этносаралық келісімді және толеранттықты одан әрі нығайту үшін қолайлы жағдайлар жасау;) - сабағымызды тиімді де өз мәнінде өткізу үшін бізде қолайлы жағдай жасап алайық.
Сынып оқушыларын түгендеу, оқу құралдарын тексеру

ІІ. Үй тапсырмасын тексеру. (халық бірлігін нығайту, қазақстандық қоғамның негізін қалаушы құндылықтары бойынша қоғамдық келісімді қолдау және дамыту;) – Ал біздің міндетіміз – квадраттық функцияның графигін салу туралы білімдерімізді дамыту, жүйелеу.(А - 4 мм - лік қағазға орындап келген тапсырмаларды тексеру)
Қайталау сұрақтары: (слайд арқылы көрсетіледі)
Квадраттық функцияның анықтамасы;
Дербес жағдайлары
Анықталу облысы
а>0, а0, D0, а<0 болғанда у - тің мәні қалай өзгереді?

ІІІ. Сыныппен жұмыс. (азаматтың құқықтары мен бостандықтарына қысым жасауға бағытталған әрекеттерге қарсы тұруда мемлекеттік органдарға жәрдемдесу;)
Біздің келесі міндетіміз - жалпы түрдегі квадраттық функцияның графигін сала білу.
Электронды оқулық арқылы жалпы түрдегі квадраттық функцияның графигін салу алгоритмі түсіндіріледі.
Квадрат үшмүшеден толық квадратты бөліп шығару әдісін пайдалану арқылы квадраттық функцияның графигін салу жолын өзім түсіндіремін: у=x^2 - 4х - 5=x^2 - 2∙х∙2+4 - 4 - 5=(〖х - 2)〗^2 - 9
у=(〖х - 2)〗^2 - 9 функциясының графигін салу үшін у=x^2 функциясының графигін Ох осінің бойымен 2 бірлік оңға, Оу осінің бойымен 9 бірлік төмен жылжыту арқылы шығарып аламыз.
IV. Есептер шығару.(азаматтардың демократиялық нормаларға сүйенетін саяси - құқықтық мәдениетін қалыптастыру;)
Олай болса, біз де осы айтылған алгоритмдерді пайдаланып, жалпы түрдегі квадраттық функцияның графиктерін салайық. Ол үшін алдарыңдағы мм - лік қағаздарды және параболаның үлгілерін пайдаланамыз. (Есептер шығару)

V. Тест орындау.(Ассамблеяның мақсаты мен міндеттеріне қол жеткізу үшін этномәдени және өзге де қоғамдық бірлестіктердің күш - жігерін біріктіруді қамтамасыз ету;)
Ал біз өз мақсатымызға қол жеткізу үшін бүгінгі сабақта айтылғандарды ой елегінен өткізіп, білімдерімізді тексеріп көрейік

(Тест тапсырмасы – 10 сұрақ, Aktivbood арқылы жұмыс істеу)
1. берілген көпмүшелердің қайсысы квадрат үшмүше болады?
А. 2х + 3
В. х3 - 3х+2
С. 3х2 - 9х+1
Д. 5х+9у - 3
2. х2 – 9х + 8 квадрат үшмүшесін көбейткіштерге жіктеңдер:
А. (х - 1)(х - 8)
В. (х+1)(х - 8) С. (х+1)(х+8)
Д. Жіктеуге болмайды
3. у = (х+5) 2 функциясының графигін у = х2 функциясының графигінен қандай түрлендіру арқылы алуға болады?
А. Ох осі бойымен 5 бірлік оңға;
В. Ох осі бойымен 5 бірлік солға;
С. Оу осі бойымен 5 бірлік жоғары;
Д. Оу осі бойымен 5 бірлік төмен жылжыту арқылы алуға болады.
4. у = 3х2 +4х - 7 параболасыны Ох осімен қиылысу нүктелерін анықтаңдар:
А. 1; - 3/7
В. 1; 3/7
С. - 1; 7
Д. 1; 7
5. Параболаның тармағының бағыты байланысты болады:
А. х айнымалысына
В. бос мүшеге
С. Бірінші коэффициентке
Д. екінші коэффициентке
6. у=x^2+4х - 2 функциясы берілген. Егер - 3≤х≤0 болса, функция қандай мәндерге ие болады?
А. - 4≤у≤- 2
В. - 6≤у≤- 2
С. -≤у≤0
Д. - 5≤у≤- 2
7. Квадраттық функцияның графигі:
А. Түзу
В. шеңбер
С. Парабола
Д. Гипербола
8. Квадраттық функцияның графигі:
А. Координата басына
В. абцисса осіне
С. Ордината осіне
Д. Кез келген түзуге
қарағанда симметриялы болады.
9. Квадраттық функцияның анықталу облысы:
А. Барлық оң сандар
В. Тек қана натурал сандар
С. Кез келген сан
Д. Нөлден басқа барлық сандар
10. у=a(〖x - m)〗^2+n функциясының графигін y=ax^2 функциясының графигіне неше рет түрлендіру жасау арқылы алуға болады?
А. 1
В. 2
С. 3
Д. 4
VІ. Сабақты қорытындылау.(Қазақстан халқының ұлттық мәдениетін, тілдері мен дәстүрлерін өркендету, сақтау және дамыту болып табылады.) (слайд арқылы сұрақтар) Осы тарауда нені меңгердік? (квадраттық үшмүшені көбейткіштерге жіктеу, квадраттық функцияның қасиеттері, квадраттық функцияның графигін квадрат үшмүшеден толық квадратты айырып алу және алгоритм бойынша салу)

VІІ. Рефлексия.
- бүгінгі сабақ несімен ұнады?
- сабақтан алған әсерлерің

VІІІ. Үйге тапсырма. Қазақстан халқы Ассамблеясы жылының тағы бір рәсімі «Тайқазанды» тапсыру болса керек. Ол «Қазақстан халқы Ассамблеясы – 20 ізгі іс» атты эстафетасымен бүкіл Қазақстанды шарлайтын болады. Қасиетті Түркістан қаласынан Астанаға келген тайқазан 6 ақпан күні Ақмола облысына салтанатты түрде тапсырылды. Ондағы мақсат – Ассамблеяның кезекті 22 сессиясының ашылуына дейін тайқазанды жақсы істерге толтырып, елордамызға қайта жеткізу. Ал сендердің бұл игі бастамаға қосар үлестерің - квадраттық функцияның графигін салу туралы білімдеріңді дамытып, үйде мынадай тапсырмаларды орындап келу.