Өнер-өмір өрнегі...

Сабақ мақсаты: оқушылардың адам өміріндегі өнердің маңыздылығы туралы түсініктерін кеңейту.
Міндеттері:
- Адамның жасампаздық мүмкіндіктері мен рухани – адамгершілік тұлғасының өзара байланысын ашу;
- Жасампаздық қабілеттерінің дамуына ықпал ету;
- Өмірде сұлулық, жақсылық қырынан қабылдай білуге тәрбиелеу.
Сабақ барысы:
1. Ұйымдастыру кезеңі.
2. Үй тапсырмасын тексеру: Мәтін бойынша пікір алмасу сұрақтары
3. Дәйек сөз.
4. Мәтінмен жұмыс:
5. Топпен ән айту.
6. Үй тапсырмасы
7. Соңғы тыныштық сәті.
Сабақ барысы:
1. Ұйымдастыру кезеңі.
Тыныштық сәті. «Нұрға бөлену» ыңғайланып отырыңыздар, денелеріңізді түзу ұстаңыздар. Аяқ – қолыңызды айқастырмаңыз, қолыңызды тізеге немесе үстелге қоюға болады. Көздеріңізді жұмуларыңызды өтінемін. Елестетіп көріңіз: күн нұры сіздің төбеңізден өтіп, кеудеңізге қарай бойлап, барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын, таза, әсем гүл сіздің әр ойыңызды, әр сезіміңізді, эмоцияңызды тілек қалауыңызды шайып, жүрегіңіздің қауызын ашты. Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Ой мен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, тек ізгі істерді істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды. Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көзімізге де жетті. Көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді. Нұр бірте - бірте қарқынды және шұғылана бастайды, сіздің денеңізден шығып, жан - жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз. Олардың да жүрегі нұрға толсын. Осы нұр бүкіл әлемге: барлық адамдарға, жан - жануарларға, өсімдіктерге, тірі жанға таралсын. Ғаламның барлық түкпір - түкпіріне нұр бағыттаңыз. Ойша айтыңыз: «мен нұрлымын,,, нұр менің ішімде,,, мен нұрмын...» Осындай нұр, махаббат және тыныштық күйінде отыра тұрыңыз... енді осы нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз. Жаймен көзіңізді ашуға болады. Рахмет.
1. 1. Сізге «тыныштық сәті» ұнады ма?
2. 2. Қандай сезімде болдыңдар?

2. Үй тапсырмасын тексеру: Мәтін бойынша пікір алмасу сұрақтары
3. Дәйек сөз. «Өнер адамның рухани азығы, ол халықтың бүгіні мен келешегі, арманы мен қиялы, жалпы болмысы»
Б. Момышұлы.
4. Мәтінмен жұмыс: Оқулықтағы «Оқып үйренейік» айдарымен ұсынылған «Қос өнерпаз» атты ел аузынан алынған мәтінді оқушылар өз бетінше оқып шығады.
Мәтін бойынша сұрақтар:
1. Халық өнерлі адамдарға деген құрметін қалай білдіреді?
2. Қос өнерпаз бірін - бірі қалай түсінді?
3. Өнерлі адам не себепті елге сыйлы болады?
5. Топпен ән айту. «Асыл арман»
6. Үй тапсырмасы: Қазақстанның әлемнің жеті кереметіне фото көрме жасау.
7. Соңғы тыныштық сәті.
Ыңғайланып отырыңыздар, көзімізді жұмып, еркін жайғасайық. Бүгінгі өткен сабағымыздан нені түсіндік, қандай нәрселерді үйрендік, өзімізге нені алдық сол жөнінде ойланайық. Осынын барлығын жүрегімізге салып, көкемізге түйіп алайық.
Әуен дауысы бәсеңдегеннен кейін көздеріңізді ашуларыңызға болады.
Сабақ аяқталды. Сау болыңыздар!