Бізбен байланыс
kum2017@yandex.ru
WhatsApp: +7 705 241 87 47


Отбасым – бақыт мекені

09 қыркүйек 2016, Жұма
Категориясы: Тәрбие сағаты
Шығыс Қазақстан облысы,
Абай ауданы, Қарауыл ауылы
«ЖББ Қарауыл гимназиясы»КММ
Исайн Мейрамгүл Сайлауханқызы

Сабақтың тақырыбы: «Отбасым – бақыт мекені»
Сабақтың мақсаты: Отбасындағы сүйіспеншілік, сыйластық құндылықтары туралы түсініктерін кеңейту.
Әдіс - тәсілдер: түсіндіру, сұрақ - жауап, дидактикалық ойындар
Көрнекіліктер: Отбасы мүшелерінің суреттері, мақал - мәтелдер, «Біздің отбасы» тақырыбындағы мазмұнды суреттер, нақыл сөздер.
Сабақтың барысы:
Тәрбиеші: Балалар, қане барлығымыз шаттық шеңберіне тұрайық. Бір - бірімізге жақсы ниеттерімізді білдірейік. (балалар бір - біріне жақсы сөздер айтып амандасады)
- Сен қайырымдысың.
- Сен ақылдысың.
- Сен сүйкімдісің.
- Сен мейірімдісің т. б
Тәрбиеші: Енді ата - аналарды да шаттық шеңберіне шақырайық.
- Аспанымыз ашық болсын.
- Деніміз сау болсын.
- Әр таңымыз арайлы болсын т. б
Тәрбиеші: Балалар, біз бүгін отбасы туралы әңгімелесеміз. Біздің әрқайсымыздың өз отбасымыз бар.
- Отбасы мүшелеріне кімдер жатады? (балалардың жауаптары)
- Отбасымыздағы басшы кім? (әке)
- Жер бетіндегі ең әдемі, ақылды, сендерге өте қымбат адам? (ана)
- Ал, ата мен әжеге сендер кім болып келесіңдер? (немере)
- Отбасындағы адамдар бір - бірімен қандай болуы керек? (адал, мейірімді, қайырымды)
Тәрбиеші: Өте жақсы. Енді «Әжесін қайсысы жақсы көреді?» атты көріністі тамашалайық.
Тәрбиеші:
Балалар, атамыз, әжеміз, әкеміз, анамыз бізді еркелетіп айтады. Олар сендері «айым», «күнім», «жұлдызым» т. б әдемі сөздермен еркелетіп айтады. Қане, отбасында сендерді кімдер және қалай еркелетеді екен? (ата - аналар балаларын қалай еркелететіндерін айтады)
Отбасылық ән: «Ертегілер елінде»
Тәрбиеші: Балалар, біз ата - аналарымызбен бірге бір ойын ойнайық.
Ойынның шарты: Ортаға7 - 8 бала шығады. 1 - 2 ата - ана көздері байлаулы күйде солардың ішінен өз баласын тауып алады да, қандай ерекшеліктерімен тапқандықтарын ауызша айтып береді.
Тәрбиеші: Жаңа айтып өткеніміздей, әрбір адамның өз отбасы болады. Олар бір - бірін жақсы көреді, сыйлайды. Енді өз отбасымыздағы ең жақсы көретін адамымызға деген сүйіспеншілігіміз туралы айтып бере аламыз ба?
«Мен отбасымды жақсы көремін...» (әр бала сөзін осылай бастайды)
Тәрбиеші: «Күннен жылу тарайды, анадан мейірім тарайды» деген қасиетті сөз тегін айтылмаған. Яғни, қазір біз өз балаларымыздың бойындағы игі жақсы қасиеттерді бір ауыз сөзбен күн шуағына жазып шығамыз.
(әр ата - ана жақсы қасиеттерді жазып, күнге жапсырады.)
Отбасылық ән: «Айгөлек»
Тәрбиеші: Балалар, міне, күн шуағынан керемет қасиеттер пайда болды. Сендердің бойларыңдағы бар жақсы қасиеттеріңді ата - аналарың осы күн шуағы арқылы жеткізіп берді.
Тәрбиеші:
Біз бүгін өзімізге жақын, ең қымбат анамыз туралы, қамқор әкеміз туралы, ең қайырымды ата - әжеміз туралы, ең сүйкімді іні - қарындас, аға - әпкеміз туралы әңгімелестік. Біз оларды жақсы көруді, сыйлауды үйрендік. Олардың бізге тек жақсылық тілейтінін білдік.
Отбасы - ол үлкен қуаныш, шаттық, мейірімділік, қамқорлық, сүйіспеншіліктің ортасы. Ата - аналарың сендердің нағыз адам болып өскендеріңді қалайды. Сендерді жақсы көретін адамдардың сенімі мен еңбегін ақтауға тырысайық. Әрқашан отбасы мүшелерін сыйлап, құрметтеу керек екендігін ұмытпайық.
Балалар, әрқайсымыз бір - бір суреттен алып, ата - аналарымызға апарып берейік. Ата - аналар сіздер сурет арқылы балаларыңызға жылы сөздеріңізді айтыңыздар.
- Күндей жылы бол!
- Алмадай тәтті бол!
- Айдай жарық бол!
- Жүзік сияқты әдемі бол!
Балалар:
Ортаға келіп тұрайық,
Шеңберді біз құрайық.
Көріскенше күн жақсы,
Сау - саламат болайық!
Тәрбиеші: Құрметті ата - аналар! Бүгінгі біздің «Отбасым - бақыт мекені» атты тәрбие сағатымыз аяқталды. Белсенділікпен қатысқан ата - аналарымызды марапаттауға рұқсат етіңіздер.

Толық нұсқасын жүктеу
7 623
0
  • 0
0 дауыс


Жаңалықтар
Өзім және отбасым
Өзім және отбасым
Түрлі дерек көздерді зерттей отырып, «Отбасы» ұғымын түсіну және мәнін түсіндіру. Отбасындағы өзге мүшелерге қатысты өзінің туыстық байланыстар жүйесіндегі орнын анықтау.
Менің отбасым
Менің отбасым
отбасы мүшелерінің бір - біріне қалай көмектесетіндіктері жайлы сұрақтарға жауап беруге, басқа балалардың да отбасы туралы айтқандарын тыңдап, түсіне білуге ынталандыру.
Менің отбасым
Менің отбасым
Балаларға отбасы мүшелері туралы түсінік беру. Отбасындағы өзара сыйластық қарым - қатынас дағдыларын дамыту. Үлкенге ізет көрсетіп, кішіге қамқор бола білуге, адамгершілікке тәрбиелеу.
Отбасындағы сүйіспеншілік
Отбасындағы сүйіспеншілік
Отбасы туралы түсініктерін кеңейту. Отбасындағы сүйіспеншілік, сыйластық туралы ұғымдарын бекіту. Инабаттылық пен адамгершілікке тәрбиелеу
Менің отбасым
Менің отбасым
Маңғыстау облысы, Бейнеу ауданы, "Болашақ балабақшасы" тәрбиешісі Шораханова Жансулу
Менің отбасым
Менің отбасым
Қостанай облысы, Қостанай ауданы, Нұржан Наушабаев атындағы Затобол орта мектебі Бастауыш сынып мұғалімі Жусупбекова Роза Қылышбайқызы
Пікірлер (0)
Ақпарат
Қонақтар,тобындағы қолданушылар пікірін білдіре алмайды.
×