VIII ғасырдағы Қазақстан мәдениеті

Сабақтың тақырыбы: VIII ғасырдағы Қазақстан мәдениеті.(8 - сынып)
Сабақтың мақсаты:
1. Білімділік. Оқушыларға ХVIII ғасырдағы Қазақстан мәдениеті туралы түсінік беру, сол кездегі орыс зерттеушілерінің жүргізген жұмыстарымен таныстыру.
2. Дамытушылық. Оқушы білімін көрнекіліктер арқылы, қосымша материалдарды пайдалана отырып, қазіргі кездегі мәдениетпен салыстыру арқылы білімдерін дамыту, мақтаныштарымызды қадірлей білуге, қастерлей білуге үйрету.
3. Тәрбиелілік. Оқушыларды еңбексүйгіштікке, тереңінен ойлауға, өз елінің өткені мен бүгінін салыстыра білуге, болашақта жан - жақты түсінігі бар азамат болып қалыптасуға үйрету, тәрбиелеу.
Сабақтың түрі: жаңа сабақ.
Сабақтың көрнекілігі: Интерактивті тақта, сызбалар, таратпа материалдар, ҚР саяси, дүние жүзі карталары, портреттер, магнитті тақта, жырлар, үнтаспа.
Сабақтың технологиясы: ТСН (В. Шаталов), деңгейлеп саралап оқыту, дамыта оқыту технологиясы (Л. Выготский), сатылай кешенді талдау, топтастыру, проблемалық оқыту.
Сабақтың әдісі: Түсіндірмелі әдіс, сұраққа жауаптар алу, талқылау, суреттеу.
Пәнаралық байланыс: география, әдебиет, қазіргі заман тарихы, музыка.
Сабақтың барысы:
1. Ұйымдастыру кезеңі. Оқушылармен амандасып, бүгінгі сабақ ерекше екенін атап өту.
Үй тапсырмасын сұрау.
1. «Сиқырлы сандықша» ойыны (Өткен сұрақтарға жауаптар алу)
2. Шығармашылықпен жұмыс.(С. Датұлының өнеге, тәлім, тәрбие туралы айтқаны)
3. Үлестірмелермен жұмыс. (Деңгейлік сұрақтар, «Қашан», «Қайда» ойындары)
Үй тапсырмасын қорытындылау. Қазақ мәдениетінің осы кездегі жағдайының төмен екендігін және оған себепші феодализм мен ұлт - азаттық қозғалыстардың да кері әсері болғанын жаңа сабаққа көпір ретінде пайдалану.
4. Жаңа сабаққа кіріспе. Оқушыларға сұрақ: Болашақта қандай маман иесі болғыларыңыз келеді? Жауаптар алынғаннан кейін, мұғалім Қазақстан болашағы үшін қажетті мамандықтар екен, олай болса, біз өз еліміздің тарихын өте жақсы білуіміз керек екен дей отырып, жаңа сабақты бастайды.
Бүгінгі ашық сабағымызды Н. Назарбаевтың «Қазақстанның тәуелсіздік тарихы аппақ тарих бетіне күні кеше түсе қалған жоқ, оның көне мәдениеті, дәстүрлері бар...» сөзімен ашқым келіп отыр.
Жаңа сабақтағы мақсатымыз: 18 - ғасырдағы қазақ жеріндегі зерттеулер жайында, мәдениет туралы жан - жақты білім ала отырып, жыраулар туралы көп білуге, білімімізді дамыта түсуге, адамгершілік және өнерсүйгіштікке үйренеміз.