Байланыс жүйесі. Почта қызметі

№5 көру қабілеті бұзылған балалалардың
арнайы (түзету) мектеп интернаты мемлекеттік коммуналдық мекемесі
Технология пәні мұғалімі: Жоламанова Қуанышкүл Әбілдақызы

Сабақтың тақырыбы: Байланыс жүйесі. Почта қызметі.
Сабақтың мақсаты: Байланыс құралдары және оның дамуын түсіндіру.
Білімділігі: Оқушылардың білім - білік дағдыларын қалыптастыру.
Тәрбиелігі: Еңбек сүйгіштікке, ізденімпаздыққа тәрбиелеу.
Дамытушылығы: Алған білімдерін өмірде қолдану дағдысын қалыптастыру, қоғамға бейімдеу.
Коррекциялық: Оқушылардың есте сақтау, көру, еркін сөйлеу қабілетін дамыту, саусақ майда моторикасын және тіл дамыту.
Сабақтың көрнекілігі: Интерактивті тақта, оқу құралдары, конверттер.
Сабақтың түрі: Аралас сабақ
Сабақтың әдісі: Баяндау, сұрақ - жауап, бекіту, сюжетті рөлдік ойын.

Сабақтың барысы:
І. Ұйымдастыру кезеңі:
Психологиялық дайындық:
Күннің көзі ашылып,
Көкке шуақ шашылып.
Құтты қонақ келіпті,
Төрімізге еніпті.
Амандасу үлкенге.
Тәрбиенің басы ғой,
Ал, қәнекей бәріміз,
«Сәлем» дейік үлкенге.
- Сәлеметсіздер ме, қонақтар!

ІІ. Үй тапсырмасын сұрау:
«Миға шабуыл» кезеңі
1. Бағдаршам деген не?
2. Қандай түрлері бар?
3. Жолда жүру ережелері туралы не білдік?

Үй тапсырмасын бекіту:
1. Бағдаршам түстері нені білдіреді?
2. Жол жүру ережесі велосипед жүргізушісіне қатысты ма?
3. Жүргінші жолағы туралы айтыңдар.

ІV. Жаңа сабақты түсіндіру
Арғы ата - бабаларымыз жазда - жайлауда, қыста - қыстауды негізінен мал шаруашылығымен айналысқан. Ол кезде байланыс тек салт атпен жүргендер арқылы хабарласып отырған. Алғашқы оқыған зиялы азаматтар білім - ғылымның қажеттілігін түсініп, әрі насихаттап отырған. Мысалы: Ы. Алтынсариннің мынадай өлең жолдары бар.
Өнер - білім бар жұрттар
Тастан сарай салғызды
Айшылық алыс жерлерден
Көзді ашып - жұмғанша
Жылдам хабар алғызды.
Бұл жерде телеграф, телефон туралы айтылып отыр. Байланыс құралдарымен танысайық. Слайдтар
І. Почта арқылы байланыс (механикалық)
а) хат б) газет - журнал в) посылка
ІІ. Электромагниттік толқындар көмегімен іске асырылатын байланыс.
1. Телеграф - (гректің «теле»- алыс)
1832 жылы орыс ғалымы П. Л. Шиллин ойлап тапты.
1837 жылы Морзе (АҚШ) аппаратын ойлап тапты. (нүкте, сызық)
Фототелеграф – сурет, графиктер
2. Телефон – («фон»- дыбыс, «теле»- алыс)
1876 жылы американ ғалымы А. Г. Белл ойлап тапты.
Атқаратын қызметі – сөйлеу информацияларын алыс қашықтыққа жеткізу:
3. Радио (латынша «радио»- сәуле таратамын)
1895 жылы 7 мамырда орыс ғалымы А. С. Попов ойлап тапты. Сондықтан 7 мамыр радио күні деп аталады. Хабарлағыш антенна арқылы әртүрлі хабарламалар беру.
4. Теледидар (телевизия)
«видео»- көремін деген сөз. Қызметі - объектінің кескінін көру және дыбысты есту. Алғаш ойлап тауып, пайдаланған Англияда 1925 ж Джон Берд.
1938 жылы Ленинградта, 1939 жылы Мәскеуде телевизиясы тұрақты хабар бере бастады.
1965 жылы «Молния - 1» байланыс спутникті ұшырды. Жерде орбитада қабылдағыш станциялар орнатылды.
Байланыс құралдарының даму кезеңдері
Кеше ----------------- Бүгін
Телеграф ------------ Факс
Телефон ------------- Ұялы телефон
Радио -------------
Теледидар ----------- Плазмалық Жазық (плоский) 3Д
ЭЕМ -------------------- Компьютер
V. Сергіту сәті. Көз жаттығуларын орындау. (Шар және доппен жаттығу )

VI. Жаңа сабақты пысықтау.
Сюжеттік рольдік ойын. Хат жазып, почта арқылы жіберу - сюжеттік рөлдік ойын. Оқушылар досына хат жазады. Хатты конвертке салып сыртын толтырады. Почташы газет, журнал таратуға келгенде оқушыға келген хатты (конвертті) тапсырады. Оқушылар хатты оқып, оған жауап жазады, конвертке салып оны толтырады. Жазылған хатты почта жәшігіне салады. Почташы жәшіктен хаттарды алып почтаға тапсырады.
ПОЧТА
↓
1. Хат
2. Банкомат
3. Ақша аударым
4. Посылка(жіберілім)

Инсерт әдісі

Қорытынды:
- Балалар, біз қандай сюжетті - рөлдік ойын ойнадық?
-«Хат жазып, поштамен жіберу»
- Ұнады ма?
- Ия, ұнады.
- Өте жақсы, балалар! Енді өздерің поштамен хат жіберіп, ондағы қызметкерлермен сөйлесе аламыз ба?
- Ия
- Ендеше, өте жақсы. Сау болыңдар!
Үйге тапсырма. Байланыс жүйесі. Пошта қызметі.

Толық нұсқасын жүктеу
Слайдын жүктеу