Жасанды жарық көздері

Ақтөбе қаласы,
Ақтөбе құрылыс және бизнес колледжі
Арнайы пән оқытушысы Аленова Алтынай Жаулиевна

Жарықтандыру және жарықтандырғыш тораптар» пәнінен өткізілген ашық сабақтың әдістемелік әзірлемесі

Сабақ тақырыбы: Жасанды жарық көздері
Білімділік мақсаты:
"Жарықтандыру және жарықтандырғыш тораптар» пәні бойынша білім - білік дағдыларын қалыптастыру. Жасанды жарық көздері туралы білім алушылардың жалпы түсініктерін қалыптастыру; түрлерімен және құрылысымен таныстыру; олардың қолданылуы, артықшылығы мен кемшілігі туралы білімді қалыптастыру; Білім алушыларға өздерінің жетістіктерін өздеріне талдатып, өздік бағалау әрекеттерін ұйымдастыру.
Тәрбиелік:
Адамгершілік тәрбиесін беру, Қазақстандық, патриотизмге тәрбиелеу, өзара сыйластыққа тәрбиелеу. Еңбекті, мамандықты құрметтеуге тәрбиелеу; экономикалық тәрбие беру. Эстетикалық тәрбие беру; әдептілік ережелерін бойына сіңірген шығармашылық қабілеті мүмкіндігінше дамыған азамат тәрбиелеу
Дамытушылық.
Жеке тұлғалық қабілеттерін дамыту: салыстыра білуге, өз ойларын жеткізе білуге, тақырыптың маңызды тұстарын ажырата білуге; әдебиеттер мен интерактивті ресурстарды тиімді пайдалануға тәрбиелеу.
Күтілетін нәтижелер: Жасанды жарық көздері туралы жалпы түсінік береді, ерекшеліктеріне қарай түрлерін ажырата алады; қыздыру шамдарының құрылысын, жұмыс принциптерін қолданылудағы кемшіліктері мен артықшылықтарын дәлелмен түсіндіре алады. Фронтальды және жеке бақылау, өзара бақылау жүргізу
Алдын ала болуы тиіс білімдер мен дағдылар: Ақ жарықтың жіктелуін, вольфрамның физикалық - химиялық қасиеттерін және қолданылуын; жарықтық шамаларды және олардың өлшем бірліктерін ажырата білуі тиіс. Жарықтандыру электр қондырғыларын, олардың түрлері мен құрылысын, қолдану кернеуін білуі тиіс.
Сабақта қолданылатын әдіс тәсілдер: баяндау, түсіндіру, сұрақ жауап, жалпылама және жеке бақылау, өзара бақылау, слайд көрме, тірек сызба, өз бетімен жұмыс
Сабақта пайдаланылатын инновациялық оқыту технологиялары: АКТ, СТО дамыту.
Сабақтың көрнекіліктері мен интерактивті жабдықтар, бағдарламалар:
интерактивті тақта, компьютер, проектор және шам, патрон, бағалау жетоны.
Қолданылған оқу - материалдары: оқу – әдістемелік құрал. «Жарықтандыру электр қондырғылары», плакат «Жарық көздері және шартты белгілері», интернет - ресурс, дәрістер жиынтығы, сұрақ бетшелері, сұрақтар.

Сабақ барысы:
І. Ұйымдастыру 3 мин

1. Топпен амандасу, сабаққа дайындығын тексеру, журнал бойынша түгендеу.
2. Оқу кабинетінің сабаққа дайындығын тексеру.
3. Топтың зейінін сабаққа аудару.
4. Сабақтың тақырыбын тақтаға жазу және мақсатын хабарлау.

Бүгінгі сабақта білімімізді одан әрі жүйелеп, жаңа біліммен толықтырамыз.
СТО дамыту технологиясының ИНСЕРТ стратегиясы бойынша «НЕНІ БІЛЕМІН? НЕНІ БІЛГІМ КЕЛЕДІ? НЕНІ БІЛДІМ? жоспарымен жұмыс жасаймыз. Сабақ бойына жауап бергендеріңді жетон беру арқылы бағалап отырамын.
Сонымен, нені білесіңдер? Тексереміз.

ІІ. Үй жұмысын тексеру Нені білемін? 7 мин

Үйге қандай тапсырма берілді?
Жалпылама тапсырма (интерактивті тақтаны пайдалана отырып, «Адасқан сөздердің орнын табу» стратегиясы бойынша жаңа сабақты меңгеруге қажетті білім – білік дағдыларын тексеру). Алдарына тапсырма бетшелермен таратылады.
Интерактивті тақтада жылжыту функциясы арқылы орындалады. Тақтаға бірнеше білім алушы шығарылады. Бағаланады.

Үй жұмысын қорытындылау, жаңа сабақ тақырыбына өту
Сонымен, жарықтандыру жүйесінде электр энергиясын жарық энергиясына айналдыратын не екен? Осыны білгіміз келе ме? Нені білгім келеді? жоспары бойынша жаңа сабақты бастаймыз.

ІІІ. Жаңа сабақты түсіндіру 20 мин
Дәріс жоспары
1. Жасанды жарық көздері туралы жалпы мағлұматтар
2. Қыздыру шамдары
3. Газ толтырылған қыздыру шамдары
Сабақ интерактивті тақтада тірек - сызба көмегімен түсіндіріледі. Роwer Point бағдарламасында көрме - слайд түрінде көрсетіледі.
1. Жасанды жарық көздері туралы жалпы мағлұматтар

Жасанды жарық көзі деп қандай да бір энергия түрін оптикалық сәулеленуге түрлендіретін құрылғыны айтады.
Электрлік жарық көзі электр энергиясын жарыққа түрлендіреді. Түрлендіру әдісіне қарай екі топқа бөлінеді.

1 - сурет. Электрлік шамдар: а - қыздыру; б - люминесцентті; в - жоғарғы қысымды сынапты. 1 - цоколь; 2 - аяқшалар; 3 - электрод; 4 - ілмек; 5 - колба; 6 - қыл; 7 - түтік; 8 - резистор; 9 - негізгі электрод; 10 - кварц жанарғы; 12 - люминофор; 13 - шыны түтік.