Физикалық шаршау мен қатты эмоциялық шаршауды тез басу тәсілі

Физикалық шаршау мен қатты эмоциялық шаршауды тез басу тәсілі

Бұл тәсілге жұмыстан шаршау және негізгі бұлшықет топтарын босаңсыту жаттығулары кіреді. Бұлшықеттің қатты шаршауы және одан кейінгі босаңсу бұл жаттығулардың негізгі мінездемесі болып табылады. Босаңсуға байланысты жаттығулардың бөлек орындалуына сәйкес мүшелердің «патологиясы», сүйекті бұлшықетті жүйенің аурулары кері әсер етеді. Психоэмоциялық шаршау және өзін бірқалыпты ұстауға арналған әдісті жеке меңгеру үшін: «Мұз», «Шыбын», «Лимон», «Әуе шары», «Теңіз толқиды», «Алақан»жаттығулар қатарын орындауға болады.

«Шыбын» жаттығуы
Мақсаты: Бет бұлшықеттерінен шаршауды жоғалту.
Ыңғайлы отырып: Көз жұмулы, иық пен басты бос жіберіп, қолыңызды тізеңізге бос қоясыз. Бетіңізге қонғысы кеп жүр деп ойша елестетіп көріңіз: ол кейде мұрныңызға, кейде ерніңізге, кейде маңдайыңызға, кейде көзіңізге қонады. Сіздің тапсырмаңыз: көзіңізді ашып, бұл беймаза жәндікті ұшырып жіберу.

«Лимон» жаттығуы
Мақсаты: Бұлшықет шаршауы мен босаңсу жағдайын басқару.
Ыңғайлы отырып: Көз жұмулы, иық пен басты бос жіберіп, қолыңызды тізеңізге қойыңыз (алақанын жоғары қаратып). Оң қолыңызда лимон бар деп ойша елестетіңіз. Жәйлап қысып бастаңыз, бар шырынын сығып тастағанша қыса түсесіз. Босаңсыңыз. Алған сезіміңізді есте сақтап қалыңыз. Енді лимон сол қолыңызда тұр деп елестетіп, жаттығуды қайталаңыз. Тағы да босаңсып, алған әсеріңізді есте сақтаңыз. Енді жаттығуды 1 уақытта екі қолмен орындаңыз. Босаңсып, тыныштық жағдайымен рахаттаныңыз.

«Мұз» жаттығуы
Мақсаты: Бұлшықет шаршауы мен босаңсу жағдайын басқару.
Тұрыңыз, көзіңізді жұмып, қолыңызды жоғары көтеріңіз. Өзіңізді мұз не балмұздақ деп елестетіңіз. Денеңіздің бар бұлшықетін жинақтаңыз. Осы әсеріңізді есте сақтаңыз. Осы позада 1 - 2 минут қозғалыссыз тұрыңыз. Енді күннің жылуына сіз жаймен еріп барамын деп елестетіңіз. Жаймен қолыңыздың буындарын, сосын иық бұлшықеттерін, мойыныңызды, денеңізді, аяғыңызды босаңсытыңыз. Босаңсу жағдайынан алған әсеріңізді есте сақтап қалыңыз. Жаттығуды психоэмоциялық жағдайыңыз артқанша орындай беріңіз. Бұл жаттығуды еденде жатып орындауға болады.

«Әуе шары» жаттығуы
Мақсаты: Бұлшықет шаршауы мен босасу жағдайын басқару.
Тұрыңыз, көзіңізді жұмып, қолыңызды көтеріп, ішіңізге ауа тартыңыз. Өзіңізді үлкен әуе шары, (ауаға толған) деп елестетіңіз. Денеңіздің бұлшықеттерін жинақтап осы позада 1 - 2 минут тұрыңыз, содан соң шарда кішкене тесік пайда болды деп елестетіңіз. Жаймен ауаны жібере бастаңыз сонымен бірге дене бұлшықеттерін, қолдың буындарын, мойын, дене, аяқ және т. б. босаңсыта бересіз. Алған әсеріңізді жаттап қалыңыз. Жаттығуды психоэмоциялық жағдайыңыз артқанша қайталай беріңіз.

«Теңіз толқиды» жаттығуы
Мақсаты: эмоциялық шаршауды басу.
Қолдануға кеңес: Сіз бәріңіз теңізсіздер. Біз таңдаған жүргізуші команда беріп тұрады, біз соны орындауымыз керек.
Жүргізуші сөзі: Теңіз толқиды бір, Теңіз толқиды екі, Теңіз толқиды үш
Қорқақ бейне орныңда тұр! Егер біреу осыдан кейін қозғалып қойса, сол ойыннан шығады.
Комментарий: бейнелер әр түрлі болуы мүмкін: сенімді, жалқау, әдемі, батыл, көңілді, ойлы және т. б.

«Алақан» жаттығуы
Мақсаты: Эмоциялық босаңсу және жақындасу
Қолдануға кеңес: Қағаз бетіне қолыңызды бастырыңыз, әр саусақ ішіне өзіңіздің өзіңізге ұнайтын қасиеттеріңізді жазыңыз. Сосын қағазды отырғандарға жағалату. Ал әр қатысушы осы адамның өзі бағалайтын қасиетін алақан орнына жазу. Өзіндік сезіну. Комментарий: Музыкалық қолдауды пайдалануға болады.

Егерде қатты жүйке жүйеңіз шаршап жүрсе сіз 20 - 30 рет отырып - тұру, әлде 15 - 20 орнында секіру жаттығуларын орындауыңызға болады. Бұл тәсіл спортшылар, әншілер арасында белгілі бір жарысқа шығарда жүйке жүйесі шаршауын басуға кеңінен қолданылады.