Бақытты балалық шақ /әдеби - музыкалық монтаж/

Бақытты балалық шақ /Әдеби - музыкалық монтаж/

Бәрі: Ән «Біз өмірдің гүліміз»

№ 1 Армысың ән ордасы қалықтаған,
Тыңдаған көрермені жалықпаған.
Бақытты балдырғандар біз боламыз,
Ата - ана арқасында шарықтаған.

№2 Жақсының ізіменен гүл өнеді,
Көңіл - күйсіз айнала түнереді.
Тәрбиеші апайлар арқасында,
Самғайды жас дәуірдің өрендері.

№3 Балалық шақ көңілді,
Сүйемін шаттық өмірді.
Бақытты менің бал шағым,
Мерекем бүгін киелі.

№4 Балалардың базары,
Тәрбиеші назары.
Балабақшам «Ақбота»
Ауыл көркі, ажары.

№5 Біз бақшаға барамыз,
Ойнаймыз, ән саламыз.
Тәрбиеші апайдан,
Білім нәрін аламыз.

№6 Бір шаңырақ астында,
Тату - тәтті тұрамыз.
Бірге ішеміз асты да,
Бірге сайран құрамыз.

№7 Алақай – ау, алақай,
Той тойлайық, балақай.
Қызарғанша алақан,
Қол соғайық, балақай.

№8 Жасыл көктем, сен көктем,
Келді гүлмен, өрнекпен.
Ел бақытты мерейлі,
Балалары әндеткен.
№9 Гүлмен келсін келер күн,
Бала бағы бар елдің.
Балалардың күлкісі,
Көркі, сәні әлемнің!

№10 Ән көмейден құйылды,
Мереке де бүгінгі.
Біздерменен дүние,
Көрікті де көңілді.

№11 Бүгін қызық, бүгін той,
Біздер үшін біліп қой.
Ән де салып, би билеп,
Жалғассын бұл ұлы той.

№12 Сары, ақпыз, қарамыз,
Бәріміз де баламыз.
Бір ауылда тұрамыз,
Бір бақшаға барамыз.

№13 Қандай ғажап, қандай көркем,
Қазақстан - туған өлкем.
Осынау байтақ ұлы өлкеде,
Достығымыз жайған өркен.

№14 Құтты болсын мереке,
Арта берсін береке.
Ата - анамыз аман боп,
Жетейік тек жеңіске.

№15 Бақытты біз баламыз,
Шырқап әнге саламыз.
Мерекені біз тойлап,
Мәз - мейрам боп қаламыз.

№16 Ата - анамыз аман болсын,
Бейбітшілік заман болсын.
Күннен - күнге көркейіп,
Ел - жұртымыз аман болсын!

Бәрі: Мереке құтты болсын!

Ән «Бақытты балалық шақ»

«Қош бол, балабақшам!» / Балабақшамен қоштасу ертеңгілігі/

Жүргізуші: Қош келдіңіздер құрметті меймандар,
Бізбен бірге қоштасуды тойлаңдар.
Гүлдей жайнап өскен балабақшада,
Енді оларды есейді деп ойлаңдар.