Жас Астрономның тапсырмалары

Маңғыстау облысы, Түпқараған ауданы,
Баутин ауылы «Ақбота» балабақшасының тәрбиешісі
Басжанова Рзахан Калдыбаевна

Білім беру саласы: Қатынас. Таным. Шығармашылық.
Ұйымдастырылған оқу іс - әрекеттері: Тіл дамыту, қоршаған орта, математика, көркем әдебиет, құрастыру.
Тақырыбы: «Жас Астрономның тапсырмалары».
Мақсаты: Балаларға жыл бойына үйренген оқу іс - әрекеттер білімдерін тиянақтау, сөздік қорын дамыту, ойлау, көру жүйесі арқылы қабылдау қабілеттерін дамыта отырып, ауыз екі сөйлеуге баулу. Тіл мәдениетін жетілдіру. Балаларға мемлекеттік тілге құрмет, сыйластық сезімін білдіруге қызығушылықтарын арттыру.
Сабақ барысы:
Шаттық шеңбері:
Сәлем бердік, Алтын Күн! Сәлем бердік, көк аспан! Сәлем бердік, Жер Ана! Сәлем бердік, баршаңа!
Тәрбиеші:
- Балалар қазір жылдың қай мезгілі?
Балалар: Қазір жылдың күз мезгілі.
Тәрбиеші: Күз мезгілі неше айдан тұрады?
Балалар: Күз мезгілі үш айдан тұрады. Қыркүйек, қазан, қараша. (есік қағылады)
Жас астроном: Сәлеметсіңдер ме, балалар!
Балалар: Сәлеметсіз бе!
Тәрбиеші: Сіз кім боласыз?
Жас астроном: Мен астроном болғым келеді. Мен ғарышқа ұшып, ғарышты зерттегім келеді. Бірақ ғалымдар рұқсат етпей жатыр. Маған тапсырмалар берді, егерде мен сол тапсырмаларды орындасам, ай әлеміне рұқсат етеді. Балалар, маған көмектесесіңдер ме?
Тәрбиеші: Балалар Жас астрономға көмектесеміз бе?
Балалар: Ия, көмектесеміз.

Тәрбиеші: Ендеше, 1 - тапсырмасы тіл дамыту іс - әрекеті бойынша екен.
Сұрақ:- Біз қай республикада тұрамыз?
Балалар: Қазақстан Республикасында.
Тәрбиеші:
- Қазақстан Республикасының елбасы кім?
Балалар:
Қазақстан Республикасының елбасы Назарбаев Нұрсұлтан Әбішұлы.
Тәрбиеші:
- Қазақстан Республикасының рәміздерін ата?
Балалар:
- Ту, елтаңба, әнұран.

Тәрбиеші: 2 - тапсырма. Математикадан.
Сұрақ: 1 - ден 5 - ке дейін тура және кері санау. Санамақтар.
Балалар: 1, 2, 3, 4, 5. 5, 4, 3, 2, 1. Санамақтар айтады.
Тәрбиеші: Сұрақ: - Апта күндерін ата?
Балалар: Апта 7 күннен тұрады. Дүйсенбі, сейсенбі, сәрсенбі, бейсенбі, жұма, сенбі, жексенбі.
Тәрбиеші: Тәулік бөліктерін ата.
- Таңғы асты таңертең, ал кешкі асты... ішеміз. (кеште)
- Түнде ұйықтаймыз, ал... жаттығу жасаймыз. (таңертең).
- Күндіз күн шығады, ал... Ай шығады. (түнде).
- Кешкі асты кешке, ал түскі асты... ішеміз. (күндіз).
Тәрбиеші: Балалар, енді орындарымыздан тұрып бойымызды сергітіп алайық.
Сергіту сәті: Күн ұйықтайды, күн оянады,
Жел соғады, жел қатты - қатты соғады.
Найзағай шатырлайды,
Жаңбыр жауды, жаңбыр басылды,
Күн ашылды. (2 рет қайталайды).

Тәрбиеші: 3 - тапсырма: Қоршаған орта, экология.
Тәрбиеші: Сұрақ: - Жанды табиғат және жансыз табиғат дегеніміз не және оларға нелер жатады?
Балалар: Жанды табиғатқа; адамдар, жануарлар, өсімдіктер жатады.
Жансыз табиғатқа; су, тас, тау, құм. т. б.
Тәрбиеші: Сұрақ: Жыл мезгілдерін ата.
Балалар: Қыс, көктем, жаз, күз.

Тәрбиеші: 4 - тапсырма: Қандай ертегі түрлерін білесіңдер, және бір ертегі желісін сомдап беріңдер.
Балалар: «Бауырсақ», «Шалқан», «Үш аю», «Жыл басына таласқан хайуанаттар»,«Жеті лақ», т. б.
«Жыл басына таласқан хайуанаттар» ертегісін сомдайды.

Тәрбиеші: 5 - тапсырма: Құрастыру.
Тәрбиеші: Сұрақ: Пішіндерден үйшік, арба, үй, шырша, зымыран құрастыр.
Балалар: Пішіндерден үйшік, арба, үй, шырша, зымыран құрастырады.
Жас астроном: Өте жақсы, жарайсыңдар сендер өте білімді, ақылды, талантты балалар екенсіңдер. Мен сендерге ризамын. Енді мен жүрейін сау болыңдар!
Тәрбиеші: Жас астроном жолыңыз болсын. Сау болыңыз!
Балалар: Сау болыңыз!
Тәрбиеші: оқу іс - әрекетін қорытындылайды. Балаларды мадақтайды.