Достық ел мақтанышы

Маңғыстау облысы, Қарақия ауданы,
Құрық ауылының балабақша тәрбиешісі
Амирова Нургуль Ануарбековна

Ересектер тобына ұйымдастырылған оқу іс - әрекетінің технологиялық картасы.
Білім беру саласы: Шығармашылық. Қатынас, Әлеуметтік орта.
Ұйымдастырылған оқу іс - әрекет түрі: Тіл дамыту, Қоршаған ортамен таныстыру, жапсыру.
Тақырыбы: Достық ел мақтанышы
Мақсаты: Балалардың жыл мезгілдері туралы білімдерін тиянақтау, танымдық құзіреттілігін арттыру, сөздік қорларын молайту, татулыққа, достыққа тәрбиелеу, шығармашылық қабілетін дамыту.
Міндеті: Сөздік қорын молайту, есте сақтау, ойлау қабілетін дамыту.
Көрнекілік: Қазақстан Республикасының рәміздері, ұлт өкілдері, жыл мезгілдері, үлестірмелі суреттер.
Белингвизм: Көктем, жаз, күз, қыс, достық, шар, Әнұран, Туу, Елтаңба.
Қажетті зат: Желім, қайшы, түрлі - түсті қағаз, альбом.

Тәрбиешінің іс - әрекеті
Шаттық шеңберге балаларды шақырады.
Армысың қайырымды Аспан ата!
Армысың шұғылалы Алтын күн!
Армысың мейірімді жер ана!
Жыл мезгілдерін, айларын көктем мерекелерін сұрайды.
Біздің Отанымыз қалай аталады?
Елбасымыз кім? ҚР - ның рәміздері қандай?
Ұлтымыз кім?
Балалардың назарын көрнекілікке аударып, 1 - мамыр мерекесін әңгімелейді.
1 - мамыр қазақ халықтарының бірлік мерекесі. Біз көп ұлтты мемлекетпіз.
Мысалы: өзбек, орыс, азербайжан, татар, ұйғыр, украин. Кең байтақ Қазақстанда 120 - дан астам ұлт өкілдері тұрады. Біздің елімізде тату, дос болып өмір сүреді. Татулықсыз, достықсыз жақсы іс алға баспайды. Ендеше достық, бірлік туралы білетін тақпақтарын айтуды ұсынады.

Қазақ атам айтқандай кең болсаң, кем болмайсың дегендей халқымыздың кеңпейілділігінен, кеңдігінен, басқа ұлт өкілдері бізді елімізде тұрып жатыр екен.
Бірлік, достық, ынтымақтастық, туралы мақал - мәтел сұрайды

Сергіту сәтін ұйымдастырады.
Біз кішкентай баламыз,
Өсіп - өніп толамыз.
Күнге қарай талпынып,
Көкке қанат қағамыз.
Әлемдегі бар адамға,
Жақсылық біз тілейміз.

Ойын тапсырма: Шар жапсырамыз!
Тапсырмасын орындауды айтады.

Жаңа сөздермен таныстырады.