Күзгі жапырақтар

Күзгі жапырақтар
Білім беру саласы:«Шығармашылық»
Ұйымдастырылған оқу іс-әрекеті: «Жапсыру»
Мақсаты: Балаларға күз мезгілі туралы айту, күз мезгілінде ағаштардың жапырақтары неліктен сарғаятыны жайлы айту. Балалардың ой-өрісін дамыту. Ұқыптылыққа тәрбиелеу.
Көрнекілігі: жапырақтар, шарлар, желім қағаздар.
Әдісі: Сұрақ-жауап, түсіндіру, көрсету, ойындар.

Шаттық шеңбері:
Армысың асыл күн!
Армысың асыл досым!
Жылуыңа – жылу қос,
Міне менің қолым!!!

Сабақтың барысы:
Балалар, бүгінгі сабаққа көңіл күйлерін қалай?
- Сендер бала-бақшаға келгенде ауа-райы қандай болды?
- Балалар қазір жылдың қай мезгілі?
Жақсы балалар ендеше біз сабағымызды бастайық.
Музыкалық әуен ойналады.
Қолында түрлі түсті шарлары бар сайқымазақ кіріп келеді.
- Балалар бізге қонаққа кім келді?
- Сайқымазақ.
- Дұрыс айтасыңдар балалар бүгін біздің сабағымызға сайқымазақ келіпті.Сайқымазақ бізге өзінің тапсырмаларын алып келіпті.
Сайқымазақтың тапсырмаларын орындаймыз ба?
Сары жапырақтар жауғанда
Күзде жауын бұлт, тұман
Сары жапырақ жауады
Сары құйын ұйытқан
Сапырады ауаны
Тапталады табанға
Судыр-судыр жапырақ
Өрттей сары бояуға
Малынғандай атырап.
- Балалар тақтадағы суретке қараңдаршы, не көріп тұрсыңдар?
Күз мезгілінде қандай табиғи өзгерістер болады екен?
- Күн суытады,ағаштың жапырақтары сарғаяды, жазда өсірілген гүлдер күз мезгілінде қурап сарғаяды.
Түрлі жәндіктер жерге тығылады олардың бірі көбелек.
Ендеше балалар, біз осы күзгі көптеген сары, қызыл жапырақтардан көбелек жасап көрейік.
- Көбелек жасау үшін тақтадағы үлгіге қараймыз.
- Алдарымызда тұрған желімізді жапыраққа жағып, ақ қағазға бетіне көбелек жасай отырып жабыстырамыз.
- Балалар желімен жұмыс жасағанда ұқыпты боламыз, үстімізге стол үстіне жақпаймыз.
Сергіту сәті: Тербеледі ағаштар
Алдымнан жел еседі
Кіп-кішкентай ағаштар
Үлкен болып өседі.
- Балалар сендердің жұмыстарыңды көріп,сайқымазақ қуанып отыр.
Сайқымазаққа көбелектер ұнады.
Енді ол сендермен бір ойын ойнағысы келеді.
Ойын: «Жапырақтар жинау».
Ойынның барысы: Балалар музыкалық әуенмен жерге шашылған жапырақтарды жинаулары қажет.
Ойын: «Шарларды жару».
Ойынның барысы: Балалар сайқымазақ әкелген шарларды бір-бірлеп жарады. Оның ішіндегі тапсырмаларды орындайды.

Айсауле: Алтын сары қызыл көк
Алуан-алуан жапырақ
Күзгі бақта күлімдеп
Көз тартады атырап.

Ажар: Күн шуаққа маужырап
Жатыр еді атырап
Ағаштардан жапырлап
Ұшты кенет жапырақ

Чингиз: Ұшты таудан жапырақ
Сары көбелек секілді
Аспанда жәй шатырлап
Тамшы жерге секірді.

Ералхан: О,алақай, тамаша
Шашу шашады жапырақ
Бақтың іші алаша
Аунар ма еді жатып ап!
Сайқымазақ:
- Міне керемет, өте жақсы! Тапсырмаларымды жақсы орындадыңдар балалар. Мен сендерге өте ризамын, қандай білімді балаларсыңдар деп өзінің тәттілерін балаларға үлестіреді де балалармен қоштасып шығып кетеді.
Қорытынды: Балалар сендер бүгінгі сабаққа жақсы қатысыңдар, сұрақтарға жауап бердіңдер, жапырақтар мен көбелектерді жақсы жасадыңдар, сол үшін мен сендерге жұлдызшалар таратқым келеді.
Балалардың жасаған жұмыстар бойынша көрме ұйымдастыру.
- Балалар, біздің оқу қызметімізге келген апайларға рахмет айтып, сау болыңыздар дейміз.

Атырау қаласы,
КМҚК №29 «Нұрсая» бөбекжай балабақшасы
Джумагазиева Алтыншаш
Ортаңғы топ тәрбиешісі