Қақпа құрастыру

Ұйымдастырылған оқу іс әрекетінің технологиялық картасы
Білімдік аймағы: Таным
Бөлімі: Құрастыру сабағы

Тақырыбы: Қақпа құрастыру
Мақсаты: Б. м: балаларды құрылыс материалдарының негізгі түрлерімен
таныстыру және қарапайым құрастыру іскерліктерін дамыту. Д. м: Ойлау қабілетін дамыту арқылы қақпа құрастыра білуге үйрету. Т. м: Балаларды
ұйымшылдыққа, бірлесіп еңбек нәтиежесіне жетуге тәрбиелеу.

Сөздік жұмысы: қақпа
Қостілдік компонент: қақпа – ворота, қақпадан кіру - въехать в ворота Керекті құралдар: Әр балаға жеткілікті мөлшерде құрылыс материалдары, кубиктер таратылады

Мотивацияқ оятушылық. Тәрбиешінің әрекеті. Бала әрекеті
Шаттық №27
Бақшамызға барғанда
Жолыққан бар жандарға.
Ертемен ақ пейілмен,
«Қайырлы таң» деймін мен
Балалар шеңберге тұрып бір – біріне жылы лебіздерін білдіреді

Ұйымдастырушылық - ізденушілік
1) Қақпа туралы түсіндіріліп, суреті көрсетіледі.
Балалардың серуенде жүргенде қақпа көргендерін естеріне түсіреді. Олар өте үлкен. Қақпадан балалар, үлкендер, тіпті машиналар аулаға кіре алатынын айтады.
- Қазір сендер қандай қақпа тұрғызасыңдар, оны кубиктерден құрастыру.
- Алдымен кубикті кубикке қою қажет. Жоғары жағына кірпіш қоямыз. Міне, әдемі биік қақпа құрастырдық.
- Енді сендер де осындай биік қақпа құрастырып көріңдер. Тек түзу қою керек, әйтпесе әдемі қақпа болмайды, тіпті ол сынып қалуы мүмкін.
(Машина өтетін қақпа құрастыру )

2) Тәрбиеші үш үлкен кірпішті алып, жеке - жеке балаларға көрсетіп, жауап алады. Кірпіштің пішіні мен түсін сұрайды. Ойыншық машинаны көрсетіп, осы машина өтетіндей қақпа жасау керегін айтады.
Балалар құрастырып болған соң, ойнатуға және өздеріне ұнайтын құрылыспен толықтыруға болады.

3) Жұмыс барысы түсіндіріледі:
Екі кірпішті тігінен қойып, үстін үшінші кірпішпен жабады. Міне, қақпа даяр болды. Осы қақпадан ойыншық машинаны ары - бері бірнеше рет өткізеді. Тәрбиеші үлгісінен соң, балардың өздері сондай қақпа жасап, одан машинаны өткізіп ойнауға ынтасы артады. Балаларға көмек беруге асықпау қажет.

4) «Қақпа құрастыру» ойыны Балаларға, жеке жұмысқа, дидактикалық материалдар мен ойыншық машиналар таратылады.

5) Қорытынды: Бірнеше рет өздері қойып, үлгіні қарап, соңында қақпаны жасап шығады. Қиналған кейбір балаларға тәрбиеші өзі көмектеседі.
Егер балалар машинамен кішкене құрылыс материалдарын тасып ойнауға ынта білдірсе тәрбиеші оны толықтырады. Негізінен балалар ойынды толық меңгергенше жүргізген дұрыс
Өз беттерімен жұмыс істейді. Қақпаны бұзбай ойнауы қадағаланады.
Рефлекивтік - түзетушілік
Ұйымдастырылған оқу іс – әрекетін қорытындылау
Жақсы қатысқан балалар мадақталады
Күтілетін нәтиже:
Нені білуі керек: Құрылыс материалдарымен жұмыс істеуді білуі керек
Нені игереді: Кубикті, кірпішті қақпа пішінде орналастыруды меңгерді
Нені біледі: Ұйымшылдықпен жұмыс істей алады