Жыл басына таласқан хайуанаттар

Ұйымдастырылған оқу іс - әрекетінің тақырыбы: Жыл басына таласқан хайуанаттар Ұйымдастырылған оқу іс - әрекетінің мақсаты:
Ұйымдастырылған оқу іс - әрекетінің түрі: жаңа сабақты меңгерту.
Әдісі: Түсіндіру, сұрақ - жауап, топтық жұмыс. Көрнекілігі: жабайы жануарлар бейнеленген суреттер. Интерактивті тақта, ертегі кейіпкерлері
Ұйымдастырылған оқу іс - әрекетінің барысы: I. Ұйымдастыру кезеңі: Балалармен амандасу, түгендеу, зейіндерін жаңа өтілетін ұйымдастырылған оқу іс - әрекетіне аудару

II. Психологиялық дайындық.
Әрбір адам - туысым, досым, жұрағат,
Әрбір сабақ - үйрену, ұғу, ұлағат.
Әрбір ісім - тіршілік, тірек, адамдық,
Әрбір сөзім - шындық, бірлік, адалдық.- Балалар, біздің бүгінгі ұйымдастырылған оқу іс - әрекетіміз қалай өтсін деп ойлайсыңдар?
- Көңілді өтсін, Сәттілік тілейміз!

Қызықтыру сәті: Әуенмен Ер Төстік келеді. Мұңайып, көңілі жабырқап тұрады.
Ер Төстік: Сәлеметсіңдер ме балалар? Балалар амандасады.
Тәрбиеші: Бұл балалар Ер Төстік ертегісіндегі Ер Төстік батыр емес пе, ол мұнда не мақсатпен келді екен сұрайық?
Ер Төстік: Балалар мен сендерден көмек сұрағалы келдім, менің 8 ағам бар, ал мен 9 - шы, яғни ең кенжесімін. Осы ағаларымды Тау шатқалында мекен ететін Тасбол деген жауыз сиқыршы сиқырлап қойыпты, енді не істерімді білмей тұрмын, қайтсем ағаларымды құтқарамын балалар?
Осы кезде экраннан таудың суреті көрінеді де, дыбыс шығады.
Тасбол:- Мен сиқыршы Тасболмын. Ер Төстік мен сенің ағаларыңды тасқа айналдырып жібердім. Енді сен жалғыз қалдың. Мен сені көріп тұрмын. Сен балалардан көмек сұрап жүр екенсің ғой? Тапсырмаңды одан сайын қиындатайын. Ха - ха - ха
Тәрбиеші: Балалар енді не істедік, Ер Төстіктің ағаларын Тасболдың сиқырынан құтқарамыз ба?
Ендеше балалар Тасбол Ер Төстікке қандай тапсырма беріп жіберді екен сұрайық.

1 - тапсырма: «Жаңа сабақ» Жыл басына таласқан хайуанаттар ертегісін тамашалау (ролик арқылы)
Сұрақ - жауап арқылы ертегі талданады. Не түсінгендері сұралады.
2 - тапсырма: «кім тапқыр» ойыны. Венн диаграммасы арқылы үй жануарлары мен дала жануарларын ажырату.
3 - тапсырма: Қуыршақ театры. Ертегіні сахналау
4 - тапсырма: өлең жаттау
Тышқан, сиыр, барыс, қоян
Ұлу, жылан, жылқы, қой
Мешін, тауық, ит, доңыз
Санап жаттап біліп қой
Жыл санауды қайталау

Жаңа жыл яғни ұлу жылының жетістіктеріне тоқталу.
Еліміздің әлем жұртшылығы алдындағы абыройының асқақ екенін, тағы бір дәлелдеген сәт, күні кеше Франция жерінде өткен Халықаралық көрмелер бюросы Бас ассамблеясының 152 - ші сессиясы барысында қазақ халқының мәртебесін көкке жеткізген EXPO халықаралық көрмесі 2017 жылы Еуразия жүрегі Астана қаласында өтетіндігі мәлім болғаны баршамызға аян. Халықаралық көрме өткізуге ниет білдірген 6 мемлекет ішінен іріктеліп алынған. Сол көрмеге жақсы оқып, білімімізбен өз үлесімізді қосайық дегім келеді.

Тасбол: Балалар сендер менің сұрағыма мүдірмей дұрыс жауап бердіңдер Ер Төстікке де көмектесіп өз білімдеріңді көрсеттіңдер, енді Ер Төстік ағаларыңды босаттым, қарсы ал.
Ер Төстік: балалар сендерге көп - көп рахмет, сендер болмасаңдар не істер едім, міне бауырларымды Тасболдың сиқырынан босап шықты, сендерге көп - көп рахмет.
Ұйымдастырылған оқу іс - әрекетін бағалау:
2013 жылан жылында биіктен көрініңдер деп қуанышты хабарлама таратамын