Жазбаша қосу және азайту

Сабақтың тақырыбы: Жазбаша қосу және азайту

Сабақтың мақсаты: Жазбаша қосу және азайту амалдарын қолдана отырып, математикалық білім - білік дағдыларын жетілдіру. Оқушы ойының математикалық сапаларын, өздігінен жұмыс істеу қабілетін дамыту.
Білімділік: Жазбаша қосу және азайту амалдарын қолдана отырып, баған түрінде оқушылардың алған білімдерін, пысықтау. Есептерді шығару дағдыларын жетілдіру.
Дамытушылық: Оқушылардың логикалық ойлау, танымдық қабілеттерін арттыру, шығармашылықпен жұмыс істей білу
дағдысын қалыптастыру.
Тәрбиелік: Ұйымшылдыққа, жылдамдыққа, қазақтың салт - дәстүрлерін құрметтеуге үйрету, Отанға, туған елге деген сүйіспеншілігін арттыру.
Сабақ типі: Білімді бекіту, бір жүйеге келтіру.
Сабақтың түрі: жарыс сабақ.
Сабақтың әдісі: түсіндіру,
Сұрақ - жауап, көрнекілікпен жұмыс, іздену, қайталау, кіріктіру, топтық жұмыс.
Құрал - жабдықтар: Интерактивті тақта, слаидтар, дидактикалық үлестірмелер.
Пәнаралық байланыс: әдебиет оқу, қазақ тілі, дене шынықтыру.

Сабақтың барысы:
1. Ұйымдастыру кезеңі:
Сынып тазалығына қарау.
Оқушылардың назарын сабаққа аудару
- Балалар, бүгінгі сабағымыз күнделікті сабағымыздан өзгеше, ерекше сабақ. Сабағымызға қонақтар келіп отыр.
Қонақтармен сәлемдесіп алайық.
Жақсы оқып сабақты
Әдеп сақтау сәніміз
Сәлем бердік сіздерге
Басты иіп бәріміз.
Оқушылар: Үлкенге де сіз,
Кішіге де сіз
Баршаңызға иіліп, сәлем бердік біз!
Қазір сендер менің қолымдағы төртбұрыш, үшбұрыштарды алыңдар.
Екі топқа бөлінеміз
Балалар биыл қазақша жыл санауы бойынша қандай жыл.
Жылқы, дұрыс.
Ендеше топтарыңның аттары: Сұңқар және Құлагер болсын.
Ал біз өзіміздің білімімізді көрсетейік, келген қонақтарымызға,
Тәртібімізді де.
Есептеуге жүйрік болсаң жасыңнан
Математикаға орын берсең басыңнан
Барлық ғылым соған үйір болады
Досың солар табылатын қасыңнан.