Етістік

Қазақ тілі 3 сынып
Сабақтың тақырыбы: Етістік
Сабақтың түрі: Аралас сабақ
Сабақтың мақсаты: Етістік туралы білімдерін одан әрі дамыту.
1. Білімділік міндеті: Етістіктің зат есіммен байланысын меңгерту, сұрақ қоя білуге, сызба арқылы көрсетуге үйрету. Етістіктерді құрастырып, сөйлемдерді құратуға баулу.
2. Дамытушылық міндеті: Байланыстырып сөйлеу, дұрыс жазу дағдысын, ойлау жүйесін жетілдіру.
3, Тәрбиелік міндеті: Қатесіз, ұқыпты жазуға, сауаттылыққа баулу.
Оқыту жабдықтары: оқулық, плакат, суреттер.
Оқыту әдісі: сөздік әдісі, көрнекілік әдісі, өз бетімен жұмыс, сәйкестендіру сауалнамасы, «Оқу мен жазу арқылы ойлауды сын тұрғысынан дамыту» бағдарламасының «ВЕН» диаграммасы, «Бес жол өлең» стратегиясы.

Сабақтың жүрісі:
I. Ұйымдастыру.

II. 2. Өткен сабақты қайталау.
1. а) Балалар, қандай сөз таптарын білеміз?
ә) Балалар, өткен сабақта біз қандай сөз табын өттік? (Етістік)
(ереже сұрау).
б) Сурет бойынша жұмыс.
Сурет бойынша сөйлемдер құрастыру.
Қай сөз не істеді? сұрағына жауап беріп, етістік болып тұр.
Нұргүл кітап оқыды. Нұржан жаттығу жасады. Ербол қолын жуды.
в) Балалар, бүгін біз етістік тақырыбына жаттығу жұмысын жүргіземіз.

2. Төрт түлік мал туралы әңгімелеу.
а) Балалар, төрт түлік малға нелер жатады? (сиыр, қой, ешкі, жылқы, түйе.)
ә) Төрт түлік малдың пайдасы туралы айту.
б) Төлдерін атау.
Ешкінің төлі не? (лақ )
Қойдың төлі – қозы.
Сиырдың төлі - бұзау.
Түйенің төлі – бота.
Жылқының төлі - құлын.

в) Мына малдардың қайсысы қалай төлдейді. Етістіктердің астын сыз. Олардың қай сөзбен байланысып тұрғанын айт.
Жылқы құлындайды.
Сиыр бұзаулайды.
Түйе боталайды.
Ешкі лақтайды.
Қой қоздайды.
г) «Төрт түлік мал» тақырыбына шағын әңгіме жазу.

3. «Бес жол өлең» стратегиясы.
1. Зат есім. Жылқы.
2. Сын есім. Жүйрік, шабан.
3. Етістік. Қоректенеді, төлдейді, жүгіреді.
4. Сөйлем. Жылқы - пайдасы мол жануар.