Тура және тура емес теңдіктер

Сабақ жоспары
Математика 1 сынып
Тақырыбы: Тура және тура емес теңдіктер
Мақсаты: Тура және тура емес теңдіктер туралы білімдерін қалыптастыру, логикалық ойлау және салыстыру қабілетін дамыту.
Түрі: жаңа сабақ
Әдісі: түсіндіру, сұрақ - жауап, топтық жұмыс, дәптермен жұмыс.
Көрнекілігі: карточкалар

Сабақтың барысы:
І. Ұйымдастыру кезеңі
1) Сәлемдесу
2) Оқушыларды түгендеу
3) Оқушылардың назарын сабаққа аудару

ІІ. Үй тапсырмасын тексеру
Теңдік, теңдеу, теңсіздіктің ережелерін сұрау

ІІІ. Жаңа сабақты түсіндіру
- Бүгінгі сабақта балалар біз тура және тура емес теңдіктермен танысамыз.
Ереже:
Өрнектерді салыстыру нәтижесін теңдік түрінде жазуға болады.
Тура және тура емес теңдіктер болады. Мысалы,
5 – 3 = 4 – 2 – бұл тура теңдік; 6 + 4 = 2 + 7 – бұл тура емес теңдік.
Тура және тура емес теңдіктердің айырмашылығын түсіндіру.
1 - Тапсырма. Суреттерге қарап теңдіктерді салыстыру.
Саябақта
Әр топта неше бала бар? Санды өрнектерді салыстыр.
Тура және тура емес теңдіктерді ата.
а) 1+4<3+4
ә) 5 - 2<7 - 3
б) 5 - 3=7 - 5
Шығарып көр
Балалардың жұмысын тексер. Сен неше тура емес теңдік таптың?
Қателерін түзе.
19 - 11=18 - 10
90 - 30=80 - 20
15 - 3=16 - 4
10+4=18 - 4
Орындап көр
Сары түсті жолдың ұзындығын табу үшін санды өрнек құрастыр. Көк түсті жолдың ұзындығын табу үшін санды өрнек құрастыр. Жолдардың ұзындығын салыстыр. Не шықты: теңдік пе? Әлде теңсіздік пе?
20+20+20+20 < 30+30+30 – теңсіздік.
Ойлан
Есептемей - ақ салыстыр.
Берілген санды өрнектерді қандай тәсілмен салыстыруға болады?
1+2+3 < 1+2+4
10+20+40 < 10+20+50

IV. Сергіту сәті. «Бала, бала, балақан»
V. Топтық жұмыс. Карточкалар
VI. Дәптермен жұмыс.
VII. Қорытынды.
- Тура теңдік дегеніміз не?
- Тура емес теңдік дегеніміз не?
VIII. Үйге тапсырма. Дәптермен жұмыс 26 - жұмыс парағы.

Тура және тура емес теңдіктер. жүктеу