Кім күшті, епті?

Тақырыбы: Кім күшті, епті?
Мақсаты: Салауатты өмір салтын ұстануға баулу.
Спортқа деген қызығушылығын арттыру.
Міндеті: Әр түрлі спорттық ойын түрлерімен танысу, тәсілдерін меңгеру.
Балалардың икемділігі мен ептіліктерін, мергендік пен шапшаңдылық қабілеттерін дамыту.
Түрі: Эстафеталық ойын.
Өтілетін орны: Спорт алаңы.
Көрнекілігі: түрлі түсті шарлар, доптар, кедергілер, жалаушалар, конустар, ысқырық, уақыт өлшеуіш.
Құрметті ата аналар мен балалар, бүгінгі «Спорт өмір көркі»сайысына қош келдіңіздер!
Көңілді жарысқа 2 топтың яғни, «Аққу»және «Гүлдер» тобының балалары қатысады. Жарысқа қатысушыларды ортаға шақырамыз.

Ұстанған салауатты өмір салтын,
Жасқанып, ешқашанда мойымайтын,
Болашақ спортшылар келді ортаға
Қол соғып қарсы алайық, қане, халқым!

- Сайысты бастамас бұрын, сайысымызға әділ баға беретін әділ - қазылар алқасымен танысайық. Әр кезең сайын әділ - қазылар өз бағасын береді.
- Спорттық сайысымыз 5 балдық жүйемен бағаланады.

Салауатты өмір салтын сақтаңыз,
Жаттығудан ешқашан да қашпаңыз.
Бала бақша балалары
Парасатты, айбынды,
Болыңыз сіз сегіз қырлы, бір қырлы.

Топпен танысу
-«Аққу» тобын ортаға шақырамыз
Топтың ұраны: Спортпен достас, жалқаулық пен қоштас.
-«Гүлдер» тобын ортаға шақырамыз
Топтың ұраны: Бәріміз біріміз үшін, біріміз бәріміз үшін.
- Жарайсыңдар балалар, олай болса жарысымызды бастамас бұрын денемізді қыздырайық, сендерді ортаға дене қыздыру жаттығуына шақырамын.
- Құрметті сайыскерлер! Сіздерге сәт сапар! Сайысымызды бастаймыз.
1. Кезең. «Қос аяқпен секіру»
Шарты: Қос аяқпен берілген бес шеңбер ішіне секіріп, белгіленген конусты айналып, кері қарай тап солай тапсырманы орындау. Эстафетаны келесі ойыншыға беру, ойынды бірінші болып бітірген топ жеңімпаз болып есептелінеді. Бағалау. Баланы қолға алып секіру.
2. Кезең. «Ирелендеп жүру»
Шартты: Сызылған сызық бойымен ирелендеп жүріп барып, белгіленген конусты айналып, кері қарай тік жүгіріп қайтады. Эстафетаны келесі ойыншыға беру, ойынды бірінші болып бітірген топ жеңімпаз болып есептелінеді. Бағалау. Баланы арқасына отырғызып жүгіру.
3. Кезең. «Үйректер сайысы»
Шарты: балаларды арқасына отырғызып, үйрек секілді жүру. Эстафетаны келесі ойыншыға беру, ойынды бірінші болып бітірген жеңімпаз болып есептелінеді. Бағалау.
4. Кезең. «Кім жылдам?»
Шарты: балалар өздеріне берілген геометриялық пішін, яғни төртбұрыш пен шеңбер үстімен жүріп, белгіленген конусты айналып, кері қарай тік жүгіріп қайтады. Эстафетаны келесі ойыншыға беру, ойынды бірінші болып бітірген топ жеңімпаз болып есептелінеді. Бағалау.

5. Кезең. «Жас спортшылар»Балалар белгіленген доғаның астымен өтіп, кері қарай қайталайды. Эстафетаны келесі ойыншыға беру, ойынды бірінші болып бітірген топ жеңімпаз болып есептелінеді. Бағалау.

Көрсетті міне өз өнерін балалар
Сайыстың да соңы келіп таянар
Жеңімпазды анықтайық қанекей.
Әділ - қазы сайысты әділ бағалар,- деп сайысымыздың шарттары бойынша қорытынды шығарып, жеңімпаздарды анықтап, марапаттау үшін сөз әділ - қазы алқаларына беріледі.

Спорт - көркі өмірдің,
Спорт - досың, серігің.
Жаттықсаң шымыр боларсың,
Шынығып, өсіп, толарсың,- демекші салауатты өмір салтын ұстанып, спортты серік етейік достар!

Алматы облысы, Кербұлақ ауданы,
Қоғалы ауылы, «Қарлығаш»
балабақшасының тәрбиешісі
Ибраева Арайлым Какармановна