Ауыз қуысында астың қорытылуы

Ауыз қуысында астың қорытылуы.
Сабақтың мақсаты:
Білімділік: Оқушыларға ас қорытудың маңызын ұғындыру. Сөйлеу мәдениеті мен танымдық ойлау, есте сақтау қабілетін дамыту. Ауыз қуысының құрылысы, шайнау әрекеті, тістің құрылысы, сілекей бездері және тілдің құрылысы, олардың атқаратын қызметтерін түсіндіру.
Дамытушылық: Білім мен тәрбие беруде тиімді әдістерді іздеп, өмірмен байланыстыра ұғындыру жағына көп көңіл бөліп, оқушылардың сабаққа белсенділігін арттыру, қосымша материалдарды пайдалануға дағдыландыру, ойлау қабілетін дамыту.
Тәрбиелік: Тісті күту, тіс ауруларының алдын алу денсаулықты нығайтуға, гигиеналық талаптарды орындауға, салауатты өмір салтын қалыптастыруға дағдыландыру.
Сабақтың түрі: Жаңа білімді қалыптастыру, аралас сабақ.
Сабақтың технологиясы: Оқу мен сын тұрғысынан ойлауды дамыту.
Сабақтың көрнекілігі: Плакат “тістің құрылысы”, “Сілекей бездері”, кесте, сызбанұсқалар және интерактивті тақта т. б.
Сабақтың барысы:
І. Ұйымдастыру. Оқушыларды түгендеу.
ІІ. Үй тапсырмасын тексеру.

“Кім жылдам” кезеңі
1. Астың құрамындағы қай зат ағзадағы ұлпаларды қайтадан қалпына келтіруге негіз болады. (нәруыз)
2. Адамда ас қорыту жолының ұзындығы? (8 - 10 м)
3. Ас қорыту мүшелерін ата? (ауыз қуысы, жұтқыншақ, өңеш, асқазан, аш ішек, тоқ ішек, тік ішек)
4. Ас қорыту жолының қабырғасы неше қабаттан тұрады? (3 қабат)
5. Бір тәуліктегі ересек адамға қажетті майдың мөлшері. (100г)
6. Дәм сезу рецепторлары қайда орналасқан? (тілде)
7. Негізгі энергия қоры. (көмірсу)
8. Ас қорыту және тыныс жолдары қай жерде қиылысады? (жұтқыншақта)
9. Ас қорыту жолының кеңейген жері; (асқазан)
10. Ұзындығы 25 см, іші қуыс бұлшық етті мүше; (өңеш)
11. Асқазанның астыңғы жағында орналасқан без; (ұйқы безі)
12. С дәруменнің басқаша атауы (аскорбин қышқылы)
13. Салмағы 1500 гр ең ірі без? (бауыр)
14. Ас қорыту жолында асқазаннан кейін қандай мүше орналасады? (ұлтабар)
15. Тамақтануға ең қолайлы режим. (4 уақыт)