Географиядан күнделікті сабақ жоспары. Мұхит түбіндегі таулар мен жазықтар

Күнделікті сабақ жоспары, география 6 сынып
Тақырыптар:
17 - сабақ. Мұхит түбіндегі таулар мен жазықтар.
18 - сабақ. №2 сарамандық жұмыс. Қайталау сабағы
19 - сабақ. Атмосфераның құрамы мен құрылысы. Атмосфералық қысым
20 - сабақ. Ауаның температурасы. Ауадағы су буы. Тұман мен бұлт
21 - сабақ. Атмосфералық жауын - шашын. Жел

Сабақ:
Күні:
Сынып: 6
Тақырыбы: Мұхит түбіндегі таулар мен жазықтар.
Мақсаты:
Білімділік: Оқушылардың мұхит түбіндегі таулар мен жазықтар жайлы ұғымдарын қалыптастыру. Мұхит түбін зерттеу әдістерімен таныстыру. Оқушыларды жер бетін шаруашылықта пайдалану және қорғау шараларымен таныстыру. Алған білімдерінің негізінде оқушыларда табиғат байлықтарына ұқыпты қатынас қалыптастыру.
Дамытушылық: Тереңдік шкаласын пайдаланып, мұхит пен теңіздердің тереңдіктерін анықтау.
Тәрбиелік: Таулар, жазықтар туралы оқып қызығушылықтарын тудыру арқылы пәнге деген сүйіспеншіліктерін арттыру, картамен жұмыс істету арқылы географиялық мәдениетке баулу.
Сабақтың түрі: аралас сабақ
Сабақты ұйымдастыру формасы: фронтальді
Сабақты жүргізу әдіс - тәсілдері: репродуктивті, проблемалық
Құрал - жабдықтар: Жарты шарлар картасы, атлас
Негізгі ұғымдар: мұхиттар мен ттеңіздер, тау жыныстарының әр түрлілігі
Сабақтың кезеңдері:

1. Ұйымдастыру кезеңі 5. Сабақты қорытындылау кезеңі
2. Үй тапсырмасын тексеру кезеңі 6. Бағалау кезеңі
3. Жаңа тақырыпты меңгеру кезеңі 7. Үйге тапсырма беру кезеңі
4. Жаңа тақырыпты бекіту кезеңі

Сабақтың барысы
1. Оқушылармен амандасу. Түгендеу. Сабаққа дайындығын тексеру. Психологиялық дайындығын тексеру.
2. Дәптерлерінен салған суреттерін, анықтамаларын тексереді. Кескін карталарын тексереді.
3. Ең алдымен кіріспе сұрақтар қояды: 1) Құрлықтағы таулардың пайда болуына қандай күштер әсер етті? 2) Құрлықтағы жазықтар қалай пайда болады? 3) Мұхит түбінде таулар мен жазықтар бар ма? Бар болса, неліктен? Мұхит түбін және оның тереңдігін зерттеу неліктен қажет болды? Жаңа материалды төмендегі жоспар бойынша игеру қажет:
1. Мұхит түбін зерттеу.
2. Мұхит түбіндегі таулар.
3. Мұхит түбіндегі жазықтар.
4. Жер беті – табиғаттың ең басты байлығы. Адам өз іс - әрекетінде жердің табиғат байлықтарын қалай пайдаланады?
4. Қазба байлықтар – жер қойнауының негізгі қоры.
5. Жер бетін ұтымды пайдалану.
6. «Елің бай болсын десең, жеріңнің бабын тап»
7. Табиғатты қорғау – мемлекеттік іс.
- Оқулықты, карта, суретті пайдалана отырып, тақырыпты меңгеру.
- Картадан мұхит түбіндегі таулар мен жазықтарды көрсету
Оқулықтың «Таулардың, сейсмикалық аймақтардың және жанартаулардың таралу картасы» атты иллюстрация бойынша жер бетіндегі жанартаулардың таралуы, жер сілкіну және тау аймақтарының байланыстылығын анықтау тапсырмасын береді.

4 Тақырыптарды бекіту тапсырмалары мен сұрақтары: 1) екі нұсқаға тапсырмалар беріледі: І нұсқа – экваторды бойлай Оңтүстік Америка жағалауынан Африка жағалауына дейінгі Атлант мұхитының тереңдігі қалай өзгеретініне назар аударып сипаттаңдар;
ІІ нұсқа - 30˚ с. е. бойынша Африка мен Аустралия жағалауларының арасындағы тереңдіктерді анықтаңдар; 2) сендер тұратын аймақта қандай қазба байлықтары өндіріледі? Қазба байлықтарды өндіру қандай экологиялық проблемаларды тудырады? Егін және мал шаруашылығының пайдасы қандай? Қазақ халқының жер бетін қорғауға арналған қандай салт - дәстүрлерін айта аласыңдар? Жер бетін қорғауға арналған қандай мақал - мәтелдер білесіңдер?

5 Сабақтың жетістіктері мен кемшіліктерін анықтап, жалпы сабақты қорытындылайды.

6 Оқушыларды сабаққа қатысу белсенділігіне қарай, жауаптарының дұрыстығына қарай бағалайды.

7 Үй тапсырмасына §§25 - 26. Мәтін соңындағы сұрақтар мен тапсырмаларды орындау.



Толық нұсқасын қарау